>>كيف تعرفتي على أعز صديقاتك؟؟<<

@dlllllllllaa عضوة جديدة


مرحبا بنات.....
سؤالي هو ....كيف تعرفت على أعز صديقاتك؟
وبأي سنة؟
وأول انطباع اخذتيه عنها؟
كم أخذتوا وقت علشان العلاقه تقوى بينكم؟

يلا أبغى الكل يشارك لاتفشلوني ترى هذا أول موضوع لي هنا في الواحة

21 تعليق 5,862 مشاهدة

0 0

شاركي في النقاش

سجلي الدخول لإضافة تعليق.

التعليقات

21

  1. @klb_aldlaa كبيرة محررات

    #5911170
    أهلين دلع...


    والله انا اعز صديقاتي تعرفت عليها بثاني متوسط..
    كنت انا طالبه جديده عندهم..

    بعد اسبوعين الفتت نظري هالطالبه اخلاقها وهدوءها بالفصل..
    واسلوب المعلمات معها..

    حاولت اتقرب منها شوي شوي تعرفت عليها وعلى البنات كلهم..
    بس هي بالذات الوحيده إلي تمسكت فيها..
    و انا وهي داااائما البنات يدخلونا في مشاكل <<<بس نطلع وماخذين حقنا
    وثاني متووووووووووووسط كانت العلاقه بيني وبينها طق وطير..
    وفي نهاية ثاني بدت تقوى العلاقه شوي شوي

    بس للاسف صديقتي ما تتذكر ولا شي..صار في ثاني متوسط..
    بس تتذكر ايام ثالث ..

    والحمد لله ان هي صديقتي..

  2. @mymo_5 محررة برونزية

    #5911958
    هلاا فيك دلع
    وحده من البنات كانت معاي بالفصل في سادس ابتدائي
    وكانت بنت جيرانهم معانا بالمدرسه ودايم تمشي معانا ومع الايام صرنا صديقات مررره للحين

    واحين هي بتتزوج الله يسعدها وين ماراحت


    م ي م و

  3. @ghla_aldnya محررة

    #5912037
    اهلييين دللع

    انا صراحه اقرب صديقه لي هي اخت صديقتي ونعرف بعضنا من الصف الثالث المتوسط والحين لنا تسعه سنين ماشاءلله علينا وعسى طوووووول العمر انشاءلله خــوات وهم الاثنين خواتي والله ..
    والحقيقه اول انطباع عنها كنت مااحبها ومااطيقها بالأصح لكن سبحان الله يقولك ماااامحبه الا من بعد عدااااوه :)
    قويت علاقتنا بعد سنتين من التعارف لأننابنفس المدرسه وبنفس الحـي بس سبحان الله ماكانت تعجبني شخصيتها ابد والحين هي اخت وصديقه ..

  4. @fsforyh كبيرة محررات

    #5912345
    مووضوعك روووعه ..

    انا عن نفسي .. احس اني اجتمعت بصديقاتي صدفه ..ما ادري ليه ما اتذكر ..

    احس كان احد ينووووووووووووومني بعدين اصحا فجأه القى نفسي بين صديقااات احبهم موووت ..

    ونتفررق ونجتمع ..والدنيا تدوووووووووور ..وانا موووش داريه هههههههه ..

    بس اغلبهم .. بنات تمنيت اصادقهم وحبيتهم من بعيد لبعيد ..

    وارتحت لهم بعدين الاقي نفسي صديقتهم ..كيف ..ما ادري ..الحمد لله بس ..

    وعلى كثر صديقاتي عمرري ما تندمت على صداقه ربطتي باااي وحده ..

    لانهم يجنننون مثلي ..<<رووحي بس ..

    امممم تذكرت ..وحده منهم وهي ملوكه ام العلوكه..

    صار لي انا وياها موقف طريف بس يفشل هههههههه

    وهو اننا كناا صغاااااااار قزمان وعصلااان واحنا في سادس ابتدائي ..

    وكانت في بنت تدرس معنا كبيييره كأنها ام عيال .. بس العقل اللهم لك الحمد ههههههه ..

    مسكتنا وشالتنا وقامت تطيرناااااا في السماء في وووسط الساحه قدام كل البنات ..اااي يا وجهي ..

    كل ما اتذكر اضحك واستحي هههههههه ..

    ولما صرنا في ثاني متوسط صارت جنبي في الفصل وصرنا صديقات مررررره ..

    بس هذا اللي تذكرته ..

    يالله سي يووووو ..