اسمعي اذا خايفة من الدراسة بحد ذاتها ...تراها سهلة...ما حد يرسب هنا الا عاد اللي (ميح) ولا نظام الدراسة والتصحيح حق الامتحانات خصوصا للدراسات العاليا مستحيل احد يرسب فيه ...الا اللي مرة كسلان!! وسهل انك تتفوقين جدا...لانه طلابهم ماهم شاطرين ابدا !!! غير انهم مهملين....حنا نتعب ونكرف وماخذينها جد ...لو تشوفين وشلون يقدمون الواجبات حقتهم قلتي الله مستحيل هذا مستوي طلاب جامعة. هذا من ناحية المناهج...اما مشاركتك في المحاضرات ..حضري نفسك من الحين ...هي في الاول صعبة يمكن عشان طبيعة دراستك في الحاسب بس بتتعودين ..انا عن نفسي متعودين نسوي ( presentations) من ايام كليتنا في السعودية هذا النظام عندنا هناك...بس انا خجولة وودي اختفي ولا اسويها بس اذا انحطيتي في الموقف مرة و2 و3 خلاص تتعودين ويصير شوي توتر قبلها واذا بديتي تنسين نفسك وتندمجين.
اللغة : لا تشيلين همها ابد....اصلا البعثة تعطيك سنة تاخذين فيها لغة ...وهي ان شاء الله كافيه لك مع اختلاطك مع العالم بتتعلمين اكثر...بس لا تصكين على نفسك في بيتك وتقولين ابي اتعلم لغة....وابدي من الحين خذي دورات عشان تسهل عليك.
كمان لا تنسين ان تخصصك ماهي نظري بحت...انا زوجي توه مخلص ماجستير برمجة كمبيوتر واغلب شغلكم برامج وتطبيق....بس ما يمنع انه الواحد يتجرأ ويسأل ويناقش.
الحجاب: انتي عاد وضميرك :)
أذا ناوية تنقبين ....تقدرين أنا وفيه اكثر من بنت في المنتدي منقبات ...يعني مو مستحيل ..بس يعتمد على قناعتك ...اذا مقتنعة انه تغطية الوجه واجبة فلازم تتحملين وتصبرين وربي بيجازيك خير وبتشوفين هذا في تيسير امورك كلها . ماهو سهل عشان ما اضحك عليك...خصوصا انه بنات بلدنا الحلوت ماشايات في الكلية معك بالجنز ومن غير كم :( والناس بتقول لك مو انتوا من بلد واحد؟؟؟؟؟ في بنات محجبات حجاب زين ...بس من غير تغطية وجه ...كمان رح يسألونك ليش ما تسوين مثلهم!! حضري اجابات للاسئلة :)
يعني لا تنصدمين اذا كنتي الوحيده في الجامعة اللي منقبة ولا تلبس جلباب!! حضري نفسك وخليك قوية ولا يهمك احد...لو تقرين موضوع عن الحجاب مرة تناقشنا فيه هنا في المنتدي...تلقين كل لاراء..وبتتعجبين انه في بنات بالمرة معارضين فكرة النقاب...وانه مستحيل وخطر على حياتك ....الخ.
انا اقول لك انا اول ما جيت امريكا صارت الاحداث حق سيتمبربعد شهرين بس ...وتعالي شوفي حالتنا :( ...ما والله قعدت في البيت ولا شي كنت اروح مشي للكلية ...الحمد لله ما صار لنا شي...انا قلت من قبل انه ذيك الايام عميد الكلية بكبرة كان موصي علي وهو ما عمره كلمني ...يقول اذا المغطية محتاجة رجل امن يمشي معاها يوصلها نوفر لها :) كنت من بد البنات مهتمين فيني :) مع ان باقي البنات المحجبات كانوا يتراعدون من الخوف ولا حد عبرهم :)
لكن هالموضوع كله يعتمد على قناعتك...انا اول ما جيت كنت البس عباية عمانية...لانه كان كله محاضرات ...بس لما ابتدت الدورات العملية جبت جلباب...انا البس اسود في اسود او كحلي ....بس انتي جيبي معك جلابيب وحجابات من السعودية وكثري ...اذا تحبين غامق على راحتك ولا الرمادي البيج ...وغيرهم مناسبه مع حجاب مرتب.
أذا عندك اطفال...اللع يعينك ...يعتمد على عمرهم ...بس بتلقين من يعتني فيهم يا حضانة او احد يجي عندهم....الخ ..لاتشيلين هم .
تعبت من الكلام....اذا ودك تعرفين اشياء اكثر اسألي وانا ان شاء الله بارد عليك ..,البنات ان شاء الله يجون ويحكون لك عن تجاربهم.
سوف اقدم على البعثه لدراسه في امريكا ولكني خائفه ساعدوني
متابعة النقاش، صفحة 3