(❀◕‿◕)  سجلي حضورك اليومي بصورة شي توحمتي عليه حبيتيه اوكرهتيه (◕‿◕❀)

بسم الله الرحمن الرحيم
كيفكم ياحلوات
امس جا ببالي هالموضوع
واتمنى يكون سبق صحفي ههههههههههه
هو للفرفشه والوناسة
والغرابه والطرافه
ونتسلى شوي لحد ما الله يفرجها لنا


والموضوع باين من عنوانه
كل وحدة تحط صورة شي توحمت عليه
سواءً كرهته او حبته

وتقول لنا هي قدرت تحصل عليه والا لا


طيب انا ببدا بنفسي
ياطويلات العمر يوم كنت صغيرة كان فيه شجرة في مزرعة جدي
تنتج نوع من الحمضيات
حنا نسميه ليم وفيه ناس يسمونه الخشاش وفي الشام يسمونه اللارنج
وفي المغرب العربي يسمونه الليم الشفشي

شفتوا من كثر ما احبه حافظه كل مسمياته
هههههه
هو ناتج من تطعيم البرتقال بالليمون
كنا ناكله مع الورقيات ونعصره على الكبسة
او نرشه بملح وياسلام على الطعم

ترى ماهو الترنج
اعرف الترنج احسن شي حق الحوطه <<< خبره في الحمضيات .... ما كأني طلعت عن الموضوع
ولا هو القريب فروت اعرفه اللي ينباع في السوبر ماركت
المهم من فتره ماعاد صارت تنتجه المزرعه وانقطع عنا<<< اهئ اهئ

وجلسنا ندوره في اسواق الخضار وكلهم يقولون مانعرفه
ويعطونا ترنج والا ليمون <<<يصرفونا

المهم كتب الله لي الحمل
في بداية الشتاء وهو موسمه شتوي

ومسكت معي ابغى لييييييم
ياناس اقوم وانوم واحس نكهته في فمي<<اهئ اهئ قمة التعذيب
المشكلة ما احد يعرفه ولانشوفه يباع

توكلت على الله وشرينا ترنجه
قلت يالله خلي اتخيل اني اكل ليم <<<هههههه العب على نفسي

وفي يوم من ايام الشتاء الباردة رن جرس الهاتف <<< اقول اخلصي
دق التلفون الا امي الحبيبه قالت وش ابشرك به <<<حسبت احد والد والا بيعرس
قالت ابوك لقى ليم في سوق المزارعين
قلت وشو ليم
وانا انقز قلت والله ياسلاااااام
عاد الهندي اللي يبيع قال له ابوي هذا ليم
قال لا هذا خسخاس <<<قصده خشخاش الله يخس العدو مسوي فاهم
قال ابوي هو خساس على قولتك هاته بس
ودي اروح لاهلي ذيك اللحظة << استغفر الله بس مدري وش هالبر اللي نزل علي وسط الاسبوع خخخخخخ


رحت لاهلي بعد يومين شفتوا التعذيب هههههههه
مع اني يوم اكلت منه شريحه جاب لي حموضه بس شي في الخاطر
واكثر شي ريحته اه تدوخ
اخذ القشر واشمه

عاد تبون تعرفون طعمه
طعمه بين الليمون والبرتقال والقريب فروت


وهذي صورة المزيون جبتها من النت



وهذي صورة اقرب ومقطع




وبس
وراجعه لكم اقولكم باقي حملاتي على ايش توحمت

بس الله الله بالردود والصور
وعادي ارجعي للموضوع كم مرة
مايخالف تراني بخلي الباب مهجوج على قولة العجز

ولو ما كنتي انتي المتوحمه
لو امك اختك جارتك

لو شغالتكم وهي تسولف عليك
والا رجلها سواق عندكم وحملت وبلشتي فيهم <<<< اقول لايكثر
ههههههههه

53 تعليق 8,188 مشاهدة

شاركي في النقاش

سجلي الدخول لإضافة تعليق.

التعليقات

53
  1. انا أدرس بالجامعة وتوحمت على صوت الدكتور

    ماودي انه يحكي وصرت احط الكرسي خارج القاعة الى ان تخلص المحاضرة وادخل آخذ من البنات المحاضرة

    وصورته موجودة بالنت بس ماراح |أحطها (:
  2. @aalkhyalh

    انا توحمت علئ عطر لزوجي ماعاد اطيقه الا الان وزوجي يتعمد يحطه والله عذاب


    ارجع علئ طووول من اشمه


    المشكله انه خلاه بالسياره وتبخرت ريحته ومن اركب السياره وريحته توصل لاخر راسي ويالله ترجيع بالسياره


    ةماعاد اطيق الاصوات العاليه خصوصا برامج الاطفال راسي يصدع ودي اسكر التلفزيون وكل شئ احب الهدوء


    اما الي اكله علئ كل عيالي سبحان الله خبز صامولي مع جبن مثلث وشطه مدري وش ذا الرغبه اموت فيه


    بس اشوي وارجعه بس اهم شئ في الخاطر
  3. @lady_needs














    ليمون ومـلح وخـل
    ومازلت للآن أكـله
    من قبل أتزوج هـذي
    التسالي المفضله عندي
    ويوم تزوجت وحملت توحمت عليهم
  4. @ms_atykyt

    انا كرهت كل شي تتوقعينه

    من اكل وشرب وعطور حتى بني آدميين اكره اسمع صوت احد

    بس الحين اشوى صرت اتقبل خخخخ

    الله يعين بس
  5. @asayl_alshmry

    وانا بعد توحمت على عطر لزوجي
    من اشمه يجيني الترجيع على طول
    مع ان زوجي يموت على هالعطر
    بس اخذته ورميته وع كارهته

تابعي تجارب أخرى من هذا القسم.