شاركي في النقاش

سجلي الدخول لإضافة تعليق.

التعليقات

1,891
  1. @am_ans_omydo

    أم منصور
    بارك الله فيك، يعلم الله كم استمتع بقراءة المواضيع على الرغم من أن بعضها قد قرأتها مسبقاً

    أمل
    حبيبتي والله إني أنا كنت من أشد المعجبات بهمتك وتنظيم وقتك، إن شاء الله بترجعي زي أول وأحسن، ومن ناحية الوزن ما تقلقي كل ما تفكري فيه كل ما وزنك بيزيد، فحطي ببالك إنه تخفيف أكل مش امتناع تام عن الأكل، وعشانك أولاً مش عشان جوزك.

    راقية
    سلامة ابنك ألف سلامة، وكيف ما سألنا عنك والله إنتي دايماً على البال، بيتهيالي تاخدي إجازة على بال ما يتحسن ابنك بيكون أحسن إلك وإله، بعرف نفسية الواحد كيف بتكون وهي بالشغل وابنها مريض. والله يعينكم على قصص هالشغالات، إحنا عنا ما في شغالات يعني يا إما حضانات أو مثلي عند أم زوجي وهيك بكون كثير مطمئنة عليهم.

    فطوم
    آه والله وأنا قولة هيك مش معقول فطوم، شكلي خرفت ما هيك، وبعدين شو يغيب الكل عن المدرسة عشان تجتمعو إيش هالتسيب هذا (بمزح معك حبيبتي) بس بتعرفي إنه أنا ما بحب أغيب عن شغلي أو حدا من الأولاد يغيب عن مدرسته إلا للشديد القوي

    هيام
    ما شاء الله عليك، والله يوم الجمعة بحب أقضي وقت مع الأولاد بس مش كثير بقدر، يعني هي لمة الغداء، وساعة أو ساعتين بالليل

    أم أحمد

    أهلاً وسهلاً فيك معنا


    يومياتي للخميس والجمعة والسبت
    الخميس كسل بكسل بكسل، بس حممت الأولاد بالليل

    الجمعة نشاط بنشاط بنشاط، كنست الدرج، شطفت البيت، غسلت الغسيل، مسحت الغبار، ما خليت شئ ما عملته .

    السبت طبعاً هذا اليوم بقضيه عند أهلي، بس أخدت ميدو على الدكتور طالع بإيده تالولة ومش راضية تروح وللأسف مشوار على الفاضي لإنه ما لقيت عندهم الغاز اللي بيكووها فيه، وبعدين رجعت على البيت فطرت الأولاد ولبستهم وانطلقنا عند أهلي.

    اليوم بخطط لطوي باقي الغسيل وبدي اطبخ كرنب وطبعاً المهمة الأزلية تدريس الأولاد.
  2. @ftom_ftatym

    السلام عليكم
    كيفكم يا موظفات حواء
    ***
    يعطيكي العافية همسة غلا ...في ميزان حسناتك ...ودايما طلي علينا في الملف
    ***
    هيام بانتظار مذكراتك لليوم
    ***
    ام انس وميدو
    والله وانا ما بحب الاجازات والغياب ...بس حسيت البنات محتاجين لغياب هاليوم ونتجمع
    مش دايما بنكون مبسوطين متل هيك
    ***
    اليوم طبعا كان دوام في المدرسة ...وبعد الاجازة الطلاب متنشطين
    الدنيا برد كتير ...البيت نظيف وما في شغل ...بس حضرنا الغدا ونمنا شوي
    وعلى طول على منتدى عالم حواء
    ***
    بانتظار اخباركم
  3. فطوم فطاطيم
    السلام عليكم كيفكم يا موظفات حواء *** يعطيكي العافية همسة غلا ...في ميزان حسناتك ...ودايما طلي علينا في الملف *** هيام بانتظار مذكراتك لليوم *** ام انس وميدو والله وانا ما بحب الاجازات والغياب ...بس حسيت البنات محتاجين لغياب هاليوم ون…
    صباح الخير يا بنات.. كيفكو؟؟ وشو اخباركو؟؟

    اشتقتلكو كووووووووووم


    باركولي يا بنات انا حامل بالشهر التاني بس الوحام تاعبني كتير.. ومش عارفة اعمل شي بالبيت
  4. @om_mansor_1

    لانا مبروك الحمل و الله يتممه لك على خير
    إذن إحنا حوامل2011 لازمنآ
    تجمع خاص فينا أنا و إنتي و المرموحة و يمكن حتى أمل و يكون تجمع الموظفات الحوامل
    سبقتك بس مأخافش عليكي لحقت بي و الله فرحت لك من قلبي الله يجعله من حفظة القرأن البارين الصالحين
    إهتمي بصحتك و بتغذيتك و متجهديش نفسك بالشغل و خاصة الشهور الأولى
  5. om mansor
    لانا مبروك الحمل و الله يتممه لك على خير إذن إحنا حوامل2011 لازمنآ تجمع خاص فينا أنا و إنتي و المرموحة و يمكن حتى أمل و يكون تجمع الموظفات الحوامل سبقتك بس مأخافش عليكي لحقت بي و الله فرحت لك من قلبي الله يجعله من حفظة القرأن البارين ا…
    تسلمي يا ام منصور

    الله يبارك فيكي.. ومبروك لالك كمان وعقبال كل مشتهي يا رب.. ان شاء الله تقومي بالسلامة

    هههه.. وعجبتني فكرة التجمع الجديد

    الا قوليلي كيف مروا عليكي ايام الوحام؟؟