موقف محرج للغاية...ما أتمنى لأي حد يتعرض له ^__^
بصراحة أنا صار لي هالموقف اليوم الجمعة وما تتخيلون كيف انحرجت بشكل فظيع وما خبرت أي حد من أهلي ولا بقولهم عشان لا يتمسخرون عليا ويضحكون لأنه فظيع...بس بقولكم إياه لأني والله محتاجة إني أقوله وأطلع إللي في قلبي...كنت رايحة واحد من محلات السوبرماركت الكبيرة والمعروفة جداُ والحمدالله ياربي إن بعيد جدا عن بيتنا..المهم أنا وأختي وبنت أخوي الكبيرة ، وبعد ما خلصنا واشترينا هم سبقوني ويمشون مع بعض رايحات صوب السيارة وأنا كنت وراهم بمسافة كبيرة وبيني وبينهم ناس وبينما كنت أمشي في طريقي ما أعرف شو صار فيني الحذاء الضخم اللي كنت لابستنه فجأة صار إلتفاف في رجلي ونعالي إلتف على جنب وطبعا هو كعب كبير وما شفت نفسي إلا أحاول أمنع نفسي من السقطة وأتوازن لكن مثل ما تقولون تعقدت الأمور وسقطت وما شفت نفسي إلا وأنا أسقط وأنسدح على الأرض بشكل كامل يعني كانت الطيحة على وجهي وبطني وإيدي ممتدة للأمام يعني إنبطحت على الأرض بكبري والمكان كان كله ماي من المطر متبلل...في هاذيكي اللحظة أنا كنت منحرجة جدأ وأول وما رفعت راسي أدور أختي وبنت أخوي إذا شافوني بس ما انتبهوا والحمدالله إن محد شافني من العرب والمواطنين لأنها منطقة أجانب وإلا جان فعلا بكيت من الإحراج..ما شفت غير الناس حوالي إلتفوا وكلهم نظرات تعاطف يقولولي Mam are you alright وأكثرهم كانوا من البريطانينن والهنود وإمرأة فليبينية حتى كان في وراي ناس أسمع شهيقهم لما طحت.. قلتلهم نعم أنا مافيني شي وما رفعت راسي علشان ما يحفظون شكلي ولا يعرفوني..ولحقني واحد من العاملين إللي في السوبرماركت يقوللي ما تبيني أجيبلج كلينيكس أو أي شي...وأنا أبغي أتخلص منه علشان ما يشوفني ويحفظ شكلي قلتله لا ما فيني شي...أنا قبل لا أشوف إذا تعورت ولا إذا صارلي شي.. كنت أشوف أختي وبنت أخوي هل شافوني ولا لأ لأن الصراحة كرامتي مهمة جدامهم وعلشان لا يخبرون الناس إللي في البيت وأتفشل..بس الحمدالله جلست أدعي وأقول إنشالله ما يكونون إنتبهوا...وفعلا صعدت السيارة وساقت أختي السيارة عادي وجلست تتكلم ولا كأنه شي وغطيت مكان البلل إلي في عباتي وثيابي بالأكياس علشان لا تلاحظ هي وبنت أخوي..و قلت ياربي الحمدالله ألف مرة..ياربي إحفظني ولا تعرضني لها الموقف في الشغل أمام الموظفين والرجال ولا ما كنت أعرف شو بسوي ووين أودي وجهي أنا ممكن أستقيل من الوظيفة لو صار لي جذي..لكني جلست أضحك على نفسي من الموقف الحقير هذا إللي ما أتمنى إنه يصير لأي حد..بس تصدقون جالسة أفكر طول الوقت وأقول كيف بتهرب من أختي لو قالتلي أروح معاها هناك مرة ثانية؟ الحمدالله إنه نحن ما نروح هناك إلا مرة بالشهر علشان المكان بعيد بس ياربي محد يكون حفظ شكلي ^___^
