كيف أقول لزوجي انا مب طايقه ريحتك؟
متابعة النقاش، صفحة 3
شاركي في النقاش
سجلي الدخول لإضافة تعليق.
التعليقات
23- هذا الشئ طبيعي لاني مريت فيه وبعد 4 شهور الاولى صار الوضع طبيعي ورجعنا مثل قبل
- الله يهون عليك ان شاء الله بس انا ما انصحك انك تبعدين عن زوجك........لأي سبب من الاسباب......
- مرحبا اختي
انا نفس الشي و الحمدالله خفت هالحاله بيت اهلي اكل و اشرب و اضحك و اسولف بس يوم اسير بيتي تلوع جبدي لا اكل و كله راقده على الفراش و الله لا يراويج كل ما يتقرب ريلي مني تلوع جبدي وحليله يخوز عني يوم يسير ارجع...تخيلي والله كاسر خاطري وداني بيت اهلي لاني لعوزته واايد و هو تفهم يوم قتله مب مني هالشي و الحمدالله بدا يخف الوحام و ما صار بيني و بين ريلي شي .. فهميه انه هالشي وحام و خليه يزورج في بيت اهلج يمكن يوم اييج ما تشميين في ريحه والله يتمم لج على خير حبيبتي - والله يا بنات ما ادري شقولكم ريحتوني لأني كنت خايفه اني انا وايد أتدلع
مع العلم انه لي عيال من قبل بس ما مرت علي مثل هالحالة، وأنا زوجي
أحبه وايد واعرف هالشي.
بس يوم كنت في بيتي كنت ماطيق ريحته وما اتكلم عنده ولااحب اشوفه
واستانس اذا طلع، فكنت خايفه انه يمل من شكلي اللي دايماً غلط وطيحتي
الـ 24 ساعه في الفراش ونفسي اللي في خشمي على طول.
هو عارف انه وحام ومتفهم بس هل اقعد في بيتي وانقرف واقرفه معاي
ولا اقعد بيت اهلي وتكون علاقتنا بسيطه وحلوة مادري شو الأحسن..
انا هني عندي غرفتين في بيت أهلي غرفه وصاله، بس هو شوي راسه
يابس مايحب يبات مكان غير بيته، قاعده أحاول اقنعه يقعد معاي هني
وشكله بدا يلين لأنه بيت اهلي حالياً مافيه أحد بس أخوي وكله برا أو
في غرفته وزوجة أخوي عندها قسمها الخاص.
بس ساعات اخاف اذا ياني هني ولاعت جبدي منه ما اعرف اخليه
لأنه بيكون في بيت غريب ولازم ألتزم فيه ولا اكيد بتحز في خاطره
لو قعدت بعيد عنه.
والله مادري يا بناااااااات احترت !! آآآآآآآآهئ هيء هيء هيء
كل ما اقرر اني بروح بيتي احس تقول ياهل بيغصبونه على المدرسة
وهني ذبحني اللوم ما يسوا علي اييب ياهل واطفش أبوه!!! - فراشه بريئة
بصر احه الله يعينج انا عندي مهرب على الأقل.. يالله على قولتج بتصبر
وبشوف لين ألقى حل في هالحالة.
ذكريات القلب
يا ساتر تكره الماي 9 شهور؟!! الله يشوفلها مسكينه لا الأكيد اني وايد أهون
والله اتمنى لو زوجي ايي هني وانا عندي غرفه وصالة بحاول ارتبهم اللحين
وبجرب شو بيصير مشكورة عيوني
راس المعزّه
يا اختي والله أتمنى ما تصير فجوة بس لاااااعت جبدي مادري شسوي
يوم أكون في البيت حتى حبوب اللوعه ما تييب نتيجة جربتها أول يوم
حسيت اني شوي احسن بس بعدين ما قمت احس انه لها ذاك التأثير
بحاول الملم اشلاء نفسيتي وبجرب اقعده عندي هني كم يوم اذا مشى
الحال مشى ما مشى مردي بيتي الله يعيني عليه..
على فكرة اسمج حلو
مواضيع مشابهة
تابعي تجارب أخرى من هذا القسم.