شاركي في النقاش

سجلي الدخول لإضافة تعليق.

التعليقات

1,982
  1. اختي نسنوسه

    بدل الهروب يا حبيبتي وعدم طلوعك له

    حاولي انك تجلسين معه جلسة تناقشينه بهدوء

    قولي انا مستعده اني افتح معك صفحه جديده

    لكن بما يرضي الله

    وشوفي ردة فعله

    وبعدها استرسلي معه بالكلام

    وقولي له يا ابو فلان

    انا ام عيالك وعشرة عمرك

    وانا ابي تعاملني بما يرضي الله وتعاملني بالمعروف

    وانا مالك من صوبي الا طيبة الخاطر

    يا اختي ادري ان انتي حامله بقلبك

    بس حطي على نفسك

    والكلام الطيب يا اختي يقلب النفوس ويتصلح ولو بعض من الامور الي لازم

    نتعايشها

    وخلي هدفك اولا واخيرا مو رضاه هو عليك

    يعني انتي بتقدمين على هالمناقشه عشان رضى الله عليك

    وخصتا سالفة الجماع يا اختي

    لازم تخلصين الموضوع وبعدها تعطينه ولو بس اداء واجب

    وبعد كلامك الطيب معه

    قولي له الله سبحانه وتعالى ما يرضى انك تذكر لي امور خاصه

    بينك وبينها وخصتا المعاشره وتوقيتها وله الاشياء الحساسه

    قولي له من كذا ابيك تعاملني بالمعروف وبما يرضي الله

    انك لا تجيب سيرتها وخلنا على عشرتنا الطيبه مع بعض

    وان تكرر يا اختي معك نفس الحكايه

    انا يا اختي انصحك ابيك تعطينه

    معلش يا اختي بقول لك كلمتين ولو اني يمكن اتعمق وفي ناس ما يتقبلون النصيحه بالشكل هذا

    يا اختي ربع ساعه او اقل او اكثر بشوي وانتي حاطه على نفسك على هالمعاشره

    افضل من لعن الملائكه لك

    ولو اني مو قليلة احساس وحاسه فيك

    لكن الحياة مع الرجل المعدد

    يبي له صبر

    وبعض الامور يبي لك ما تاخذينه بعين الاعتبار

    مثل قهرك بكلامه عن الثانيه

    تدرين يا اختي دام هو مهو يعدل بينك وبينها

    وانتي مظلومه وهي مظلومه

    ما في شي يشفي غليلك منه الا وقت الحساب

    اتركي كل شي ليوم الحساب

    ولكن لا يجي الغلط منك انتي بالعكس

    مريت بمحنه وخليك للنهايه قويه ونظيفه من معصية رب العالمين

    والله اني ما ابي اتكلم عن احد

    لكن تراني سمعت قصه مشابهه لقصتك بالنسبه للجماع ان يجيب سيرة الثانيه حتى لو بالفراش

    وصبرت هالاخت على زوجها و بعد فتره راح عنه هالميزه الي كان يحسبه مثيره بالنسبه له

    لان يشعر بالاثاره ان يبي يغير نص يوم هنا ونص يوم هناك وكذا

    لكن وربي كل الامور بتصير اقل من العاديه عنده بيمل بيصير عنده عادي

    انتي بس كلميه وناقشيه بالبدايه بهدوء

    وحاولي انك تكونين هادئه ورايقه

    ولو قال لك اي كلمه يخليك تعصبين تذكري

    كلامي لك ان الحياه مع الرجل المعدد يبي له صبر وطناش لبعض الكلام الي يقهر

    ودام يتكلم معك بالاسلوب هذا ايقني ان هذيك برضوا تاخذ جرعة القهر منه ليليا

    بس ما بيدها حيله لان كان اختيارها ان تتزوج من رجل متزوج

    ولا تقولين ما تغار ولا ما تحس زيك الا بالعكس هي حرمه حالها حالك

    بس جربي يا اختي منتي بخسرانه شي

    وقلنا الهدف هو رضا الله عنا
  2. ويبقى حبيبي
    هلا فيك وبعودتك مره اخرى انا اعلم ان اللي تمرين فيه صعب وعلى قولة المثل رضينا بالهم والهم مارضي فينا الوحده يادوب تبلع زواجه وهو مداري على بلاويه لكن مالك الا الصبر والاحتساب 0000عيشي حياتك وشليه من بالك لاتعدي كم مره كلمها ولا وش قال ولا …
    ازيد على كلامك يالغاليه

    الرجل لا تزوج وحده حبها وعلى علاقه معها

    ولو بالتلفون من غير مقابلات وله وش يكون بينهم

    بعد الزواج عن جد يتغير معها

    العلاقه شي والزواج شي ثانيه

    والحياه تحت سقف واحد شي ثاني

    مثال على كلامي

    لما الوحده تتكلم مع واحد على اساس بيخطبها

    وهالشي خطأ وحرام

    لكن تعالوا شوفوا الكذب بالكلام واللخبطه الي تصير

    بالعلاقه وبعدها ينكشف كل شي

    كل واحد يجمل نفسه بعين الثاني

    وكل واحد يكون هادئ وعايش جو رومنسي

    بالنهايه العشره تحت سقف واحد يطيح كل الميانه

    وكل واحد يطلع على حقيقته

    ما في انسان ما به عيوب

    لكن بالعلاقه كل واحد يخبي عيوبه عشان الثاني يتمسك فيه

    شي ثاني يا اختي سبق نصحتك انك تباشرين بانهاء اخر امل له بالزواج من هذي الي ما تستحي على وجها

    سواء انك تكلمين احد من اهلك يتواصلون مع اهلها

    او اخبار اعمامها

    لكن ما يكون لك صلة مباشره مع الحدث الي بيصير

    عشان ما يعصب ويخرب بيتك على نزوه

    تدرين عاد انا ودي ان يتزوجها بسرعه

    عشان تعيشين النعيم الي غيرك عاشه

    وانا من ضمنهم اقول لك لا صار شي بالحرام يزينه الشيطان له

    وبعد الزواج والله ثم والله بيرجع لك ولا راح يهمه كل الكلام الحب والرمنسيه الي كانوا فيها

    بس يبي له ثلاث اربع شهور وبتشوفين كيف بيصير

    الله يهديه ويتركها قبل ما تدبسه ببلوتها

    والله لو كانت انسانه ما بها عيب كان ما تمسكت برجال متزوج بالحرام بالشكل هذا

    لو كانت بنت ناس ومتربيه كان انتظرت حتى لو تبيه من غير انها تعمل شي بالحرام

    عطر المرأه ان شمه رجال غير من المحارم تحتسب انها زانيه

    فما بال الصوت والكلام بالحب وغيره

    وان قالت وكذبت على نفسها انها مخطوبه له

    فهي ما تعرف وش المقدر والمكتوب

    عسى ربي تشوف حوبتك قريب يا رب
  3. @shosho_alkmyl

    حياكم يابنات كلكم جميعا
    نوم الظالم عباده
    وش يفيد الندم
    نوسه
    الكريمه
    والله ودي ارد عليكم وحده وحده
    بس مشغول قلبي على ام رزن بس اتطمن عليها انها بخير
    برد عليكم وحده وحده
  4. @alkrym_2009

    خواتي ام ندى-نوم الظالم عبادة -شوشو القميلةجزاكم الله خير على الدعوات ربي يسعدكم

    اختي ويبقى حبيبي واختي رؤيا الله يبارك فيكم كلامكم نزل مثل البلسم على قلبي واتمنى يصير الي قلتوه وربي يبرد على

    قلبي وقلوبكم وقلب كل اخت مظلومة ويسخر لنا ازواجنا ويهديهم ويشيل الغمامة الي غطت على عيونهم

    والله يا اخت رؤيا ساعات اتمنى يتزوجها بسرعة عشان يعرف انها انسانة مثلي مثلها وكمان هي متاكدة انها بتنصدم باشياء

    كثيرة وبتتحطم احلامها الرومانسية على ارض الواقع لانها عاطفية جدا وملاحقته في كل وقت وتأمره بعد سوي كذا ولا تسوي كذا

    سبحان الله ..لكن ربي ما يرضى بالظلم وواثقة في نصره لي واعلم ان مصائبنا بذنوبنا نسال الله المغفرة والرحمة..

    تصدقون ارتاح لما ادخل هنا اشعر بطمأنينة وقوة وان معي اخوات يفتخر الواحد بصحبتهن انتن افضل مني اتمنى اكون قوية

    وعقلانية مثلكم بس مشكلتي عاطفية وانجرح بسهولة نفسي احكم العقل اكثر من القلب اسأل الله أن لا يعلق قلوبنا بأحد سواه

    الحمدلله اشتركت في حلقة تحفيظ للقران عبر النت عسى الله ان يرزقني حفظ كتابه واتعلق بربي وانسى الدنيا وما فيها

    لا تحرموني دعواتكم الصادقة ولكم بمثل يا اغلى الاخوات

    رؤيا ما اقدر اعلم احد زوجي ذكي جدا وبيعرف على طول وثانيا ما ابغى تجي مني لاني ما ادري الخيرة وين انا فوضت امري لله

تابعي تجارب أخرى من هذا القسم.