انا حصل معي قانون الجذب بدون تخطيط مني ..... لانه فطري في كل انسان منا ايمان بدرجه معينه
كنت وانا صغيره عمري تقريبآ ماذكر 9 سنين او 10 كنت اتمنى اتزوج شخص من عيلتي اكبر مني ب 12 سنه
كانت احلام طفوله اوقف عند باب بيتنا واركز على باب بيتهم واشوفه وهو طالع وداخل وكنت خجلانه من تصرفي لاني صغيره ولانه مالاحظ هالشي وحتى لو شافني ماظن يفكر فيني كزوجه بالتأكيد
وفجأه البلديه امرتنا بترك بيوتنا لانها سوت لنا بيوت جديده بمنطقه ثانيه وتركنا منطقتنا وهم ظلوا مكانهم
وجاني خبر زواجه اول ماانتقلنا والله وحده يعلم الحزن الي صابني ( تخيلي وحده تحزن على شخص عمره مافكر انها موجوده اصلآ )
تخيلي بعد 8 سنين عمري صار 19 سنه وبيتنا نادر محد يزوره زارتنا ( امه) اقسم بالله العظيم العيله مليانه بنات افضل مني شكلآ ومكانه اجتماعيه وماديه ....... لكن جتني ( انا)
ووالله العظيم لما شفتها جالسه مع امي وتركز بعينها علي عرفت على طول بدون كلام سبب جيتها وانا صغيره ومالي حتى صديقات اتكلم معاهم بهالمواضيع ووحيده بدون خوات بنات وام عجوز جاهله ماتفهم ومافيه اي اتصال وعلاقه بينا وبينهم سوا ان ولدها بن عم ابوي والعلاقه مقطوعه
واليوم طاف على زواجنا 25 سنه ولا زلت مستغربه من حلمي الي صار حقيقه بدون حتى كلمه مني
مجرد ( امنيه) بنت عمرها 9 سنين ........ طاقة الجذب انا مؤمنه بها ميه بالميه لأنها من حسن الظن وقوة الايمان
مثال ثاني :
كنت لما اتمشى مع زوجي بالسياره وانا من عادتي قليلة الكلام كنت اشوف المباني والعمارات واتمنى بيني وبين نفسي امتلك مثلها رغم اني موظفه صغيره وزوجي مثلي ....... ( على فكره امنياتك للجذب تكون بصمت وعدم التحدث بها والتركيز بكل كيانك على تحقيقها والتعامل معها كأنك حققتيها بالفعل ) مره جاني زوجي وحط بحضني ( مفتاح) شكله قديم ومصدي
راح يصلي وماسألته ( قليلة الكلام معاه جدآ ) لما جا سألته ايش هذا ؟ قالي مفتاح العماره القديمه نصيبي من امي !
اقسم بالله العظيم عمري ماقلت له اتمنى عقار او مال او انا محتاجه عطني ......... من نفسه جا لين حظني حط المفتاح وبدون مايتكلم او يهتم راح يصلي والوضع عادي عنده ......... وانا مستغربه من الي صار ..... هالكلام من 18 سنه تقريبآ
وتمنيت يكون عندي اكثر من عقار ( بالنظر للمباني اذا طلعني ) يعني بيني وبين نفسي ...... ووالله العظيم صار !
وكل ماتمنيته ( صار ) هذي الناحيه الماديه
بالنسبه للناحيه الاجتماعيه ( كوني وحيده فعندي نوع من الانطواء والخجل ) واتلعثم لما اتكلم من الخوف ومن عدم معرفتي بالمصطلحات كوني ماتكلم مع حد الا عيالي لصغار
مره اذكر بعد صلاتي دعيت من قلبي اللهم حببني في الناس وحبب الناس بي يا ارحم الراحمين ...... حسيتها من قلبي
ولازلت اذكرها بعد صلاة المغرب
ولله الحمد جربت ازيل حاجز الخجل والخوف وازور على الاقل ( اهلي ) ماعرف اشرح لك لكن احس بفرحتهم بجيتي حتى العجايز .... والله العظيم صرت استحي من معاملتهم كأني نازله عليهم من السما ...... وكل ماتصلت فيني وحده من اهلي او شفت الترحيب منهم لما اعزمهم او يعزموني ( اتذكر الدعوه )
حتى لما اروح اعزي ويجي دوري اسلم على الي نعزيها احس انها تمسك ايدي بقوه ماتبي تتركني مع اني اغلبهم ماعرفهم الا بالاسم ...... اخر مره من 4 أيام رحت عزا لناس من اهل ام زوجي ماعرفهم وجربت هالشي ابي اتأكد لما سلموا الي جدامي وجا دوري نفس الشي مسكت ايدي كأنها تبي تشكي لي .... بس ماعرفها ..... يمكن ماعرفت اشرح لكن احس بميل من الناس عاطفيآ لي هذا الي اقدر اشرحه
وافرح لما اكلم امهات صديقات بناتي مثلآ بالتيلفون يعني ماشافوني واسمع كلمة ( والله العظيم حبيتك بدون ماشوفك ) يا الله ...... معقول ؟؟؟ انا الي حتى ماعرف اتكلم .... منطويه ..... خجوله ...... لا اخت ولا ام ولا صديقه ولا علاقات ولا شي ...... بمجرد دعوه ( ومن قلب ) تتغير حياتي ..... وبالشكل الي اتمنى واكثر
قريت عن قانون الجذب كثير ومن ضمنه انه يفيد حتى لعلاج الامراض بالتركيز
وانا الحين اجرب هالشي
اختي الكلام يطول والمواقف كثيره بحسن الظن الي مايتحقق ( حسب علمي ) الا اذا نظفت السريره من كل الشوائب
والناس الي تشكك بهالقانون
الله سبحانه وتعالى قال ( وما أوتيتم من العلم الا قليلا) صدق الله العظيم
علوم كثيره نجهلها مايعلمها الا الله والراسخون في العلم
خواتي الغاليات قد جربتو او عملتو قانون الجذب الي يجذب لكي الفرح والفرج نفسي اسوي كيف
متابعة النقاش، صفحة 2