عزيزتي همس الليالي اي اهتمام بالطلاب الي تحكين عنه في دلتا ؟؟الا انواع الاهمال
اولا مايعرفون يتعاملون مع الاطفال يكفيك الادارية امل وشلون تصرخ بالاولاد
والا مدرسات الرياضه كل وحده تقعد متفرجة على الاولاد وتصرخ عليهم واساسا المدرسات لامتخرجات رياضه ولا شي وحده دين والثانيه مدري ايش
والمكان الي يلعبون فيه الاولاد كره القدم .لاهو ملعب ولا مهيأ يكون ملعب ارض صلبة خطر احد يطيح يتكسر ثم الاولاد يركضون ويتدافعون ممكن يطيحون على وراء ويتكسرون الله يستر .طبعا اذا ماتعرفين عن اي مكان احكي اقصد الساحه الي اول ماتدخلين هذا مكان كرة القدم .والمكان الي اقول يطيحون نهاية المربع المرتفع الي ماتنزلين منه الا تطبين فهمتي علي .
والا فتحات البيارة مدري فتحات ايش هذي الي بالممرات قد دخلت رجل بنت فيها والله ستر عليها .ولا كلفو نفسهم يسوونها سدوها بعلبة .ويقولون جت هاليومين مشرفه وهاوشت لما شافت الفتحات وان شاءالله يلاقون لها حل .
طبعا مااتوقع ابنك او بنتك سبق وتعبو في المدرسة عشان تعرفين انواع الاهتمام الي عندهم والا هالنيرس الي اشك انها شغاله ملبسينها لاب كوت ,اذا بنتي جتها واتصلو فيني يقولون تعبانه تعالي اقول فيها حرارة يقولون ماندري ولا عطوها خافض ولا شي
ووحده اعرفها ولدها ضربه ولد على عينه وجاه جرج عميق بالقرنية .ودوه للنيرس اول شي مفروض تسويه قطرة معقمة للعين هذي مايبي لها نيرس ولاشي اي احد يعرف لا قطرو في عينه ولا شي .عطوه فيفادول ورجعوه للفصل وقعد الولد ساعات يتالم ماحد درا عنه ولا اتصلو في اهله ولا شي .الله يستر على اولادنا
وبعدين المدرسة تقبل كل من هب ودب لا اختبار قدرات ولا شي اهم شي طلاب يدفعون قسط وبس .وبعض الفصول فيها 20 طالب كيف المعلمه تشرح مناهج صعبة وكيف تضبط الطلاب وتركز عليهم بنف الوقت؟
والان الدراسة لها اكثر من اسبوع باديه لا عطو الاطفال النتايج ولا شيْء .اصلا ماعاد لها طعم خلاص .والادهى والامر بالبداية قالو مانعطيكم الشهادات للتيرم الاول الا بعد دفع قسط التيرم الثاني ,يعني اي بجاحه هذي؟الحين قسط التيرم الاول مدفوع خلاص ايش علاقه التيرم الثاني بالموضوع؟؟ولامرسلين ورقه مع الخطة اول يوم السبت ادفعو ,ثم الاثنين اورق ادفعو القسط للتيرم الثاني حتى يتسنى لابنكم استلام النتيجة ,ورسايل بالجوال ,كان الواحد بيسرقهم والا بيهرب ويخليهم اعوذ بالله .وسددنا والا الان ماشفنا نتايج ولا شفنا شيء وعذرهم عطل بالبرنامج !!
وحتى التدريس ثلاث ارباع الجهد على البيت ,اساسا المدرسات مضغوطات ومنهكات فصل فيه 20 ولد وماشاءالله طاقه وحركة هل بيمديها تضبطهم والا تشرح وتركز وعليهم والا ايش بالضبط ,يعني فصل مثل كيف بتدرسهم ماث وبيستوعبون ؟
طبعا المديرة كل من راح لها نصحته بان يجيب مدرسة تتابع للطالب بالبيت ..وماتقصر تعطيك اسماء مدرسات ..مع انها اول ماسجلنا بناتنا كانت تقول انا ضد المدرس الخصوصي .وهذا يسوي لخبطه للطالب بين شرح التيتشر في المدرسة والمدرسة الخصوصيه .والطفل لازم يرجع البت وهو يعرف يحل البيت بنفسه ولا ماعرف الام تكتب ملاحظة في الدفتر تحت والمدرسة بكره بتعيد له الشرح طبعا هذي الطريقه متبعه بالمدارس الاجنبية برا .وحسب كلام المديرة انها مطبقه هالنظام وانه المدرسة عندها وقت تركز على كل طالب وتشرح له .وطبعا ماشفنا من هذا شيء الا كل طالب عنده مدرسة بالبيت وعساهم يلحقون .غير التيتشرات الي معاهم شهادة كندية والا معاهم شهادة امريكية والي من جنوب افريقيا .هذولي كلهم سمعنا بهم كلام .ولا شفنا الا تيتشرات هنديات منهكات مضغوطات مايمديهم الا تشرح وياالله .
هذي النقاط السلبية الي حبيت اوضحها .
ملف لمدارس وروضات الرياض/الرجاء وضع اي سؤال هنا
متابعة النقاش، صفحة 114