سلسلة العناية ..3.. تفتيح المنطقة الحساسة, الهالات السوداء و مناطق الجسم المختلفة

بالنسبة لسنها ..صغير على استخدام كريمات تفتيح

مجرد إنها تستخدم كريم واقي من أشعة الشمس هاتلاقي لون بشرتها رجع زي ماكان في خلال شهر



من أحلى الكريمات الواقية من أشعة الشمس


UVE Block 50 plus أو 80 لوشن

يو في بلوك 50 بلس أو 80 من شركة إيزيس فارما (isis pharma)




وخدي بالك إن فيه منه الأبيض وفيه منه ملون بيج زي كريم الأساس

تستخدمي قبل الخروج ب ربع ساعة بكمية وفيرة على البشرة وتكرريه كل 3 ساعات

وخليها تستخدم الكريم دا كمفتح مؤقت وآمن لسنها جدا

http://forum.hawaaworld.com/showpost.php?p=59365248&postcount=10

هو مش هايفتح لون الجلد إلا وهي حاطاه فقط

بس له دور في تغذية البشرة وتهدئة البشرة من آثار الشمس

بالنسبة للشامبو

شامبو ضد القشرة أي نوع من الآتي ((شامبو نيزورال أو شامبو سل سن بلو ))

أهم شئ رغوة الشامبو تترك على الشعر 5 دقايق وبعدها تشطفيه

ويكرر مرتين بالأسبوع

مع ترطيب الشعر وليس فروة الرأس ..لأن شامبوهات القشرة بتجفف الشعر شويه

تستخدم الشامبو لمدة شهر

جزانا وإياك عزيزتي

بالنسبة لشعرك طبقي الكورس دا

بس قبل كل شئ لازم تتابعي تحليل الغدة علشان العلاج يجيب نتيجة

لأن لو نسبة الغدة مش مظبوطة ف أي علاج للشعر مش هايكون له أي نتيجة


Villa Borghini anagen plus lotion and shampoo

فيللا بورجيني محلول لشعر وشامبو

تستخدمي المحلول يوميا 5 مللي على فروة الرأس مع تدليك لفروة الرأس وخصوصا من الأمام

والشامبو مرتين بالأسبوع

العلاج آمن جدا وعباره عن أعشاب تستخدميه لمدة شهرين

عمل حمام كريم للشعر بعد الإستحمام ((خصوصا لأن كسل الغدة بيأثر على ملمس الشعر أيضا))

حمام كريم فاشكول حلو ..أما لو مش بيريحك استخدمي النوع اللي يناسب شعرك

مرتين بالأسبوع مع الإستحمام بعد الشامبو

وحمام الكريم فقط على الشعر وليس فروة الرأس

عمل حمام تغذية للشعر قبل الإستحمام مرتين بالأسبوع وهانركز فيه على الحاجات اللي بتكثف الشعر وهي

(( ورق سدر طازج أو مجفف من العطار لكن مايكونش مطحون تغسليه وتحطيه مع فص ثوم واحد صغير مع شوية ماء وتتركيهم على النار 10 دقايق وتتركيه يبرد شويه ثم تضعي عليه جيل صبار وتضربيه بالخلاط)) هايكون معك عجينة

تحطيها على فروة الرأس وليس الشعر وغطي راسك لمدة ساعتين

الثوم ريحته هاتروح لما يتغلي على فكرة مش هاتبقى ريحته نفاذة زي وهو نيئ

وبعدين استحمي واغسلي شعرك واستخدمي حمام الكريم عادي

الخلطة تعمليها أول بأول عند كل استخدام

دا الصبار




ولا تزودي عن ساعتين بيكفي

دا جدول بسيط بس استمري عليه مدة 3 شهور

وأي علاج للشعر نتيجته بتبان بعد 4 شهور على فكرة فاصبري

مع أخذ فيتامين فايتوفانير كبسول لتساقط الشعر Phytophanere capsule for hair falling

تاخدي كبسولتين باليوم على جرعة واحده مره يوميا لمدة شهرين

العلبة هاتكفيكي تقريبا شهرين

بس فيتامين ممتاز لتساقط الشعر

كريم بانثينول دهان مره يوميا لفروة الرأس خصوصا بالمقدمة كمية بسيطة جدا على أصابعك وتدلكي بيها فروة رأسك من الأمام خصوصا

دا مركب لفيتامين ب5 بيغذي الجلد وبيحسن الدورة الدموية

مع متابعة نسبة الغدة وعلاجها بإذن الله هاتلاقي نتيجة ممتازة في وقف التساقط وتنبيت الشعر

لو فيه شئ بالجدول جربتيه قبل كدا وماريحكيش قوليلي عليه أشوفلك بديل سواء بالعلاج الطبي أو بالوصفات

أنا ماكتبتلكيش خلطات زيوت ماعرفش إذا بتناسب شعرك ولا لاء؟

قوليلي ايه اللي بيناسبك أكتر حبيبتي وعرفيني

عزيزتي أنا مصريه وفي مصر

الإسمرار العادي الطبيعي مالوش دخل بنقص الفيتامينات

حسني في تغذيتك وأكلك الصحي والخضار والفاكهة

على فكره مهم جدا لصحة الجلد وتجديد خلاياه ..أكل الفاكهه والحليب والخضروات

لو جربتي تاكلي صحي لمدة شهر هاتلاحظي تغير جامد ببشرتك بإذن الله

اسمرار البطن من الجوانب أحس إنه طبيعي إلا لو كان كلف

ممكن تستخدمي وصفات طبيعية أو حمام مغربي مره كل شهر

أو ممكن تستخدمي كريم تفتيح طبيعي زي دا



يونيتون 4 بالأربيوتين << دي مادة طبيعية من مستخلصة من النباتات بديله لمادة الهيدروكينون وليها نفس تأثيرها




أو



= كريم بليندينج بليتشينج blending bleaching cream


من شركة سكين تيكSkin tech بس دا بيحتاج استخدام مستمر لأن مكوناته طبيعية جدا فبيحتاج 3 شهور استخدام متواصل





ملحوظة:كريمات التفتيح كلها تستخدم مره ليلا لمدة شهرين متواصل وهاتبدي تلاحظي نتيجة التفتيح بعد شهر او شهر ونص من الإستخدام بإذن الله


مع عدم التعرض للشمس أو حرارة البوتاجاز أو الإضاءة النيون البيضاء

بس أنا في رأيي مش حابه تستخدمي كريمات تفتيح على البطن ..الأمر مش مستدعي لأنه طبيعي على جوانب البطن

إلا لو الأمر زايد عن الطبيعي

مع الإهتمام بحمام مغربي مره شهريا لإزالة الجلد الميت

جيل كونرتاكتيوبكس مش هايأثر تأثير واضح على آثار الحروق القديمة ولو استخدميتيه هاتستخدميه فتره طويلة يمكن 3 شهور مرتين يوميا

آثار الحروق القديمة صعبه شويه في علاجها

جربي الآتي

((كريم ريتين A 0.05% + كريم إليكوم 0.1%)) تحطيه بالليل يوميا فقط على أماكن الآثار وقت النوم وماتتعرضيش للضوء وتقومي الصبح تغسليها كويس

وطول اليوم تحطي 3 مرات كريم بانثينول

علاج آثار الحروق القديمة صعب شويه وإستجابتها ضعيفة وبإذن الله العلاج دا يجيب نتيجة حلوه معك

بس قوليلي الأول الآثار بقع ملونة وللا ندبات بارزة أو ندبات منخفضة؟؟

أما بالنسبة للفكس

مافيش حاجه في الطب أسمها تأثير الفكس على البشرة

فاللي هاقوله الآن دا رأي شخصي

أنا قرأت وصفات كتير بالمنتدى داخل فيها الفكس وبنات بتمدح فيها

الفكس عباره عن فازلين وزيت منتول نعناع وزيت كافور

يعني مكوناته طبيعية

وفيه منه نوعين نوع حار ونوع بارد

النوع البارد مناسب للبشرة

أما النوع الحار فهو حار أوي وقاسي على البشرة

فأنا شايفه إن الفكس شئ طبيعي عادي مافيش منه ضرر فازلين وزيت نعناع وزيت كافور!!!

دا رأيي الشخصي

ولما قريت مواضيع للبنات هنا بتحذر منه استغربت ليه ؟!! مافيش في تركيبه شئ مضر

وشوفي لو ناسب بشرتك او ماناسبهاش

كل بشره وليها رد فعل خاص بيها لأي منتج حتى لو طبيعي

بالنسبه لحف الوجة بلاش بالحلاوة قاسيه شويه على الوجة

خليكي على الفتلة أو التشقير

الحبوب اللي بتطلع مع الحف استخدمي الآتي

كريم فيوسيكورت مرتين يوميا لمدة يومين قبل الحف ويومين بعد الحف

ولما تحفي وجهك حطي صفار بيضة نيئ وتحطيه على وجهك لحد مايجف

بعدين اغسليه بماء بارد وحطي ليمون ..لو عندك حساسية من الليمون وبيلهب وجهك أوي

حطي ((نصف ملعقة شبة بيضا مطحونة+كوب ماء بارد)) بقطنة امسحي بيها وجهك كل شويه لمدة ربع ساعة بعدين اشطفي وجهك بماء بارد

ثم ضعي كريم فيوسيكورت لمدة يومين

خطوات كتيره بس هاتحافظ على وجهك بدون حبوب بعد الحف

وهاتتعودي مره بمره لحد مابشرتك ماتبقاش حساسه للحف كدا ومره بمره مش هاتلاقي بيطلعلك شئ

لكن بلاش حلاوة لأن بشرة الوجة حساسه والحلاوة قاسيه على بشرة الوجة شوية

الشمع كمان قاسي على بشرة الوجة إلا لو جربتيه وكان كويس

بس بشرة الوجه لها تعامل خاص غير عن بشرة الجسم