الخبز اليمني او الملوح ولا أرووووووووع دشي ومابتندمين

السلام عليكم ورحمه الله وبركاته ...بما اني استفدت كثيييييييير من منكم ومن منتداكم الغالي وقلت بحط هالطبخه البسيطه لاني دايم اخذ منكم ولا انزل شي اتمنى يعجبكم وعلى فكره هذا اول موضوع لي فالله الله بالردووووود اللي تشجع ...
المقادير
3اكواب طحين رقم واحد او حسب الاشخاص
ملح حسب الرغبه وملعقه سكر
ملعتقين حليب بودره او ربع فنجان الشاهي حليب ابو قوس او اي نوع ماء حسب الحاجه
الطريقه
نحط كل المواد الجافه بعدين نضيف الماي على دفعات حتى تتكون عندنا عجينه متماسكه لاهي يابسه ولا طريه وااااااايدنخليها وسط نفس عجينه الفطاير او العشر دقايق نعجنها لمده خمس دقايق او اكثر لحد ماتصير ناعمه وماتلزق بايدج ونخليها ترتاح ربع ساعه او اكثر عادي حسب وقتج





بعدين نقطعها على شكل كور حجمها حسب الطابه اللي عندج انا اللي عندي وسط فكورتها بهالحجم

بعدين نرش طحين ع الرخام او الطاوله اللي بنشتغل فيها وناخذ واحده منها ونفردها

ها نمسحها كامله بزيت او سمن اللي متوفر انا احط زيت عادي
بعدين اخذ جزء منها واطويه واخذ الجزء الثاني وا طويه كمان
بعدين اخذ الجزء اللي فوق واطويه والجزء الاخير نفس الشيء تصير بهالشكل

نتبع نفس الخطوات مع باقي العجينه
ونخليها ترتاح مده عشر دقايق

بعدين نسخن الطابه واكون مجهزه فطاسه صغيره او باديه زيت جنبي عشان بنحتاجه نفرد العجينه لاهي رقيقه مرة ولا سميكه وسط خليها وندهن الطابه وهي حارة بشوي زيت ونحطها فوقها بهالشكل

لما تبدا تحمر شوي نقلبها ع الجهه الثانيه
ونحط اللحين شوي زيت فوق الجهه اللي قلبناها

36 تعليق 13,812 مشاهدة

شاركي في النقاش

سجلي الدخول لإضافة تعليق.

التعليقات

36
  1. @nor_aayny_shyl

    صاحبة الموضوع
    ونقلبها مره ثانيه ونضغط عليها بالملعقه او بصحن صغير بقوه وعلى كل الاطراف عشان تتحمر زييييين


    بعدين ندهنها بزيت ونقلبها ونتبع نفس الخطوات الاولى


    وبعدين نقدمها مع اللي تحبونه فول عدس سمك صالونه بيض اللي يحبه قلبج

    وبالهناء والعافيه وياااااااارب يعجبكم واي استفسار انا جاهزه وان شاء الله مايكون مكرر واسمحولي لو ماعجبكم موضوعي هاذي اول مرة فحياتي انزل موضوع فاعذروني

تابعي تجارب أخرى من هذا القسم.