مشاكل وتوني عروس

:icon33:


خواتي تكفون مابي بيتي ينخرب تعبت :icon33:

يابنات صار فتره متزوجه ماكملت عشرين يوم

موطايقه الوضع بس مشااااااااااكل مع زوجي من دون سبب

ولاقال كلمه نطيت بوجهه وعقبها تعالو شوفو الصوت

تخيلو اي شهر عسل واي خرابيط :icon33:

هو عصبي وانا بعد
لكن حسيته يبعد عني وبس ينزلني عند اهلي انام عندهم ومااقدر اعلم اهلي
لانه انا لساني صاير طويل

ياخواتي مو متحمله كثر المشاكل
هو الزواج كذا ؟؟

عجزت ابي احترمه وابي اهابه مااقدر لامد لسانه زدت انا وعقبها مسح فيني البلاط واستاهل

وانا ماني قليلة ادب او مااعرف اطبخ او ارتب لا يابنات
لكن حالتي غريبه احس انا مو انا :44:
احس مااعرف الملعقه والصحن وكل شئ فاتحة فمي
وببيت اهلي اطبخ واعرف كل شئ
بنات صايرة خبله ماادري وش السواه تكفون خواتي ليه صرت كذا

ماني صغيره كمخه وش كبري ومتعلمه وفاهمه الدنيا لكن تزوجت وصرت
:04:+:mad:

115 تعليق 12,325 مشاهدة

شاركي في النقاش

سجلي الدخول لإضافة تعليق.

التعليقات

113
  1. @reem111

    ياقلبي وربي كنت نفسك وكرهت زوجي وانا ماصارلي 10 ايام من زواجي

    بس تدرين من وشو يمكن المشكله بالعلاقه يمكن المشكله عنده هو ومايقدر يبين لك

    انا كرهت زوجي وفكرت اتركه وهو بعد حسيته كارهني بس بعد 6شهور تقريبا تغير حيل

    صدقيني اصبري وراح تشوفين بس لاطولين لسانك عليه
  2. حبيبتي اذا صار نقاش انتي وزوجك حاولي قدر الامكان تمسكي اعصابك وتذكري انتي عند
    زوجك مو بيت اهلك الواحد يسامحك بعدين انتي توك عروس ليه المشاكل وليه تنامي عند اهلك
    سوي تغير وحركات وتزيني لزوجك الرجل يبغى انثى مو واحده ترادده بالكلام
    وبتلحظي الفرق لا تنسي ("الاستغفر ")مهم بحياتك
    الله يوفقك يارب
  3. أختي هدي اعصابك وكل مشكلة ولها حل واحنا في بداية زواجنا تصير بينا مشاكل بسبب اختلاف الطبايع وتحمل مسؤولية جديدة روقي وحاولي تسعدين زوجك وتكتشفين الجوانب الحلوة فيه وانتبهي تخسرينه بالنكد واهم شي في العلاقة الزوجية الاحترام والتفاهم
  4. @hoaaa_thkyf

    لا ياقلبي حاولي تضبطي نفسك
    واذا شفتي نفسك معصبه قومي اتوضي وصلي ركعتين
    وحاولي تتفهمي نفسية زوجك
    انا اقولك ان بعض الرجال اول مايتزوجون يبغوا يثبتوا رجولتهم قدام حريمهم بس للأسف مو عارفين كيف فتكون طريقتهم شوي دبشه وممكن تسبب لك ازعاج
    بس انتي خليك جدا عاديه وربي يسهل امرك

تابعي تجارب أخرى من هذا القسم.