تعالوو سااعدوني بتجهيز بيتي ولي يعافيكم عروس متوهقه

بسم بالله نبدا
اول شي لازم تأثثين بالتقسيط يعني كل شهر غرفه عشان الميزانيه اول شي المطبخ تفصلينه لانه ياخذ وقت اختاري اللون والشكل اللي تحبيه طبعا معاه الفرن والثلاجه,,,ثانيا اختاري غرفتك انتي وذوقك وراعي مساحة الغرفه اذا صغيره خذي غرفه ناعمه مو كبيره,,,,,,,,نجي للصاله اقترح انها تكون قعدتكم الرسميه وكمان تكون لاستقبال الحريم حسب ذوقك فيه اشكال حلوه في محمود سعيد في جده نفس ايكيا واسعارها حلوه نجي لمجلس الرجال انصحك يكون قعده ارضي لان الرجال مايحبو الكنب انا عندي كنب وندمت عليه مايجلسو ابدا عليه دايم قعدتهم ع الارض
بالنسبه للغرفه الاخيره اقترح تكون بمثابة المستودع اذا ماكان عندك مستودع لان بيكون فيه المنشر وطاولة الكوي والاشياء الزايده فين بتخليها واذا جاك اطفال في المستقبل يووووووووووووووه على عفشهم وكراكيبهم اذا كان عندك مستودع خليها قعدة حريم
بالنسبه للكماليات خليها حبه حبه زي اللوح والاباجورات والاكسسوارات هذي بعدين لمن تسكني اريحلك
طبعا لازم يكون فيه مكواة ملابس مع الطاوله والمنشر وغسالة الملابس اشتري اتوماتك اريحلك وسعرها حلو
الحمامات مالها اثاث اذا تبغي تشتري اطقم مثل الستاره والسله وعلبة المناديل انصحك خليها في الاخير مو الحين لانها مو مهمه
والمطبخ اذا سكنتي اثثي المواعين حبه حبه لان مواعين المطبخ ماتخلص بصراحه وسلامتك
اذا احتجتي اي شي انا في الخدمه ونصيحه روحي اشتري من جده ارخص واحلى وبالتوفيق ياعسل

شوفي أختي تقدرين تشترين كل شي للمنزل من أثاث ومفروشات وادوات كهربائية وتحف كل شي تحتاجينه لتأثيث منزلك تلقينه في الأسواق إلى قلت لك عليها
اما الأسعار فتفرق كثير عن الطائف وعن تجربة مثلا غرفة نومي شريتها من الصواريخ طبعا جديدة ب5 الاف ولقيت مثلها في الطائف ب9 الاف وغرفة عيالي فصلتها في جدة في سوق الصواريخ ب3500 ريال وفي الطايف طلبوا لتفصيلها 5400 ريال وشريت قطعة زل صغيرة من محمود سعيد ب200 ريال ونفسها في الطائف ب500 وهذا طبعا غير التحف والمداخل والأواني المنزلية الصراحة كل شي تلقينه هناك لأن المخازن والمتودعات في جدة وتجار الطائف يجيبونها من جدة والله يوفقك

اختي ارسلت لك على الخاص بس رفضتي الرساله للاثاث من الصواريخ اما الواعين من محلات الجملة في منطقة تسمى الجنوبية او البغدادية عند مبنى ابار وزيني الدخلة من هناك والله المواعين روعة واخر شئ نازل عندهم وكمان الكماليات والاكسسورات للمطبخ وبسعر زين وكمان اجهزة المطبخ والخلاطات كل اخواني اللي تزوجوا نجهز لهم من هناك وزي ما قالوا البنات اثثي على مهلك ولا تستعجلين كل شهر حاجة وموفقة اختي