ماتخلو قعدتنا انا وزوجي من النقاشات الحاده ايش السبب

السلام عليكم


انا لي 8 شهور متزوجه وماتخلو قعدتنا انا وزوجي من النقاش الحاد

بتكلم عن طبيعتي وطبيعة زوجي لعلكم تساعدوني بالحل

انا بطبيعتي احب اسولف وماحب انتقد السالفه اللي يقولها الشخص اللي قدامي الا عاد سالفه ماعجبتني او موضوع مناقض لفكري وراي ونادر ناااادر جدا انتقد يعني اذا ماعجبني اسكت وبس


زوجي من النوع اللي اي موضوع اي موضوع يحاول يتكلم بالجانب السلبي ويظهره ويتكلم فيه ويترك الجانب الايجابي فيه

يعني ياخذ من السالفه اللي اقولها الشي الشين ويتكلم وينتقده ويعيبه
وغالبا يختلق شي شين بالسالفه هو كذا طبعه

فمثلا اقول هالبيت حلو تصميمه يقول لا بس الزخرفه او الحجر شين ويتكسر وانا طبعا بثبت له ان رايي بالبيت حلو <<<هذا مثال بس علشان تفهمون

وش اسوي انتم تعرفون ان النقاشات الحاده مو زينه ابد بين اي اثنين شلون اذا كان زوجك ويوميا على هالمنوال

انا عارفه بتقولون لي اذا خالفك بالموضوع اسكتي ولا تطولين النقاش
بس صعبه والله صعبه يعني مهما كان ودي ان الشي اللي اقوله يعجبه ويكون صح
مو معقوله كل سالفه اقولها ينتقدها ولا اقدر اسكت بثبت له اني رايي هو صح



وش الحل تكفون والله تعبت احس صايره فجوه بينا بسبب هالنقاشات

17 تعليق 1,886 مشاهدة

شاركي في النقاش

سجلي الدخول لإضافة تعليق.

التعليقات

16
  1. @ghrybh_byn_ahly

    لو كنت مكانك اخليه يكلم نفسه

    :16:
    بس مافي غير هالحل

    لما يمر الوقت ويشوفني ساكته

    اقوله

    انته شرق ووانا غرب

    فاليش نتكلم

    اذا اذا عنده احساس بيعرف انو عقدك بحياتك من بدري


    اهم شي يكون عندك صبرررررررررررررر ع الصمت لأنو مافي سلاح يقتل الرجال زي الصمت والتطنيش يحرقهمممم

    طبعا انا ارد سريع لاني تعبت من الردود


    :p



    اشوفكم على خير

    خارجه من قسم الحياه الأسريه المشكلجيه الى سريري

    بايو
  2. @nkhh_hloh

    ياختي عادي

    كل واحد وله راي...يعني حتى انا احيانا مع زوجي لي راي وله راي

    مايمنع اكون انا غلطانه وهو صح


    اول مايقول الجانب السلبي..قولي له بهدوء معقوله مافيه شي اعجبك فيه؟


    اذا قال الا فيه كذا وكذا خلاص ابدي اتكلمي..


    اما اذا قال لا مافيه...ماله حل المساله عناد


    عادي ياقلبي لاتحطين في بالك ..ولا يزعلك هالموضوع
  3. @alohydh_16

    لي حوالي ال12سنه متزوجه
    ومافي اسوء من اول 3سنوات بحياتي
    نقاشات
    وهواش
    بس استقرينا في الاخير
    شيئ طبيعي
    تعلمي فن الحوار
    والنقاش
    وتحملي
    وتعلمي
    اهم شيئ لا تسكتين
    تناقشي معاه باسلوب راقي وبنفس الوقت فيه شقاوه
    لانك لو سكتي بتصيري الطرف الصامت
    اسوء شيئ في الزواج
    ما يسمى بالخرس الزوجي
    والله يوفقكم ويسعدكم يارب
  4. السلام عليكم
    يا قلبي هيك مواضيع كتير بسيطة شلون لو اجاك موضوع كبير وقتها ما راح تعرفي تتصرفي أصلا
    نصيحتي انك تصبري و ظهريلو انو هو الصح حتى لو انك متأكدة إنو غلط و هذا طبيعي انتم مانكم متعودين على بعض يعني عادي تصير مشاكل عالأول بس أصبري هيدا زوجك و لازم تستحملي
    حبيبتي لازم تفهمي إنو الرجال عايز يكون هو الكل في الكل و دايما يكون صحيح
    اللله معك و يهنيكم
  5. @frnaz

    انا عندي قاعده
    الجدلي / والعصبي / واللي رأيه لازم يكون صح
    ماينفع معهم الا السكووووووووووووووت...
    وارتاح من كلام ماينتهي ولا نطلع منه بنتيجه.

تابعي تجارب أخرى من هذا القسم.