شاركي في النقاش

سجلي الدخول لإضافة تعليق.

التعليقات

1,997

  1. @baldmoaa

    السلام عليكم
    اول مره ادخل هذا التجمع وان شاء الله دايم ادخله
    فيه شغله حابه استفسر عنها
    ايش يعني موية الجنين قليله وكيف تعرفو وايش الضرر والسبب ؟
    اول حمل لي وماني عارفه شيء .
    الله يهون علينا حملنا وولادتنا.

  2. @abaaad_saaydh

    الله يعافيكم ودي اسالكم
    متى نعرف نوع الجنين باي اسبوع ومين احسن دكتور او دكتورة يعملوا سونار بدقه
    وبكم
    الله يوفق اللي ترد علي

  4. @am_tala_17

    ريمان76
    الف مبروك ل ياليتني غيمه والحمدلله ع سلامتك وسلامة سما نستنى التفاصيل لاتطولين قبل مااولد لي اسبوع داخله التاسع ومره خااااايفه ونفسيتي زفت ربي يهونها علي وعليكم ان شاءالله

    ريمان ربي يسهلك بس فين مقرره تولدي يالله أم رسيل قطعت مرررة وحتى انتي

  5. @aaabralsbyl

    السلام عليكم ...
    ابشركم ولدت ولله الحمد ...
    كنت محتاره فين اولد في المطبقاني او المواساة عند رضا...
    كنت راجعت عند رضا الين الشهر ال7وبعدها قلت ابغا دكتوره ماودي اولد عند رجل رغم اني مجربه رضا قبل ممتاز..بس كنت ابغا حرمه فرحت للمطبقاني عند الدكتوره عزه راجعت عندها فتره مارتحت رجعت رحت عند رضا ...وعلى حضي قالولي ان انلغا نظام الاستدعاء يعني اللي موجود يولد وعلى حظي سافرو اكثر الدكتورات الممتازات في المواساه منال ولبنى وغاده وخفت ماينادولي رضا وقريت من تجمعنا عن الدكتوره عفت فرجعت رحت المطبقاني وكنت في كل مره استخير قبل اغير المستشفى المهم اني دخلت عندها اول مره وكانت اقل من اي دكتوره بكشفها طلبتها اني ابغا اتابع واولد عندها واعطتني جوالها المهم اني في اخر اسبوع لي بتاسع كانت عندي مراجعه ورحت لقيت عفت عندها عمليه وكان ليه اسبوع معي الالم وزااااااادت فكنت لازم اراجع عند اي دكتوره فدخلت مراجعه عند الدكتوره هاله وسوت لي تخطيط لقيت معي طلق خفيف مايذكر اصرت تكشف علي ولقيت الرحم مفتوح 2 سانتي وتالمت جدا بالكشف وصرخت ماقدرت اتحمل بعد ماخلصت سالتها ليش تألمت بقوه كذا قالت لاني حاولت افتح واوسع عنق الرحم زياده !!!!! (معأن لسا باقيلي اسبوع على موعد ولادتي )سألتني تحبي انومك؟؟قلت لااااا اروح ولو زاد ارجعو وطلبت اشعه وتحاليل طبعا كانت معي الالم بس الطلق مو منتظم صبرت يوم رجعت اراجع بعدها بيوم عند عفت وكانت الألام زااادت رحت وانا بالقوه اوقف ماقدر اخذ نفسي كامل من التعب وعشان تشوف نتيجة التحاليل والاشعه المهم دخلت وقلتلها اني جيت قبل امس عند هاله وطلبت تكشف شرطت عليها انها تكشف عادي ماتحاول توسع زي ماسوت الدكتوره هاله ولقت الرحم مفتوح 4سانتي كانت الساعه 8 العشا قالت روحي البيت وخذي بعد الفجر خروع وتعالي الصباح تبدا مناوبتي الساعه 9 !!!!وبكل برود ومواته تتكلم قلتلها خلاص ؟ قالت ايوه ربنا يسهلها وتولدي بسلامه قلت طيب التحاليل ماقلتيلي عنها والاشعه قالت كويسه قلتلها طيب انا جربت الخروع قبل بولادتي الاوله بغيت اموت قالت لا ماتخفيش(تخيلوا 4 سانتي يعني ولاده طلعتني ولا نومتني ولا سوت لي تخطيط عشان تشوف اذا فيه طلق منتظم او لا!!)المهم رجعت البيت وانا تعبانه مررره يوم جات الساعه 11 زاد الوضع رجعت المستشفى كانت مناوبت الدكتوره عزه يوم قلت لهم اني راجعت العشا عند عفت وكنت 4 سانتي انفجعت قالت وكيف طلعتك وانتي ولاده!!؟؟
    المهم كان على حظي فيه القابله التونسيه (البيضا مو السمرا السمرا مره اخلااااق )المهم جات تكشف يدها مره ثقيله وتعاملها سيء انا مره تعورت فصرخت رغم انه موطبعي الصراخ قامت تزعق عليه ياأختي تحملي مايصير كذا ايش هذا تحمليني ايش اسويلك يعني طبعا مره صدمتني حشا صرنا بمستشفى الولاده !!قالت لدكتوره اني 2 سانتي وعنق الرحم مره بعيد وقاسي!!!!!!!!!
    المهم قالت الدكتوره امشي ربع ساعه وبعدها اقيسلك انا ويوم كشفت عزه لقتني 4سانتي وقالت خلي زوجك يسويلك دخول انتي ولاده يعني الممرضه ماعرفت اتقيس مضبوط!!
    ومره وتروني الدكتور لها كلام والممرضه لها كلام دخلت غرفت العمليات على الساعه 5الفجر وجهزوني والممرضه تقولي خلاص قربتي تولدي تجي الدكتوره تقول لسا باقيلك ترجع تجي الممرضه تقول بفك الجهاز وقومي امشي تجي الدكتوره تقول لا خلاص قربتي كل وحده كلام غير الثانيه وحده تجي والثانيه تروح الممرضه تقيس وتكلم نفسها كان فيه مصيبه قلت ايش فيه قالت لسا لسا!!!!!قلت يعني ممكن يكون الطفل ملفوف عليه الحبل السري زي ولادتي السابقه قالت ممكن ماندري قلت يعني الوضع مو طبيعي قالت كل شي جايز !!! انا مره انهرت ابكي وادعي الله يسامحها وترتني وهو مافيه شي المهم يوم جات الساعه بحدود 6ونص الا الدكتوره راحت وقامت الممرضه تجهز وفسرت يدينها حسيتها بتولدني !!سألتها فين الدكتوره عزه الا فرحت قالت انتي تبغيها تولدك؟؟؟قلتلها طبعا قالت هيا طلعت بتروح تحسبك ماتبغيها وتبغي تولدك الدكتوره عفت!!وراحت نادتها!!!!!!!!!!!!!!!!!!!!!!!!!!!!!!!!!!!!!!
    كيف تولدني عفت وهي ماداوم غير الساعه 9 وانا الساعه 7 وخلاص بولد !!
    وللاسف مره تعبت وهم تعبوني زياده باسلوبهم وحده تقولي دفي والثانيه تصرخ لا وانا مابينهم هبلو فيه خايفه ادف اتمزق تكون لسا الدكتوره ماوسعت ايام المواساة كانوا معي يوجهوني خذي نفس اكتميه دفي الان اما هذول لاااااااااااااااااااا ولكن الحمدلله ربي فرجها لي الساعه 7ونص ولدت ولله الحمد.......
    الدكتوره شكلها زعلت لاني كنت اراجع عندها وحولت عند عفت وكانت بتتركني تولدني الممرضه !!طيب دامهم بيزعلوا ليش يمنعوا نظام الاستدعاء يعني كل وحده ماتصادف دكتورتها الدكتوره الثانيه تحقد عليها تتركها وماتولدها!!!وحتى بعد ماولدت كاتبين على كرتي اني تبع الدكتوره عفت رغم انه المفروض يكتبوا عزه لانها هيه اللي ولدتني ..وبسبب اللخبطه هذي لا مرت علي لاعفت ولاعزه !!!وقبل ماطلع طلبت دكتوره جابولي نصره هنديه!
    المختصر ان المطبقاني مره تغيروا ماهم زي زمان وبإذن لله ماعاد اروح لهم ابدا لانها كانت تجربه سيئه..

تابعي تجارب أخرى من هذا القسم.