ان اللي كان زوجي يدخن ويحشش بعد (كااااااااان)

السلام عليكم ورحمة الله وبركاته

انا متأكده انه في عضوات كثير هنا في منتدانا الغالي يعانون من نفس اللي انا اعاني منه
زوج يدخن ويحشش؟؟؟؟؟؟؟

بس الحمدلله حاسه ان الله بيفرجها علي قررررررريب
انا متزوجه ولي 4 سنوات واخذته عن حب وهو بعد كان يحبني بعد الفرق بيني وبينه 10 سنواااات
طبعا لما اخذته كانو بعض اخواني معارضين مايبغونه واولهم وامي بس امي ما كانت تبغاه لانه عايش بمنطقه ثانيه بس وماتبغاني ابعد عنها؟
لما تزوجته وانصدمت انه يحشش ماكان قدامي الا اني اسكت ولا اقدر اتكلم ولا اروح لاهلي لانهم بيوقفون بوجهي ويقولون لي اخذتيه غصب عنا؟
لكن اللي كان مصبرني انه مافيه عيب ابدا غير انه يحشش
الحمدلله محافظ على الصلاه وبار بوالديه واخلاقه الكل يمدحها

طبعا انا ولله الحمد لازمت الدعاء والاستغفار مع اني اخذت وقت قصررررت فيه مع ربي والله يسامحني الله لايشغلنا الابطاعته

المهم ذاك اليوم كتب الله علي ان يطيح الحشيش بيدي وبوقتها كانت امه عندنا بس ماحبيت اسوي مشكله واقولها خاصة انها مريضه ضغط
وما واجهته الا بعد ماسافرت وخيرته مابيني وبين انه يترك الدخان نهائيا لانه لايمكن يترك الحشيش الا اذا ترك الدخان؟؟والا اسافر لاهلي واتركه واقولهم على كل شي وخاصة اني هددته بقطعة الحشيش اللي معي؟؟

والحمدلله لقيت اعلان بنفس اليوم عن الجمعيه الخيريه للمساعده لترك الدخان واتصلت عليهم واخذت له موعد وانا جااازمه غير كل المرات معاه يسون له جلسات كل يوم لمدة 6 ايام واليوم اول يوم له

بنات اسألكن بالله اللي دخلت الموضوع ترفع الموضوع بدعوه خارجه من القلب ان الله يتمم عليه ويكتب له الهدايه ويساعده على نفسه ويترك الدخان ويبعد عنه عيال الحرام
ولا تنسون الحديث الشريفعَنْ أَبِي الدَّرْدَاءَ رَضِيَ اللَّهُ عَنْهُ، أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ



حبيت اكتب الموضوع اولا حتى اساعد اللي حالتها مثل حالة زوجي وحتى اكسب دعوات حلوة منكم يمكن وحده فيكم دعاءها مستجاب؟؟
والله اني بهم

ومشكورات مقدما

82 تعليق 11,914 مشاهدة

شاركي في النقاش

سجلي الدخول لإضافة تعليق.

التعليقات

81
  1. @fllol

    الله يفرج همك ويصلح زوجك وازواجنا وازواج المسلمين الزمي الدعاء له بالثبات والله يبعده عن اهل الحرام يارب ويبعد عنا عيال السوء والمسلمين
  2. @saaaby

    الله يكتب له الهدايه ان شاء الله الليه قبل بكره ان شاء الله

    والله يبعد عنه عيال الحرام ورفقة السوء

تابعي تجارب أخرى من هذا القسم.