°°°•°°°°•.تبين تكسبن ام زوجك تعالي احسبهم يحبوني تقولك شلون ¸°°•.¸¸.°°°•°°

ماشاءالله موضوع حلو...
الله يجزاك خير ويجعل لك من كل ضيق مخرجا ويسخرلك خلقه باحكم تدابيره

تسلمين موضوعك حلو

الله يجزاك خير وماقصرتي
والله يخليلك امك وابوك وولدك بندوري

بس ماعليش ودي اشكي لك من شي بخاطري

انا طيبه لابعد حد وكنت ساكنه عند اهل زوجي ولي بس غرفه النوم فقط وكنت ساكته ومؤديه واجبي على اكمل وجه كنت استلم الغداء كل يوم ادخل من الساعه 11 المطبخ ولا اطلع الا 3 بعد ماانظف كل شي علشان مايمسكون على ولا زله غير الاشغال الثانيه اللي اقوم فيها تنظيف غسيل حمامات الخ
المهم اني ماقصرت معاهم بشي وهم طبعا يكونون عمامي بلاصل وسكنت عندهم 3 سنوات وكل هالسنوات ولا عمري شكيت ويعاملوني معامله عاديه
وكنت محرومه من اشياء كثيره كزوجه لا طلعات لا تمشيات لا مطاعم بس الحمدلله على كل شي ومقدره تصرفات زوجي مايقدر يطلعني واهله لا تخيلوااا هالتفكير


والحين الحمدلله استقريت بشقه فوقهم مو لله طلعوني لانو مافي مكان بالبيت والعيال مالهم غرفه كانو ينامون بلمجلس
علشان كذا طلعنا
وطلعنا ومع هذا مو سالمه منهم يبوني كل شوي اطبخ لهم مع ان عندهم 3 بنات
والله ناس ماتستحي غير تدخلهم بحياتي بس تدرين ماعمري تهاوشت معاهم ولا رديت على احد منهم ولو بكلمه اسمع من هنا واطلع من هنا حتى زوجي ماعمري شكيت له من اهله مدري هذا التصرف شي زين ولا شين ؟؟؟؟

وشي ثاني مكدرني بعد والله اني طيبه وودي كل يوم انزل لهم واصلح لي حلا ولا فطاير ولا عشاء ونتعشاء سواء بس اتذكر وش كانت تسوي عمتي بامي يوم كنا صغار احقد عليها كان ابوي وعمي ساكنين بنفس البيت وكان الشغل كله على امي والطبخ عليها كمان يعني كدت كد يمكن تقريبا 10 سنوات على هالحال وانا وقتها كان عمري 3 سنوات وعمتي ماتلمس شي ولا تطبخ وعمي كان يسمع كلامها ولا يهاوشها ولو تعبت امي ولا مرضت ولا قدرت تطبخ ذاك اليوم ولا كانت بالمستشفى ولا تجي الا الظهر ينتظرونها عمي وابوي ويهاوشونها ويخلونها تصلح الغداء تخيلوااا والهانم الثانيه متسدحه ولا عليها

بالله مو شي يقهر احس احيانا مابي اشتغل عندهم ولا اطبخ لهم بس ابي ابرد حرت امي انتم وش رايكم؟؟؟؟؟؟؟

واحيانا اقول يابنت مايصير الحقد الايام هذيك راحت


بس بالفتره الاخيره صرت اسمع كلام صديقتي تقولي صيري رسميه معاهم علشان تكون فيه حدود بينك وبينهم وتبون الجد احس من طبقت هالقاعده ارتحت شوي من ازعاجهم اول كل يومين وهم عندي فوق يجون من العصر ولا ينزلون الا اذا تعشوا تخيلوووااا

والحين لا احس تغيروا مايجون الا اذا دقيت عليهم وعزمتهم

والشي الثاني قللت نزلتي لهم اول كل يوم انزل من العصر ولا اصعد الا 12 او 11 بالليل غالبا العشاء عندهم ياانا اسويه لهم تحت ولا هم يصلحونه بس الحين عقب ماطبقت الرسميه انزل لهم كل يومين او 3 ايام مو احسن؟؟؟

وشكرا من كل قلبي لكل وحده ردت علي

للرفع

لا اله الا الله محمد رسول الله