اختي نسنوسه
بدل الهروب يا حبيبتي وعدم طلوعك له
حاولي انك تجلسين معه جلسة تناقشينه بهدوء
قولي انا مستعده اني افتح معك صفحه جديده
لكن بما يرضي الله
وشوفي ردة فعله
وبعدها استرسلي معه بالكلام
وقولي له يا ابو فلان
انا ام عيالك وعشرة عمرك
وانا ابي تعاملني بما يرضي الله وتعاملني بالمعروف
وانا مالك من صوبي الا طيبة الخاطر
يا اختي ادري ان انتي حامله بقلبك
بس حطي على نفسك
والكلام الطيب يا اختي يقلب النفوس ويتصلح ولو بعض من الامور الي لازم
نتعايشها
وخلي هدفك اولا واخيرا مو رضاه هو عليك
يعني انتي بتقدمين على هالمناقشه عشان رضى الله عليك
وخصتا سالفة الجماع يا اختي
لازم تخلصين الموضوع وبعدها تعطينه ولو بس اداء واجب
وبعد كلامك الطيب معه
قولي له الله سبحانه وتعالى ما يرضى انك تذكر لي امور خاصه
بينك وبينها وخصتا المعاشره وتوقيتها وله الاشياء الحساسه
قولي له من كذا ابيك تعاملني بالمعروف وبما يرضي الله
انك لا تجيب سيرتها وخلنا على عشرتنا الطيبه مع بعض
وان تكرر يا اختي معك نفس الحكايه
انا يا اختي انصحك ابيك تعطينه
معلش يا اختي بقول لك كلمتين ولو اني يمكن اتعمق وفي ناس ما يتقبلون النصيحه بالشكل هذا
يا اختي ربع ساعه او اقل او اكثر بشوي وانتي حاطه على نفسك على هالمعاشره
افضل من لعن الملائكه لك
ولو اني مو قليلة احساس وحاسه فيك
لكن الحياة مع الرجل المعدد
يبي له صبر
وبعض الامور يبي لك ما تاخذينه بعين الاعتبار
مثل قهرك بكلامه عن الثانيه
تدرين يا اختي دام هو مهو يعدل بينك وبينها
وانتي مظلومه وهي مظلومه
ما في شي يشفي غليلك منه الا وقت الحساب
اتركي كل شي ليوم الحساب
ولكن لا يجي الغلط منك انتي بالعكس
مريت بمحنه وخليك للنهايه قويه ونظيفه من معصية رب العالمين
والله اني ما ابي اتكلم عن احد
لكن تراني سمعت قصه مشابهه لقصتك بالنسبه للجماع ان يجيب سيرة الثانيه حتى لو بالفراش
وصبرت هالاخت على زوجها و بعد فتره راح عنه هالميزه الي كان يحسبه مثيره بالنسبه له
لان يشعر بالاثاره ان يبي يغير نص يوم هنا ونص يوم هناك وكذا
لكن وربي كل الامور بتصير اقل من العاديه عنده بيمل بيصير عنده عادي
انتي بس كلميه وناقشيه بالبدايه بهدوء
وحاولي انك تكونين هادئه ورايقه
ولو قال لك اي كلمه يخليك تعصبين تذكري
كلامي لك ان الحياه مع الرجل المعدد يبي له صبر وطناش لبعض الكلام الي يقهر
ودام يتكلم معك بالاسلوب هذا ايقني ان هذيك برضوا تاخذ جرعة القهر منه ليليا
بس ما بيدها حيله لان كان اختيارها ان تتزوج من رجل متزوج
ولا تقولين ما تغار ولا ما تحس زيك الا بالعكس هي حرمه حالها حالك
بس جربي يا اختي منتي بخسرانه شي
وقلنا الهدف هو رضا الله عنا
الزوجة الأولى ..حياك الله .. منزل جديد مبارك
متابعة النقاش، صفحة 41