صباح الخير يا بنات.. جمعة مباركة للجميع
وين ام منصور؟؟ صارلها يومين مختفية صح؟؟
يوميات امس:
صارلي اسبوعين جاي عبالي شوربة خضرة.. لقيت عندي بطاطا وبصل وجزر فقلت يا بنت يلا الجود من الموجود.. وعملت شوربة بس.. ضليتني كل النهار رايحة جاي على هالطنجرة
المهم امبارح رتبت البيت الترتيب العتيادي مع تنظيف خفيف للحمام.. وشطبت المطبخ مع تلييف الغاز
طبعا غسلت ونشرت وطبقت الغسيل.. وكويت شوي
ان شاء الله اليوم بكمل كوي وبنظف الفرن عميق
مرجانة زمان: الله يكون بعونك وعوننا اجمعين.. انا جربت من شي شهر اجيب واحدة عالساعة.. ما اتفقت انا واياها وما عرفت اخليها تشتغل كيف بدي (بعد ست البيت لبيتها ما في) فاتخليت عن الفكرة.. وقلت شوي شوي بشتغل اريح لي
امل 07: الف الف مبروك.. الله يتمملك على خير..
هاي شكله عن جد رح نعمل فريق حوامل.. يلا يا بنات مين يزود؟؟
ام انس وميدو: تخافيش علي.. عم احاول اشتغل شوي شوي على قد ما بقدر
الله يعطيكي العافية
فطوم فطاطيم: انا من الجليل وبالتحديد شفاعمرو.. اذا بتعرفيها او سمعتي عنها..
حسيتك فلسطينية من حكياتك.. والخبيزة اكدتلي :39:
كيف عملتي الجبنة؟؟ قصدك الجبنة المالحة اللي تكون مربعات؟؟ يا ريت تقوليلي الطريقة
ام ريم: الله يعطيكي العافية..
ما تخافيش من سفر شغالتك.. ان شاء الله وبما انك ما بتعتمدي عليها بشكل كلي.. فرح تدبري امورك لحالك ويمكن احسن
¨°o.O ( همــم الموظـــفات ) O.o°¨
متابعة النقاش، صفحة 190






