عندي موضوع جدا محيرني من فتره ليه الزوج اذا زعل من زوجته لو لشي تافه يهددها
كانها طفله بعيونه يقول
انا بأربيك وبأدبك بالزوجه الثانيه
يتزوج كيفه بس لايضن ان الزواج طريقة تأديب والاصل هو يربي نفسه من ناحيتها هي بتزعل في البدايه بس راح تستفيد
اقول لكم وش تستفيد:
1-اكيد بيراضيها بفلوس وذهب هي كسبانه
2-ان كان بخيل من اول غصب عنه الحين راح يعطيهامصروف صعبه يصرف
على وحده ويترك وحده هاذا شي مايرضي ربي
3-اذا هو كان كريم راح يزيد الكرم اشكال والوان يحاول يرضيها
4-طلعاتها بتكثر لان الزوجه الثانيه تبي تطلع كثير غصب عنه للعدل يطلع الاولى
5- سفراتها بتكثر زمان كانت تداري ضروفه الحين غير نار الغيره تحركها وعلى فكره الزمن ذا غير
مستحيل يمشون مشوار اوسفر مع بعض نادر يصير لازم كل وحده لوحدها يعني يستاهل اصبحت الشغله دبل
6- تغيير الديكور والاثاث الي لها سنين صابره عليه مايقدر يقول لا حرام الا ان كان ظالم ماله الا الله
7- طلبات اولاد الاولى الحين
مستجابه حتى السيارات للاولاد كيف تطلع فلوسك علشان تتزوج وماتقدر تطلعها لعيالك
طبعا ذا التأديب الي كان يبي يأدب زوجته هو جابها لنفسه يعني الصراحه أدب نفسه ماأدب زوجته:
1-مصروف البيت صار مرتين مثال صغير كيسين طماطم كرتونين دجاج اااااللللخخخ
طبعا فاتورتين كهرب ومويه وتليفون وجوال اااالللخخخ وياسلام مع غلا الاسعار
2-طبعا خلاص معاد فيه يوم يكون لنفسه ينسى زمان اذا يبي يريح قال للاولى
اعذريني بسافر يومين هذاك اول الحين صعبه كيف يترك ورا ظهره بيتين مايصير
3- لما يجي عند وحده منهم يلاقيها ياتطلب مشاوير سوق مستشفى كوافير مطعم
تخلق المشاوير خلق عشان يمديها تستفيد منه
4- طبعا الله يعين راسه من كثر القلقه والثرثره كل وحده منهم تطلع كل السوالف في يومها
هي لان اليوم الي قبله كانت مكبوته من ناحيته وهو بعيد عنها وماراح تتركه لوحده لوللحضه تبي تستفيد من الوقت
5- ياحليله اذا اتفقوا عليه من ناحية النكد يصير راسه بحر وامواج يستاهل جابها لنفسه صح
6- يدوخ راسه من رسايل الجوال مهما كان نوعها مره ذي مره ذي
7- يصبح بالنسبه لهم شيال يشيل اسطوانتين يشيل اغراضهم واكيد لازم يشيل عياله
8- تخيل الحمل صار للثنتين في نفس الوقت يتبهذل مع الوحم والولاده وكلها
اتوقع فيه اشياء كثير راحت من بالي
انا اقول لكل وحده زوجها يبي يتزوج سوي حالك زعلانه واتركيه والله بتبردي قلبك عن السنين الي راحت والجايه بردي قلبك انا راح اشجعه يااخذ ثلاث عشان ابرد قلبي من جد مل مني وشاف
الهم والتعب عندي الحين اتركيه الي مر عليه معاك راح يتكرر نفس الوضع لايفرح ماعند الثانيه شي جديد بالعكس ممكن يعض اصابع الندم على الزوجه الاولى يعني بدال الهم بالنسبه له اصبح 2 او3او 4 يستاهل الله يزيده هاذا شرع ربي اتركيه والله راح يشيب راسه صدقوني انا اعرف ناس متزوجين اكثر من وحده والله خلاص تشوفوا الواحد تقولوا عمره 100 سنه شيب تجاعيد نحف بسبب كثر المشاكل والمشاوير بعكس الزوجه الاولى الي كان منكد عليها صار يراضيها تشوفي همها عيالها وبسمتها
طبعا في اغلب الحالات الزوجه الاولى كل شي بالنسبه له بيجي يوم ويرجع لها يعني تزوجته وهو لسى شاب شبعت منه هاذي ميزه للاولى
لكل زوجه اولى خلي شعارك( مردك لي) مستحيل يحب الثانيه اكثر منك تزوجك وهو لسى شاب يحبك بقوه
والثانيه بتكون تسليه شوي ويمل منها بس انتي خلاص حفرتي في القلب مكانك للمره المليون لالالالاتحزنين
تكفون الي سمع اوعنده تجربه عن هاذا الموضوع يفيدنا مين
المستفيد ومين المتضرر من الزواج بالثانيه
الزوج اوالزوجه
