المره الاولى الله يكتبنا من الصابرين

بالنسبه لي احس غلطت لاني كتمت مشاعري واظهرت اني قويه والوضع عادي واصعب ماصادفني اني ماقلت لاحد عن حاله ولدي لان الاطباء ماتوقعو حياته وبعد ماصار عمره ست شهور كنت اشوف نظراتهم ابغاهم يكتشفون انه داون لكن الغريب محد اكتشف بالرغم انه واضح بس ممكن ماتوقعولاني مو كبيره بالعمر وكانت معاناتي شديده لما بلغت اهلي ماهم ناقصين عندهم اثنين معاقين شلل دماغي كمان وبدا كلام الناس المتخلف صرت اكره الاجتماع مع الناس وزاد وزني عشرين كيلو خلال فتره قصيره

سبحان الله تعددت قصصنا ومأسينا وفي كل قصه اقرئها يتجدد الالم على اخواتي في الاسلام وكيف حزنا وبكينا عليهم في الايام الاولى لكن من رحمة ربي اننا نسينا بعض المواقف المخيفه والسيئه اللتي حدثت الان اخوتي يذكرووني بمواقف ونوبات صرع قويه اصابت ابني واحداث حدثت في المستشفيات ومواقف وصلنا بها كأن الروح خرجت من اجساد ابنائنا ثم عادت والحمد لله انساناها الله وبصعوبه اذكرها الان
نعود لك اختي بالنسبه لابنتك اكيد ومئه بالمئه انها تغار عليك ومن اختها فاولا احذري على الصغيره منها وزيدي لها جرعة الحب والحنان والصغيره اشتري لها محبس العاب هكذا اسمه تجدينه في محلات تجهيزات الاطفال بأذن الله يحميها واختها الكبرى تتفرج عليها وتناغيها وتلاعبها لان جدران المحبس عباره عن تل (يعني مخرم)
وسبحان الله الجمال هبه من الله يهبها من يشاء واذكرلك موقف مظحك حدث مع ابني لانه ماشاء الله جميل وشعره حرير وعيونه كبار ورموشه كثيفه ماشاء الله تبارك الله وكانوا بنات العيله المراهقات حولينه ويتناقشون مع بعض ورحت وسئلتهم وش فيكم قالوا اننا نقول ياحسافة الشعر الحرير على فلان (يقصدون انه ماهو مقدر النعمه اللي هو فيها)شفتي الغباء اللي يحسون فيه وانا ضحكت وقلتلهم الله يرزق من يشاء مقدار من الجمال
وترى الدكتور قالي ان فيه دكاتره ونوابغ سبحان الله لقو عندهم ضمور

سبحان الله على قولتك كلام الناس يجرح ولا يداوي من ضمن الكلام اللي كنت اسمعه راحت قروشكم على الفاضي على هالولد وماهنا فايده - ويحول ماغير يدورونبه من ديره لديره الله يعين ابوه (يعني انا صفر على الشمال ماتعبت على ولدي وشقيت فيه )-واللي تقول لا تطلعينه معك كل مكان خليه بالبيت -وسبحان الله يمكن انا غلط لكن يبكيني ويعور قلبي اللي يقعد يدعيلي وبصوت عالي وسط مجلس ملئ بالناس مادري وش احس فيه تختلط فيني مشاعر البكاء والزعل انه اذا تحبونا ادعولنا بينكم وبين الله مو امام الملأ واكره ماعندي لما الان كبر وما اقدر اخذه معي يقولون اللي ينافقون قدام ابوه فقط ليه ماجبتوه احنا مشتاقين له ومن ورى ابوه تعالي شوفي الامبالاه ويتضايقون من وجوده وصراخه يعني الله يعينا على خلقه
وبالنسبه لولدك بأذن الله يتشافى ويمشي ولدي قعدت اراجع فيه العلاج الطبيعي لمدة سنه واربع شهور لحد ماخطى اول خطوه ثم بعدين كملنا والان كل سنه لازم ياخذ كورس علاج طبيعي علشان يفك الشد اللي فيه
واختي سبحان الله الله يبتلي الانسان وتستغربين من نفسك اشلون تكونين قويه وتصبرين وتقوين اللي حولك والله يشفي ولدك ووالدك ومرضى المسلمين

بالنسبه لي للحين مارحت لدكتور يشخص حالة بنتي
بس انا عارفه قبل ماروح ان عندها توحد وتقريبا شبه متاكده ومع هذا اتمنى لما اروح للدكتور انه يقولي سليمه
يوميا ابكي على حالها فرحنا انها مشت الحمد الله وسوينا عشاء لوجه الله لانها مشت وبعدين بديت الاحظ انها موطبيعيه
مااقول غير الله يعيني عليها ويصبرني ويصبرني ويصبرني
والله انها تقطع القلب
ادعولها ان الله يشفيها

من ملاجظاتي في الحياة<<<<<ان اخراج المشاعر او الفضفضه مهمه لاننا اولا نساء والنساء من طبيعتها حب الكلام مو شرط احد يحل المشكله لكن ايجاد احد ينصتلك وهذي نصيحه اقدمها للامهات تكلمي فضفضي لاتقولين لنفسك لا ابصبر ولا راح اتكلم بمشكلتي مع احد بلعكس مفهوم الصبر لا يعاكس مفهوم الفضفضه ولكن الاهم ايجاد الصديقه او الاخت الحكيمه ثم ايجاد احد متخصص فاهم ومتفهم في نفس المجال الذي
ان صاب به ابنائنا
اختي انهار انتي تقولي اصعب شئ اني كتمت ولم اخبرهم بمصاب ابني
وانا اقول ان اصعب شئ ان الجميع كانوا يعرفون ان ابني غير طبيعي ولم يصارحني احد بهذا كانوا يرون معاناتي معه بالرضاعه وعدم النوم والبكاء والامساك ولم ينبهني حتى الدكتور الذي كنت اتابع عنده لا اعرف كيف لم يكن يشك بمشكلته ويمجرد تغيبه عن عيادته يوم من الايام اي بعد 8 اشهر من المعاناة دخلنا لدكتوره الاخرى واخذت تكشف على الطفل بامعان وبالنهايه صارحتنا و قالت الذي لم تتجرء الامهات من حولي بقوله وعندما علمت بالخبر بطريقه عنيفه من الاطباء عشت ثلاث اشهر كأني بداخل بالونه اتقلب من غير وعي وعندما اشكي لاخوتي واقول ان ابني لن يعيش مثل الاطفال الطبيعيين يقولون لي كنا نعلم انه غير طبيعي وفلانه قالت وعلانه قالت ولاحظت انه مو طبيعي طيب ليه احد ماخبرنا ولفت نظرنا على مشكلته وبدئنا بعلاجها من بدري :44:
ويااختي انهار الرضا بلعكس اهلك اكثر ناس راح يوقفون معك لان اللي بداخل دائرة المعاناة اقوى من الذي بخارجها وانتي الان بأول المشوار لكن صدقيني بعد فتره راح تكونين اقوى وادعو لك من كل قلبي وللامهات الجدبدات المفجوعات ان يصبركم الله ويربط على قلوبكم ويسخر لكم الطيب من خلقه وان يجعلني واياكم ممن احبه الله فابتلاه
00000
0000
00((وبالنسبه للناس الفاشله لا تعطين اذنك لها وصدقيني الله كبير وعلى الظالم تدور الدوائر))))
فاصل مضحك <<<<<<وبالنسبه للسمنه لاتشيلين هم ياتروح بخير وسلامه ولا بكيفها اصلا اقول لزوجي لما اكون دبا احسني صدق ام اما لما اكون عصلا ماحس ان اعيالي يلقون شئ يخمونه او يتسدحون عليه فاعندي اشحوم ياما راحت ياما رجعت