بسم الله الرحمن الرحيم
اخواتي بنات حواء اكتب لكم مشكلتي هذي وانا قلبي يقطر حسره والم ودموعي على وجهي راح تحرق خدودي من الحراره الي بجوفي نار وشاعله بقلبي
قصتي يابنات بدأت لمى انخطبت من شخص وشاوروني اهلي اذا انا راغبه فيه ولا لا وابوي زكااه لي وقالي انسان سمعته طيبه وفيه خير انا استخرت بعدها ثم وافقت واتزوجت زواج تقليدي عادي وللصراحه تزوجنا واحنا ماشفنا بعض ويوم الزواج الحمدلله طلع زوجي وسيم مره بس المشكله اني ماتقبلته يعني مادخل قلبي ولا حبيته مع انه شخص محترم ومافيه اي عيب ومن اول يوم وانا كارهته لله ما ادري ليش ماحبيته ابدا ومع هذا جاملت وصبرت نفسي قلت يمكن علشاني توني عروس بعدها بشهر اشوف نفسي زايده نفور منه بدون سبب والله يشهد انه طيب معي ويعاملني احسن معامله بس ماقدرت اتقبله ولا حتى حبيته وقلت لامي انا نافره من الرجال واحس اني اغصب عمري على تقبله ونفسي كارهته امي قالتلي عادي مع الوقت تتعودين عليه اصبري فتره وراح تشوفين انك راح تتقبلينه
اناسمعت بنصيحتها وقلت تحملي لعل وعسى ينصلح حالي ومر اربع شهور وانا ما ابين له اي شي وكاتمه في قلبي وفي نفس الوقت اجاهدنفسي وصارت حالتي اسوء يابنات من كثر ماني كاتمه في قلبي واغصب نفسي اعيش مع هالرجال صرت مااكل ونفسي انسدت عن الاكل وصرت اعيش على المويه بس وصرت نحيفه بشكل مخيف ومرضت وصاركل شوي موديني زوجي للمستشفى مغمى علي من سوء التغذيه
رجعني بعدها زوجي لاهلي علشان ارتاح عندهم كم يوم انا بعدها قلت لامي انا خلاص ماعاد اقدر استحمل اكتم في قلبي اكثر من كذا وقلتلها ماعاد ابغى ارجعله
امي قالت لابوي الي قلته لها وعينكم تشوف الي صار لي يابنات
جا ابوي لغرفتي وقالي ماعندي بناات يتطلقون احنا ناس مانبي فضيحه وهددني اذا مارجعت لوزجي راح يبهذلني بحياتي عنده وبيحبسني في البيت ويحرمني من الدراسه اذا تطلقت وقال لامي تاخذني لمشايخ يقرون علي
وصرت انتضم عند مشايخ اقراء عندهم وكل ماسألني شيخ عن مشكلتي ارد عليه واقول انا مافيني شي انا بس ما ارتحت مع زوجي واستمريت على القرائه فتره وابوي كل يوم يهددني اذا قلت لزوجي اني ما اقدر اعيش معه لدرجه اانه قالي والله لاموتك قبل تطلقين وارتاح من همك وصار يكلم زوجي ويقوله خلها عندنا فتره ترتاح وحنا بعدين نجيبها للبيت
بعدها انهرت يابنات ابوي سندي في هالدنيا يسوي فيني كذا ؟؟
الين جت الطامه الكبرى وكنت نايمه على فراشي الظهر من المرض الجسدي والنفسي بس ماكنت نايمه متمدده على فراشي افكر بهمي وابكي دخلت امي الغرفه وتحسبني نايمه علشان ضهري للباب المهم ورب الكعبه يا بنات امي قصت من شعري خصله وطلعت من الغرفه على طول انا استغربت حركتها هذي بس من المرض مافكرت في الموضوع هذا بعده بيومين بالظبط ربي صحاني من النوم فجأه وشفت امي رافعه دولاب صغير في غرفتي وحطت شي تحته ثم طلعت والله يابنات قمت بعدها ودفيت الدولاب شوي وطلعت ورقه مطويه وفيها رموز وطلاسم سحريه
قلبي بغى يوقف من الصدمه
سحر يابنات لقيت امي وابوي مسوين لي سحر علشان ارجع لزوجي
بنات انا منهاره الحين ايش اسوي الجأ لمين اروح لمين كيف اتصرف احس اني مشلوله تفكيري وقف والورقه المطويه ايش اسوي فيها
اخواتي انا في كربه ومصيبه دلوني على احد تكفووون
شاركي في النقاش
سجلي الدخول لإضافة تعليق.
التعليقات
147- لاحول ولا قوة الا بالله
ارقي نفسك
اقري سورة البقره
كلمي شيخ ثقه
وهي يقولك كيف تفكي السحر - لا حولا ولا قوة الا بالله العلي العظيم للهده الدرجة
استغفر الله الغفور الرحيم الله يهديامك وابوك
على العموم يا اختي امسكي الورقة الي فيها الطلاسم واقرئي عليها المعوذات وسورة البقرة وانفثي فيها
او اتصلي على اي شيخ قولي له لقيت ورقة فيها طلاسم وش اسوي فيها طبعا لا تقولي له امي وابي
وربي يسر امرك يا رب
اصبري يا اختي على زوجك شوفي امك وابوك وش سوو فيك ادا الرجال طيب اصبري واطلبي من رب العباد يحبب قلبك في زوجك وتشوفيه اجمل واحسن واحد في الدنيا - لاحول ولاقوة الابالله
استغفري كثير
الله يفرج همك - لاحول ولاقوة الابالله
- على مااعتقد فيه ناس جاهله ناصحين اهلك بشي اسمه حجاب وهو استعانه بالجن وشبيه بسحر انصحك تقراين في النت كيف تفكينه ولا تقولي لاهلك عنه لنهم يحسبون انهم كذا يساعدونك وداومي على اذكار الصباح والمساء
مواضيع مشابهة
تابعي تجارب أخرى من هذا القسم.