انانية زوجي ،،،، والغربه اجتمعت علي يارب لطفك

السلام عليكم ورحمة الله...
بنات انا اول مره اكتب موضوع بهالقسم ساعات الواحد محتاج من يسمع له
والله انا تعبت من تصرفات زوجي والمشكله انه يعتقد انه انسان مثالي
يعني اذا زعلت مايتقبل والله تعبت يعتقد انه مو من حقي ازعل اليوم زعلت وطقت كبدي منه
حنا مغتربين عشان دراسة زوجي والسبت والاحد عندنا عطله وكل ويكند يضيعه علي زوجي بالنوم
يعني يسهر ولا ينام الا الصباح وطول ل
الليل سهران عند التلفزيون واحيانا يكون طالع مع صديقه واذا خلص من التلفزيون جلس علي الكمبيوتر
المهم ماينام الا الساعه عشر او 11 الصباح يجلس طوال اليوم نايم ما يصحي الاالمغرب او العشاء
وانا طفشت غربه وعايشه بين 4 جدران عجزت اغيره وانا طبعي احب انام بدري يعني انام الساعه 11 او 12 بليل
واصحي الصباح الساعه تسعه يعني اليوم صحيت الساعه 10 وهو توه نايم وقلت خلاص ابخليه نايم لين العصر يعني قبل المغرب ابصحيه
وصحيته وبالموت قام واقوله خلينا نطلع الله اليوم الجو حلو وممطر
لكن قهرني في اسلوبه وهو يقول ما ني مشتهي يعني وين نروح وقام يحقق وبالمختصر المفيد
مو مطلعني :mad:
قهرني والله ورجع ونام وانا مت من القهر كل ويكند علي هذا الحال
ويوم صحي وانا زعلانه ويقول وش فيك يعني ما فيه امل يحس
لو مجرد احساس واقوله صار 24 ساعه مقابله اربع جدران
وانت كل ويكند تسهر وتنام متاخر ما تفكر فيني انا اصحي وانت توك نايم
والمشكله كاني اكلم جدار مارد وسكت يعتقد انه مو من حقي ازعل وتصدقون
من قام جلس شوي وطلع مع صديقه ولا فكر انه بس يعتذر
او كلمه تطيب الخاطر صار لي كم يوم ما طلعت احس بتطلع روحي


ههذي مو حاله طفشت منه ومن تصرفاته جايبني لهالغربه وحاجرني
يعني انا اطلع بس كل طلعاتي اروح لسبر ماركت واتقضي وارجع
تصدقون لي 4 شهور مغتربه بس طلعني 2 للسوق ومره للمطعم
والله طفشت اغلب طلعاتي مع صحباتي وهو مو حاس فيني المشكله بالويكند ما القي احد اروح لمه
او اطلع معاه كل وحده مرتبطه بزوجها وفرصتها بالويكند تتمشي وتطلع
وش اسوي علموني مع هالانسان الي مو حاس فيني
،كذا مره تزاعلنا بسبب هالموضوع
والله نفسي يتغير بس عجزت احيانا يابنات اجلس شهر شهرين ما اطلع اتمشي معاه
بس اروح للسبر مارت بين فتره وفتره وكلها ونص ساعه وراجعه مليت وهو
ما عبرني المشكله يحس انه مو مقصر الله يعين تعبني مره
يفكر في نفسه وكل اهتمامه كيف يسعد نفسه ساعات ااحسه اناني مع انه مدخن وسبق قالي انا ما احب اطلع
معاك وخاصه المشاوير الطويله عشان ما اخذ راحتي بالدخان انا طبعا ما اسمح له يدخن امامي
انا اقول كل شخص مدخن شخص اناني ما يفكر الا في نفسه وكيف يشبع نفسه من هالسم
ا هو يطلع بالويكند لم ربعه ويستانس بس باليل انا اقول ياليت يطلعني بالنهار لو ساعه بس اغير جو
وبليل بكيفه يروح واذا بغي لايرجع
:44: تكفون عطوني حل ول تدعون لي بصلاح الحال

14 تعليق 2,130 مشاهدة

شاركي في النقاش

سجلي الدخول لإضافة تعليق.

التعليقات

14
  1. @anyn_algrah

    انتي قلتي سبب المشكلة
    انك تمنعيه من التدخين لما تطلعوا مع بعض وهو يتضايق لهذا صار يتهرب منك
    وصار يرتاح مع اصحابه لانه ياخذ راحته اكثر في التدخين من لما يكون معاك
    المفروض ياحبيبتي ماتمنعيه من التدخين مره وحده لازم بالتدريج وبالكلام الحلو
    اما تكلميه بصفة الامر ماراح يقبل
    انتي اوعديه انك لما تطلعي معاه ماراح تمنعيه ومره بعد مره بتلقيه هو الي يقول لك يالله نطلع
  2. @aaashkh_algn

    تدرين وش السبب اللي يخليه مايطلع معك هم انك تعيدين عليه طلعني ابي اطلع معك ومن هالكلام

    الحل خليه على رااااااااحته واطلعي مع صديقاتك وانبسطي والويك اند خليه لشغل البيت مادام انك تطلعين بايام الاسبوع مع صديقاتك
    نوعي فرضا سافري لمدينه ثانيه بالترين معهم اتجمعوا في مطعم اطلعي حديقه او ملاهي بعدين اللحمد لله الوضع برى مررررره حلو وفيه حريه واهم شيء حاولي تكون صداقاتك مع بنات فله يعني حقات طلعات مو بنات كئيبات او ازواجهم مايسمحون لهم
    عشان تنبسطين انا بصراحه اسوي كذا لان زوجي مررررررررره مشغول بهالدراسه وصحيح ودي اطلع معه بس اسكت لاني ان قلت له بيفهمها اني انقص من ثقته بنفسه وانه غير قادر على اداره حياته وتصرفاته مع شريكته
    وصدقيني بيجي اليوم اللي يطلعك فيه

    وزي ماقلت ابتعدي عن البنات البيتوتات

تابعي تجارب أخرى من هذا القسم.