تجربتي اللي ريحتني مع الشاورما والكودو

بسم الله الرحمن الرحيم
السلام عليكم ورحمة الله وبركاته
سلمكم الله طبعا انتم عارفين ان الوحدة لما تشتري اغراض الاكل
موشرط انها بتطبخها بنفس اليوم وكان لما احتاج صدور دجاج
لازم اطلعها بدري من الفريز مع اني شاريتها مبردة<<وش الفايدة
وانا استخدمها للسمبوسة
وللشورما والكودو
ففكرت فكيرة جميلة مملوحة<<شايفتها ذابحها الملح
لما اجيب الصدور من السوق اذا مفرزن السمبوسة مخلص فرمتها فورا
وسويت السمبوسة
وباقي كمية الصدور اقسمه قسمين قسم اقطعه شرايح زي الاصبع
واتبلها قرفة وفلفل واخليها على جنب
والقسم الثاني اقطعها مكعبات صغيرة واتبلها بهارات وقليل معجون طماطم
وكل قسم اكيسه بالكميات اللي احتاجها وافرزنه
واذا بغيت الشاورما بس اطلعها واحط زبده وملح وشرايح بصل وعصير ليمون بلا حوسة وتذويب وتقطيع
والكودو اطلعه واحطه على النار ولما يتفكك احط صلصة الصويا ومربعات البصل والفلفل
وحتى الدجاج المبرد الكامل لما اشتريه
اخذ ثنتين واقطعهم مع العظم قطع صغيره واتبلهم
واقسمهم واكيسهم واذا بصلح الدجاج بالطريقة التركيه
بس اطلع الكيس واحط عليه الملح ورعصة كاتشب وشرايح البصل
وفلفل اخضر وشرايح ثوم
وبكذا تعب ساعة ولا كل ساعة
ودمتم بحفظ الرحمن

52 تعليق 8,703 مشاهدة

شاركي في النقاش

سجلي الدخول لإضافة تعليق.

التعليقات

47
  1. صاحبة الموضوع

    المشاركة المقتبسة غير متاحة.

    الله يكرمك ويعز مقداارك استحيت:35:
    احبك واحب امة محمد كلها اللي يحبني واللي مايحبني
    شرفني مرورك ياقمر

تابعي تجارب أخرى من هذا القسم.