السلام عليكم ورحمة الله وبركاته
كيفكم بنات إن شاء الله تكونوا بصحه وعافيه
أنا من المتابعات لكم بشده في هذا القسم وأحيانا أتابعكم بالردود وأشارك معاكم .
ومن كم يوم عرفت خلطه وحبيت أفيدكم
الخلطه سهله وبسيطه واللي قالها أخصائي على قناة الكويت .
بصرااااحه من قالها وقال أنا شخصيا أستخدمها
على طول المصور حط الكاميرا على شعره
وماشاء الله شعره كثيف ولمعه طبعا اللي شافته
حماتي وهي اللي قالتلي عنه :)
ويمدح الخلطه ويقول استخدموها وعلى ضمانتي
وبتشوفون النتائج المبهره !!!!
والخلطه
هي تجيبون سلمكم الله (ثمرة الأفوكادو)وتقطعونها بالنص وتاخذون نصها فقط وشيلو النص الثاني بالثلاجه وبعدها تهرسونها بإيديكم أو بالخلاط كيفكم .....
وتضيفون ملعقه عسل أصلي
وملعقة زيت جوز الهند من المعصره
وينخلطون مع بعض وينحطون على الشعر وينلف بكيس نايلون لمدة ربع ساعه فقط
مره بالأسبوع .
وبصرااااحه حيل يمدح الخلطه يقول غنيه بكل الفيتامينات وتحل مشاكل الشعر كلها .
وأتمنى إنكم استفدتم .
جربوها ولاتنسون تدعون لي أي دعوه حلوه تجي منكم.
والله يرزق كل وحده فيكن الشعر اللي تتمنى .
وسلامتكن:)
شاركي في النقاش
سجلي الدخول لإضافة تعليق.
التعليقات
10مواضيع مشابهة
تابعي تجارب أخرى من هذا القسم.