انا مت كجسد واخاف تروح روحي بعد

ورده الحب

لاني تعبت كل مره اشتري مايعجبني شكلي لاني اقول العيب في جسمي و شكلي مو البس

وباذن الله راح افكر بالطلعات قريب او علىالاقل ارجع علاقتي فيهم كل من جاني ماعاد رحت له

وعلى قولتك الرجال مايفضون لاحد انا زوجي يطلع العصر ولايجي الا عشره في الليل لكن عادي بخليه يوصلني ويرجع لان بيتي قريب من عمله



دلع اطفال

امين يارب الله يسمع منك

حبيبتي حاااااااسه فيك
اول شي االاذكار اللي كثير مننا غافلين عنها وانا اولهم
لا تخلي الشيطان ياثر عليك
تكفيييييييييييييييييييييييييين انتبهي لنفسك
وعيالك استودعيهم ربك انتبهي لنفسك واخرجي وتمشي واشتري واستانسي الله يفرجها عليك

ياقلبي السمنه ماهي عيب انتي حاولي تغيرين من نفسك على قد ماتقدري وراح تشوفي انك راضيه عن نفسك اهم شي لاتحبسي نفسك في البيت علشان تتغير نفسيتك واحنا اذا بنطاوع اولادنا جلسنا مقابلينهم 24 ساعه حاولي توفقي بينهم وبين نفسك لان لنفسك عليك حق حتى زوجك راح ينبسط منك الله يوفقك وينولك الي في بالك ياعيوني طمنينا عنك بعدين000

ياعمري انت والله ياقلبي انا وزني قريب من وزنك بس مايسبب لي الموضوع اكتئاب البسي وانبسطي وانسي الهم شوفي جا لصالحنا حنا الدببه موضة البلايز او الفساتين الواسعه وومن تحت الهلهوب هدا الستايل يليق لنا وانا جربته واغلب ملابسي زي كده وعوضي شكل الجسم بالهتمام بالشعر والوجه والاناقه يعني اهتمي بالاكسسوارات تسريحات الشعر مكياج مرتب حتى اذا زاد شوي عادي 00 وانا حاسه فيك لاني نفس حالتك والناس احيان فيهم قلة ذوق وكلام ماينقال

لاتتحطمين ولا تيأسين
الانسان عطاه ربي القدره على التغيير انتي بس شدي همتك وقوي ارادتك وقبل كل شي استعيني بالله والحي بالدعاء
ولاتأجلين شي عشان سمنتك انا مريت بمرحلة بعدين لين انحف وتصدقين ما استفدت شي الا كل شي مؤجل عندي
لين صرت اقول واذا مليانه بلبس واكشخ واحاول اعدل من نفسي واهتم بصحتي سواء هذا مايمنع
اول شي سويه الحين جيبي ورقه وقلم واكتبي وش تبين توصلين له وخططي لنفسك
وانحصك روحي السوق وخذي معك ميزانية مناسبه واشتري كل شي نفسك فيه راح تلاقين مقاسات لاتخافين روحي محلات متخصصه مثل محل ايفانز -مارك اند سبنسر -دبنهامز يوفرون لك مقاسات كبيره وازياء حلوه وعلى الموضه
اشتري ملابس للبيت اشكال والوان
اشتري اهم شي كريمات حرام عليك كل شي الا الترطيب
روحي محلات العطور اللي انتي تحبينهم وذكرتيهم بالموضوع وخذي لك واحد من كل محل
روحي المشغل وسوي جلسه كامله قص واستشوار وتشقير حواجب اذا تشقرين وبدي كير ومنيكير
وقسمي اعمالك ومشاويرك على ايام لاتخلينها كلها بيوم واحد راح تتعبين وممكن تملين جزأيها راح تسهل باذن الله
هذي الاهداف للمدى القصير
اما الاهداف للمدى البعيد سوي دايت واشتركي بنادي اذا ماتقدرين قولي لزوجك يجيب جهاز رياضي للبيت تشتغلين عليه اما سير او دراجه او اوربت تراك

الله يعطيك العزيمه ويقويك ويعينك وتطلعين ملكة جمال بعيون زوجك يارب