جارتي جاتني وهي تبكي بحرقه على بنتها والاعجاب واحترت كيف اساعدها
السلام عليكم
مرحبا بنات كيفكم اول مره احس بصدمه وحيره مع ان الموضوع ما يخصني بس تفاجئت بجارتي تقولي اذا فاضيه با امر عليك وانا مستعجله
قلت طيب الله يحييك ويوم جات المسكينه عيونها وارمين من البكاء
المسكينه فتحت الماسن حق بنتها وتفاجئت با المحادثات الي فيه بين بنتها وصديقاتها كله حب وغرام
وكلام وقح الحرمه انجنت مو مصدقه تقول مستحيل تربيتي كذا
انا قلت يمكن اولاد مو بنات قالت لا سوالفهم عن المدرسه وعن البنات في المدرسه بعدين يبدئون في
الكلام المعسول والغزل القذر
المهم بنتها طالعه منتزه نسائي مع صديقاتها وقالت لي ايش اسوي فيها لمن ترجع احس اني باذبحها
او اقول لاابوها ويمكن يذبحها
انا والله احترت بس قلت لها العنف في هاذي الامور صعب اخاف البنت تفلت من ايدك
انتي اسكتي لين نشوف حل لها ونصحتها ما تفاتح البنت في الموضوع واحس اني غلطانه
ماعرفت كيف انصحها يعني تسكت وما تتفرج ولا تصارحها مادري صراحه وش رايكم يبنات
كيف تتصرف مع بنتها وهل تعرضها على طبيب نفسي او ايش تسوي فيها