سكنتي مع الحموله و ندمتي ولا اخذتي راحتج اعطينا بعض مواقفك


بسم الله الرحمن الرحيم
و الصلاة و السلام على خير الانبياء و المرسلين
شلونكم بنات بداية خل ندعو لاخوانا العرب بكل مكان الله ينصرهم يارب و يرحمهم

موضوعي النهارده سكنتي عند الحموله و قلتي اصبر على ظروف زوجي لين تتعدل و اكلتيها
يعني ما حسيتي لج ممكله خاصه فيج
انا للحين بنوته و قبل اقول عادي الواحده تسكن مع الحموله مثل ايام قبل و طرحت الموضوع بموقع ثاني وكل الردود الاغلبيه انصحوني و خرعوني بمواقفهم فغيرت تفكيري صراحة لان الناس تغيرت و كل شي تغير بالحياة
بس بسالكم صج الي مع الحموله لو لها دور مستقل ماتاخذ راحتها يعني بالطلعه و النزله يحسبونها عليها يشوفون الجياس الي شايلتها يشوفون المطعم الي يوصل الاكل لها و لزوجها و لعيالها
يعدون عليها كل شي

اتوقع مهما الحموله طيبه لازم لازم لازم يجيبون طاري جنتهم و جم خسرت ولدهم مسواق و مصاريف لازم الاهل الله يهداهم يتدخلون عشان جذي من الاسلم ابو البنت يشرط قبل بعقد الملجه سكن مستقل

اوف مجرد التخيل ان ناس يحدون حريتي انبطت جبدي مع اني بيتوتية مره ولا راعية سفرات و مطاعم و طلعات بس اذا بنفه عن نفسي اطلع اتقضى للبيت خضره و اكل و روحتي للمكتبه تسوى روحتي لسويسرا و الله بس مجرد ما اتخيل احد يحاسبني ليش و ليش تنبط جبدي
لاني مو من النوع الي يكود الاغراض انا من النوع الي مثل الاجانب كل يومين ثلاثه اتقضى و اشتري شوي تدرون جونا حار و التكود مو زين

يا الله تجاربكم و اهم شي مواقفكم السلبيه ويا الحموله واحده قالت حتى دخلتي للحمام صعبة علي لان عيالي مخربين الصاله بالعابهم و حمولتي يدشون فجاة اقصد يدرعمون

ويع شنو هذا الواحده تبي تتحنا مثلا تبي تنام تريح بعدين تنظف بيتها تبي تخبص بعمرها ما تقدر بقلبها خوف دايما لا احد يطب عليها

مره واحد بيته يم بيت اهله و متعود ابوه اذا تاخر يقعده من النوم رغم ان زوجته موجوده

المهم باحد المرات الابو طب من الطوفه ( الجدار) ههههه خايف لا الدوام يطوف اولده تفاجأ بجنته بقميص النوم ههههه الله لا يبلانا هذا و له بيت مستقل ايل شلون لو بنفس البيت ههههه

اللهم لاشماته الله لا يبلانا يا الله دوركم

14 تعليق 1,742 مشاهدة

شاركي في النقاش

سجلي الدخول لإضافة تعليق.

التعليقات

14
  1. @amp_shrok_amp

    مدري احس صعبه ان اجد يشاركني جنتي بيتي انا ماجربت احد يشاركني في بيتي وان شاء الله ماحد يشاركني في بيتي
    ماتخذالوحده راحتها في البيت ماتلبس على كيفها ماتطلع مادري بس صعبه مرررررررررررره
  2. @fy_klb_zogy_1

    تكفين لاتسكنين مع حموله والله ماتخذين راحتك
    والله ودي اكشخ لزوجي بس مااقدر
    ماتخذين راحتك والله حاسه بذنب اني ماتزين لزوجي
    بس والله مااقدرررررر
    ياررررررررررررررررررب رحمتك
    تكفوووون ادعولي اسكن في بيت لحالي حتى لو كانت شقه صغيره
  3. احنا بعماره وحده والمجلس واحد تحت يعني اذا بنسوي عشاء كلانا نتشارك
    بس بصراحه احلى ايام عشتها معاهم كانا بيت واحد بس ماشاء الله
    الله لايغير علينا يمكن عشاني احب اللمه
    مانا الحين بمدينه لوحدي بشقه بس اتمنى متى تخلص المدارس وارجع
    للشقتي هناك

تابعي تجارب أخرى من هذا القسم.