شاركي في النقاش

سجلي الدخول لإضافة تعليق.

التعليقات

170
  1. صاحبة الموضوع
    .............
    الجزء السابع عشر

    عبدالعزيز : صباح النور على أحلى عروسه

    مها حمرت خدودها : صباح الخير

    عبدالعزيز : طبعا دمووع ياخي ترا المناديل كثيرة

    والمكياج بيخرب

    مها : طيب هذا همك أصلا

    عبدالعزيز : أتوقع أنه أهم شيء الشكل

    طيب وش شعورك ؟

    مها : عزوز ترا مالك داعي

    عبدالعزيز : عادي قولي لي طيب فرحانه بتشقيين وشو .؟

    مها : ماابغى أتزوج

    عبدالعزيز : أفا ليــه ؟

    مها : أقول عزوز صح ماسلمت على أمي رح سلم عليها

    أزين

    عبدالعزيز يضحك : طيب

    ............
    في الليل

    عبدالعزيز : يالله مها اللحين سلطان بيدخل خوذي

    نفس عميق

    مها : تكفى مابي

    عبدالعزيز : أقول بلا بزاره بسرعه

    مها : طيب

    دخل سلطان , مها تحس ان كل الدنيا انطبقت عليها

    عبدالعزيز : هلا سلطان

    سلطان : هلابك

    عبدالعزيز : الله يوفقك يازوج أختي

    سلطان : آمين جزاك الله خير

    عبدالعزيز : المهم أهتم بمهاو تراها غالية

    حطها بين عيونك يمكن يعني تلقى دلع شوي بس هي

    تحليه

    سلطان : هههههههههههه ان شاء الله

    ماتوصي حريص

    طلع سلطان وركب السيارة ينتظر مها

    عبدالعزيز يضغط على أيد مها : مها أنتبهي لنفسك

    اذا أحتجتي شيء لاتسحين

    مها : ان شاء الله , يالله عبدالعزيز بشتااق لك

    عبدالعزيز : وانا اكثر , صح تراني بسافر

    مها : يوه قهر أبغى أشوفك

    عبدالعزيز : وش أسوي العمل يجبرني

    مها : بالتوفيق أجل

    عبدالعزيز : يالله روحي تأخرتي على زوجك
    مها تحس أن كلمة زوجك غريبة وغلط : طيب مع السلامة سلمني على ماما

    عبدالعزيز : ان شاء الله مع السلامة
    ................
    وصلوا الشقة

    سلطان ركب المصعد

    سلطان : يالله وش تحترين أركبي بسرعه

    مها : طيب

    سلطان جلس يفتح الباب ومها جالسة تتأمله

    مها في نفسها : غااامض الله يعينني عليه

    لكن فيه شيء حلو لكن وشو ما أدري

    دخلوا الشقة

    سلطان : أسمعي روحي لهذيك الغرفه

    وأنا هناك اذا تبغين شيء قولي لي

    وخليني أنام لا حد يقومني

    مها : طيب

    سلطان : وانا للحين ماسمعت منك غير كلمة طيب !!
    ...

    سلطان راح على طول نام

    أما مها راحت وأخذت لها شاور بعدين نامت بسرعه

    لأنها لها يومين مانامت زين !!

    ...
    عند ريم

    ريم : يالله خاله الله يوفق مها ياارب

    نوره : آمين الله يجزاك خير يابنتي ماقصرتي معنا أبد

    ريم : المهم خاله اذا جت عندكم اذا حصل لك تتصلين علي

    أتمنى أسلم عليها

    نوره : ان شاء الله بس لا تقطعيننا

    ريم : ان شاء الله يالله مع السلامه ,سليمين على عنوده وسارونه

    ومهاو

    نوره : ان شاء الله مع السلامة

    ....
    مرت الأيام على مها عادية ورديئة

    لأن سلطان ماكان أبد يتكلم معها

    ولا كأنهم أزواج مجرد يقومون وينامون بس !

    وحتى سلطان ماتاب من البنات حتى بأيام

    زواجه كان ماغير شيء من حياته

    مكالمات ورسائل مع البنات (الله يهديه )

    وحتى كان يسوي هذا الشيء قدام مها ولا يهمه

    ....
    بعد أسبوعين

    ...

    مرت أيام العزى وفاطمة المسكينه فقدت سارة كثير لكن

    قدر الله وماشاء فعل

    ....
    أم سليمان : وعساك ياهدى قلتي لعبدالله

    هدى : ايه يمه قلت له هو عادي ماتحمس أبد

    هو مايبي يتزوج بدري ولكني قدرت أقنعه

    أم سليمان : ان شاء الله تصيرين ماغصبتيه

    هدى : لا أبد

    أم سليمان : أجل خلاص اللحين مابقى الا البنت

    هدى : خلاص أناديها اللحين وأقول لها

    أم سليمان : لالا يابنتي أنا بقول لها أحسن


    هدى : أجل اذا صار هذا رايك براحتك يمه

    .....
    في وقت العشا

    أم سليمان : ميري

    ميري: نئم ماما

    أم سليمان : روحي نادي فطووم

    ميري : طيب ماما

    ....
    فاطمة : هلا يمه وشلونك اليوم

    أم سليمان : بخير حبيبتي أنت وشلونك ؟

    فاطمة :بخير , ورجلك اليوم توجعك ولا لا ؟

    أم سليمان : لا زينه أبشرك بس ألم بسيط

    فاطمة : الحمدلله

    أم سليمان : فاطمة

    فاطمة : هلا

    أم سليمان : أسمعي حبيبتي أنتي خلاص اللحين كبريتي واللي مثلك متزوجين

    فاطمة : أنا توي بهذا الأمر ما أفكر فيه اللحين

    أم سليمان : بس يافاطمة فيه أحد خطبك

    فاطمة مستغربة : مين ؟.

    أم سليمان : عبدالله ولد عمتك هدى

    فاطمة : ....

    أم سليمان : أعذرين حبيبتي ما أعرف أسوي مقدمات

    أنتي فكري زين وشوفي وش اللي يتناسب لك والولد ماعليه

    يصلي ويشتغل وحبيب وكل شيء الحمدلله به زين

    عاد وش رايك ؟

    فاطمة :.....

    أم سليمان : أدري أني أحرجتك خلاص حبيبتي كملي عشا

    بدون حيا ولك ثلاث أيام أستخيري فيه وأطلبي من ربك الخيرة

    والله يوفقك للي فيه خير

    .....
    في اليوم التالي

    فاطمة : أهلين ريووم

    ريم : هلابك يالقاطعة

    فاطمة : حرام عليك نيتي خير

    ريم : هههههههههههههه ألعب ألعب

    فاطمة : طيب ما أبطي عليك , بالشقة ؟

    ريم : ايه ليه بتجين ؟

    فاطمة : ايه

    ريم : من جدك ولا تستهبلين ؟

    فاطمة : لا من جدي أشتق تلك ودي أنام عندك يوم

    يومين أشوفك وأخبارك

    ريم : فديـــتك مابي أبطي عليك

    المهم لاتسحبين

    فاطمة : لالا أنا اللحين بركب السيارة

    ريم : يالله مع السلامة

    ......

    فاطمة : ايه أقولك

    ريم : وشو

    فاطمة : أبغا أشاورك بشيء

    ريم : تفضلي

    فاطمة : أنا مخطوبة ...

    ريم ماخلتها تكمل كلامها :مبرووووووووك فديتك

    أتخيل شكلك عروووسه وووه بس ولابسه فستان أبيض ياسلااام , ومنهو سعيد الحض
    فاطمة : ولد عمتي

    ريم : وه أبغى أشووف عيالك أكيد حلوين مثلك

    فاطمة : هذا همـــك

    ريم : لا بجد أبغى بزارين

    فاطمة : ياخي أن شاء الله أنتي تزوجين ويجيك

    عيال انا وش دخلي

    ريم :ههههههههههههههه
    طيب أنتي وش رايك فيه ؟
    فاطمة : أنا ماشفته
    ..............
    أنتظروا البقية في الجزء الثامن عشر













  2. @ss_je7sas

    وآآآآآآآآآآآآآآآآآآو مره ابدآع ....

    فديتش آنـا...وفديت هالمخيخ اللي عندش ...



    ياحليلها ريوم مرره عسسل وفطوم كمان طيوبه ...<عاشت القصه خخخخ



    بانتظآرك يا عسله ....

    لآتبطين علينا ...
  3. صاحبة الموضوع
    Ḿ!Şş є7şάŞ
    وآآآآآآآآآآآآآآآآآآو مره ابدآع .... فديتش آنـا...وفديت هالمخيخ اللي عندش ... ياحليلها ريوم مرره عسسل وفطوم كمان طيوبه ...<عاشت القصه خخخخ بانتظآرك يا عسله .... لآتبطين علينا ...

    أنتي الأبداع كلله
    ههههههههههههههههههههههه مره تصدقين حتى أنا أحس نفس الشعور مع أني
    أنا اللي كاتبته >
    ان شاء الله
    نورتي بقووة

تابعي تجارب أخرى من هذا القسم.