خواتي شلون اسوي السليق لشخصين؟؟؟

اهليييييييييين خواتي ابو الشباب مشتهي سليق وناويه اسويه باتسر على الغداء بس ماعرف له ولا عمري سويته عاد قلت مالي الا الله ثم حوائيات ابي طريقه لو تكرمتوو عشان بسويه غداء بكرى مقدار شخصين انا وزوجي يعني الي تكتب لي الطريقه ابي كميه الارز والحليب الي اضيفهم مو بس الطريقه وفوق كذا ابي طريقه الصلصه لحاره حقته لا تتاخروون ولا تفشلوني مع زوجي لازم بكرى اسووويه

13 تعليق 69,693 مشاهدة

شاركي في النقاش

سجلي الدخول لإضافة تعليق.

التعليقات

13
  1. @fnon_alkhyr

    عادي حطي ماء نص القدر تقريبا واغليه وحطي فيه 3 حبات مستكه اكل و3حبات هيل
    وخليهم يغلو على بال غسلي مقدار كاسه رز مصري وحطيه بالمويا وعدلي الملح وخليه لين يستوي لو احتاج مويا زيدي لين يلين مررة

    المهم لما يستوي تمام حطي حليب جاف ملعقتين في كاسه مويا او الحليب السايل الجاهز ابو ريال *-^

    وخليه تقريبا 5 دقايق على نار هاديه بعدين حطي نص قالب زبدة وخليه شوي 5 دقايق تقريبا وخلاص جاهز
  2. @klm_amraaah

    صاحبة الموضوع
    مشكوره اختي طيب والدجااااج والصلصه حقته وش دعوه 28 وحده تدخل ولا ترد علي الا وحده )..
  3. @lmo22

    هلا عيوني
    بقولك طريقه اللي واسويها مره روعه
    اول شي اسلقي دجاج بماي حقه وحطي هيل ومستكه وملح واضغطيه
    وبعدين اذا نجح حطي رز مصري او رز عاتي ماياثر بس الرز العادي لازم تنقعين رز ع ما الدجاج واذا تبين تشيلين الدجاج وتحمرينه في الفرن او تخلينه اللي تحبين
    طبعا ضبطي الملح ويعدين خليه لين ينجح وعاتي زيدي ماء اذا شفتيه ناشف واذا استوى حطي حليب سايل كوب
    او 3 ملاعق حليب في كاس ماء وصبيه فوقه وخليه شوووي لين يلين وحركيه كل شوي واهم شي كل هل الخطوات يكون ع نار هاااديه وبالعافيه
  4. @shmaadanh22

    طريقته مرقه الدجاج اشخليها ثم حطي عليها كاسين رز مصري وخليه يطبخ حتى يلين الرز وذا احتاج مويه زيدي وبعدين حطي كاس مويه فيه اربع ملاعق حليب وقصري النار مده طبخه ساعه
    الصلصه عباره عن طماط مطحون مع كزبره طازجه اوناشفه الي عندك وفلفل اخضر حار كلهم في كاس الخلاط وبس
  5. @sarooona_2

    اسمعي ياقلبوا السليق الطائفي ..اسلقي نصف دجاجه وحطي عليه ملح لحد مايستوي وبعدين خرجيه من المرقه وغطيه وحطيه على جنب ...اغسلي كاسه مويه رز ابو سيوف او ابو بنت.وحطيه في مويه السلق حق الدجاج لحد مايستوي اذا نقصت المويه زيديها مويه حاره...لين تشوفي الحبه مررررررررررره استوت حطي ملعقه كبيره حليب على نصف كاسه مويه حاره وقلبيها وحطيها على الرز...وغطي عليها لحدمايثقل احنا نقول يتمخمخ زين.............وحطي عليها قليل زبده قليل.وقلبيها باالملعقه الكبيره زين وطفي النار وباالعافيه..والسلطته....حطي في الخلاط طماطم وحبه ثوم وكزبره وفلفل حار وقليل مويه.واخلطيها بس مو مره تخلطيها..وعند الغرف حطي عليها قليل خل او ليمون وملح..وبااااااااااالعافيه............ااعرف ناس يسوه باالرز المصري بس انا مااحبه.واصلا السليق الطايفي يحطوا رز ابو سيوف اوابو بنت.والملح حسب الطلب ................سويتها سالفه..واغرفي الرز في الصحن وحطي فوقه الدجاج..وخلاص

تابعي تجارب أخرى من هذا القسم.