أنا على حق ولا زوجي على حق ؟؟؟؟ جاوبن

السلام عليكم ..





حياكم الله كلكم ...



والله يا بنات بطرح عليكم مشكلتي وودي بوقفتكم وبمشورتكم الله يجزاكن خير ....



أنا عندي مشكلة مع زوجي ...

وودي أعرف أنا على حق أو هو ...
أرشدوني الله يجزاكن خير ...






* وجهة نظري إن الزوجة لا بد تكون شريكة في جميع القرارت في الحياة الزوجية ولا يحصل أي شئ إلا برضاها

زوجي يقول لا .. يقول الزوجة تبدي وجهة نظرها ويشاورها زوجها ولكن تبقى الكلمة للرجل
حتى أنه شرى سيارة قبل فترة أنا غير راضية عنها فزعلت وضاق صدري وهو يقول أنتي ما دفعتي شئ من جيبك للسيارة ليبش تزعلين
برضه قبل فترة نقلنا من الحي اللي قريب من بيت أهلي ورحنا سكنا في حي قريب من أهله وأنا زعلانه لأني غير راضيه وهو يقول المفروض ما تزعلين لأني بوديك لأهلك بشكل مستمر ولا لك علاقة الزوج هو اللي يحدد مثل هالأشياء مهوب الحرمه
باختصار أنا أبي أكون شريكتة في جميع القرارات في حياتنا .. يعني لابد أوافق على كل شئ .. هل تفكيري صح ؟؟
وش رأيكم الحق مع مين ؟؟
تكفوووون أرشدوني






*وجهة نظري إن الزوجة لا بد تعرف كل صغيرة وكبيرة في حياة الزوج ... وزجي رافض هالفكرة .. يعني أحيانا يطلع يصلي ويقول يمكن أمر أهلي يعني ما يأكد لي ثم يمر أهله شوي بعد الصلاة ولا يقولي إلا إذا رجع وأنا أزعل وأجلس أصيح أقول ليش ما قلتلي قبل إنك بتروح لهم ..

وبرضه قبل فترة وأنا كنت عند أهلي ... زوجي دخل واحد من أخوياه للشفة حقتنا دخل حمام الرجال واستخدم مغاسل الرجال ثم طلع ..
وزوجي ما قالي إنه خويه دخل .. أنا عرفت بعدين .. وزعلت صراحة وضاق صدري مرررررة
وهو يقول هذي أشياء صغيرة المفروض ما تددققين عليها ولا لك حق تطالبين بمعرفة كل هالتفاصيل






*علاقتي مع أخوات زوجي مهيب حلوووه مررررة .. وأنا دايم أتكلم قدام زوجي عن خواته وأحسه يتضايق ولا يقول لي

هل فعلي هذا صح أو أسكت أحسن لي ؟؟؟





*أحيان تتصل أم زوجي على زوجي وتقوله يوديهم أو يجيبهم وهالشئ بصولراحة يضايقني مررررررة ...

وأقوله دايم ترا حقي مقدم على حق أهلك .. وأحس أنه غير مقتنع بهالفكرة .. وش رأيكم ؟؟



*السفر آآآآه يالسفر هو يسفرني في السنة مرة او مرتين لكن مشكلته يسافر مع اخوياه لمكه والشرقية وانا رافضة اقول الزوج ما يسافر الا مع زوجته وهو رافض يقول مادامي اسفرك مالك علاقة فيني



ترا لي سنتين متزوجة ولا لي منه عيال
مشكلتي هالأمور مضيقة صدري هاليومين ... ودااااااااايم مكشرررة ومكتمة وأحسه طفش مني مرررره...
والله يا بنات أنا صادقه معكم ..

حتى إنه عطان 200 ريال هديه كذا .. قلت له ما أبيها أنا حقي أكبر من كذا ...








تكفون لا تجاملونن ... علمون أنا على حق ولا لا ؟؟؟

على فكرة .. زوجي ملتزم ما شاء الله وما يشوف غيري ووضعنا المادي مررة حلو الحمد لله ...






انتظركم