ملف استشارة مطبخبيه * 6 *

السلام عليكم ... ماشاء الله دايما مبدعين
ابله دينا ... انا مولفقه علي كل حاجة حضرتك بتقوليها كلها افكار جميله جدا ومفيدة وفعلا لو حاجات هنعملها بأقل تكاليف ومقادير متوفره هتبقي فكرة جميله وهنستفيد منها كلنا وبالنسبه للأجبان يا ريت فعلا نعملها بس تفتكري حضرتك ينفع نعمل الموتزاريلا والرومي و الشيدر؟
رشا ام كريم .. تسلم ايدك علي الفطاير شكلها حلو واكيد طعمها احلي .. وبالنسبه للسويسرول انتي بتحشيه مربي اول ما يطلع من الفرن وبعدين تلفيه ولا بتستني لما يبرد الأول ومعلش انتي بتفركيه ازاي ؟
حنونه .. تارت البسكوت شكله تحفه ويجنن معجبكيش ليه؟ انا عملته قبل كدة وطلع جميل جدا ؟جربيه تاني والتزمي بالمقادير وان شاء الله يعجبك المره اللي جايه
يا ريت بقي يا بنات تقولو بتتغدوا ايه كل يوم علشان انا مبقتش قادره افكر في الغدا مبقاش عندي افكار

مساء الخير عليكم جميعا

انا مبارح عملت فطاير سبانخ مثلثات وجربت فيها عجينة جديدة اخدتها من ام ياسمينه بس زودت عليها زيت

العجينة مش قادرة اقولكم خرافية ازاي طرية جدا بشكل رهيب ان شاء الله حكررها كتير خصوصا لحشوة الجبنة

والسبانخ بجد جميلة قوي

مقاديرها كالآتي :

3 كوبايات دقيق

رشة ملح + معلقة صغيرة خميرة فورية

نص كوب ماء دافي

بيضة + نقطتين خل

نص كوباية زيت

والسر الرهيب هو حبة بطاطس متوسطة مسلوقة قوي ومهروسة

اول حاجة بنضيف معلقة الخميرة على المة الدافية ونسيبها على جنب

خلطت البيضة مع الخل

وحركت الدقيق مع الملح

وبعد كدا كله على بعضه مع الزيت والبطاطس المهروسة وعجنت وعجنت وسبتها تخمر ساعة


اسيبكم مع الصور واي سؤال انا حاضرة :)

Swr0147




Swr0146


على فكرة المقدار دا جميل للعائلة الصغيرة 3 او 4 افراد لانه بيعمل كمية حلوة تقريبا 22 حبة صغيرة وكمان ما بياخدش وقت وما بتزهقيش

يا بنات كانت رشا ام كريم قالت هتطمن علي سما سحاب
مافيش أخبار عنها قلبي واجعني قوي علي اللي بيحصل في الناس ده
حسبي الله ونعم الوكيل
ربنا يحفظنا ويرفع غضبه عن جميع المسلمين ياااااااااااارب

مساء الخير يا بنات السويسرول تعملوه وتسبوه نصف ساعه يبرد وبعدين بلفه في ورق فويل واسيبه يبرد خالص وادخله الفريزر لما بحتاجه بطلعه واسيبو يفك مش بياخد وقت ويعدين احشيه مربي واالفه تاني وبعدين اقطعه واللي عاوز يحط عليه شيكولاته ويزوقه برحته.

افركيه بمعلقه يا شيمو من علي الوش بس عشان زفاره البيض يتطلع علي الوش كلها.

سما معرفش عنها حاجه وهتجنن والله يا رب الطف بيهاي يارب وبشعب ليبيا الواحد كل ما يفوق يلاقي حاجه بتنكد عليه

يا بنات اللي معاها نمره سما في دمياط عند اهلها تديهاني علي النت او اللي يعرف نمرتها كتكوته لو تعرفيها ابعتيهالي علي الفيس