السلام عليكم
انا فتاه عمري 19 سنه ادرس بالجامعه اول سنه
طبعاً انا كانت مواصفات فارس احلامي ليست خياليه يعني نفس أي بنت تتمناه يكون
1-حلو وطويل وعريض يعني جسمه رياضي
2-رومنسي
3-يحبني
4-يكون رجال بمعنى الكلمه
5-ومايكون من الاقارب
خطبوني كثير وماكانوا مناسبين جداً لفرق السن ولغيره وخيره من الله سبحانه..
خُطبت من ابن عمي وانصدمنا من الموضوع لانه ما كان لا ع البال ولا ع الخاطر
ويمكن لان ماله علاقه فينا يعني ما نسمع عنه من اهله كثير..
كلمني بابا وقال انتي استخيري وكل شيء قسمه ونصيب..
استخرت بس ما حسيت بشيء وكنت مو عارفه كيف اقرر او على أي اساس كنت اتمنى اي احد هوا اللي يقولي اوافق او لا ..
جاء يشوفني العريس شوفه شرعيه وقلت خلاص يمكن لمن اشوفه اقدر اقرر ..
ويوم الشوفه كنت خايفه مرررا قبل ما ادخل اكيد أي وحده مكاني بتكون نفس الشعور لكن الغريب اني ما حسيت ولا بأحساس بعد ما دخلت يعني عادي جداً كأنه اخوي يعني لو مو بابا كان عندي امكانيه اني اتكلم واضحك معاه..!
خرجت بعد ما لبسني وبرضوا انا مافي أي احساس مررررررا عادي..ووافقت عليه..!
برغم انه هوا على كلامه انه كان متوتر ويرتجف!
المهم جاء يوم الشبكه ومرا ما كنت خايفه..جداً عادي ولمن دخل عندي عشان يتصور معايا جداً عادي وكنت اتصنع الحياء..وفيه صوره حطيت يدي على صدره وكانت نبضات قلبه جداً سريعه عكسي تماماً..!
كنت مرا مستغربه من نفسي يعني احنا ناس محافظين وما عندنا اختلاط ولا شيء فليش انا كذا مو مستحيه ولا شيء..كأني متعووده..
وهالشيء لللحين يدور في بالي خاصة لمن افكر في اخواتي وخالاتي لمن دخلوا عليهم رجالهم يوم الشبكه وكيف كانوا بيموتوا من الحياء والفجعه..
وصديقتي الي جلست تبكي من الفجعه يوم الشوفه والرجفه الي صابتها يوم الشبكه برغم انها كانت على طول ع الشات وتكلم شباب ع المسن الله يستر عليها ويوفقها..
المهم ما علينا لمن دخل علي زوجي يوم الشبكه صراحه ما كنت اتمنى هوا اللي دخل حسيت اني غلطت بأختياري لان مو هذا الشخص اللي انا اتمنااااه..!
مرت 7شهور وانا بعض الاحيان احس اني احبه ومهم بالنسبه لي وبعض الاحيان واكثرها احس اني اكرهه..
احبه في الوقت الي نبعد فيه عن بعض واكلمه قليل ولمن ازعله وبصراحه استانس لمن احس من صوته انه زعل!!!!..واكرهه لمن يجي يزورني ويكلمني كثير .. واكرهه اكثر لمن يتكلم عن حياتنا كيف بتكون بعد الزواج..
لمن يسألني تحبيني ؟؟ اقوله ايوه وانا في داخلي اصرخ اكرهك
سألني تفكرين فيني قبل ما تنامين؟؟
قلت له ايوه وانا والله العظيم ماعمري فكرت فيه لاني افكر بفارس احلامي الخيالي اللي كنت اتمناه.. اكرهه وما احب افكر فيه ..
تقولي صحبتي الوحده لمن تتزوج تشوف زوجها احلى الرجال؟؟
قلت لها ايوه وانا والله اكره اشوف صورته الي عندي..!
برغم انه مافيه عيب بالعكس شكله عادي والبعض يشوفه جميل لكن انا بنظري ما اشوفه كذا
طيب جداً واخلااااااااااااق ويحبني ولو اطلب القمر جابه لي وبشهادة الكل انه رجال والنعم فيه
لكن مو قادره احبه..
يعني البنات كلهم لمن يصيروا عرايس تتحمس وهي تجهز نفسها تفكر بفستانها بزفتها ..لكن انا وربي ما افكر بهذه الاشياء ولا تهمني ابداً..!
كثيــــــــــر اوقاات اسأل نفسي هالسؤال ليش مو راضيه احبه وهو فيه كل الصفات اللي بنات كثير يتمنوها ويحسدوني عليها...؟
ما اكذب عليكم اني اتمنى انه تصير أي مشكله او يجي يوم ويطلقني ما يهمني اكون مطلقه بقدر ما يهمني اني اعتق من هذا الرجل!!!!؟؟؟؟
يمكن يكون هالشيء حاله نفسيه ويمكن يكون شيء ثااني..!
انا ساكته لان خلاص طاح الفأس بالرأس ومافيه تراجع وماعندي أي سبب او مبرر لكرهه جالسه احاول كثير اني احبه بس وربي مو قادره ..احاول اني اقوله عكس اللي بقلبي غصب عني لاني دام رضيت به لازم اتحمل ولاني ما ابغى بابا واخوه يتفرقون عشان اشياء ببالي كنت اتمناها..ولانه مو مقصر معاي..
انا ندمانه جداً اني ضيعت حياتي بشخطة قلم..عشان فقط شفت البنات صاروا عرايس وكنت ابغى اكون مثلهم برغم اني صغيره ع الزواج..!
في النهايه انا خايفه ان هالشيء يأثر علي بعد الزواج
اتمنى تفيدوني ولو بدعوه من قلب..
شاركي في النقاش
سجلي الدخول لإضافة تعليق.
التعليقات
53- اكثري من الاستغفار
- الله يعينك ويوفقك
- استغفري
وثقي ان كل الي صاااار ربي كتبه لك
شيلي من بالك الي تفكرين فيه
مو شرط اذا تركتيه بيجيك واحد نفس مواصفااااتك ممكن ماتتزوجين ابد
لاتستعجلين عيشي حيااتك مع زوجك وعطيه فرصه تعرفي عليه يمكن تحبينه
انا حااااسه فيك ترا لو كبرتي شوي مو كثير الين ال25 بيتغير تفكيرك ويصير يهمك انه يكون رجاااال بتصرفااااته
وبس - جاني هالاحساس مثلك بالضبط لكن بعد الزواج تتغير حياتك 360 درجة تموتين فيه
ولماسالت الدكتورة النفسية قالتلي لانك ماتوقعتي هالشخص يكون زوجك من ناحية الشكل او صلة القرابة او المواصفات والاخلاق - ركزي على محااسنه واعتقد بعد الزواج بتتغير نظرتك
ع العموم ربي يوفقك يمكن ماكان عندي الحل اللي يريحك بس مابنساكِ من الدعوات
مواضيع مشابهة
تابعي تجارب أخرى من هذا القسم.