ابتهال بقلمي ( قصيدة الاسبوع )




بسم الله مقصرين كثير في حق الله والثناء عليه عسى الله يغفر لنا
كتبت هالقصيده لحظه حاجه واكرمني الكريم مع تقصيري

ربي عليك اركيت همي بتوكيل,,
,,يامن يزيل الهم قربه ونجواه,,
ابغيك تغفر مامضى والمقابيل,,
وتشرح فؤادي ياحبيبه ومنصاه,,
اناسعيت ومكسبي لاقبل الليل,,
احسبه واجمعه واحصي اجزاه,,
عبدك همومه والفقرله محابيل,,
تدفعه نفسه والمخاليق تلحاه,,
ماقول اناغيمه ولا مدتي سيل,,
ولا اقول ماحصلت طلعه ومجناه,,
لكن وعدني واحد ماهو بخيل,,
لامن لجا المضطر له يقبل دعاه,,
ارجيك ياربي جزيل المحاصيل,,
شي يخلي النفس تسمح لروياه,,
ديم مديم مستديم بتهليل,,,
ذكرك وشكرك والتباريك ترعاه,

23 تعليق 3,541 مشاهدة

شاركي في النقاش

سجلي الدخول لإضافة تعليق.

التعليقات

23

  1. شهادتي فيتس مجروحه : )

    قصيده جزله وابتهال يشرح الصدر
    صح لسانتس عدد حروف هالعذبه اللي خطها قلمتس .. مبطين عن هالابداع ياطبعي كذا
    شاعره وطرقتس مميز كالعاده .. لاحٌرمنا هالجمال ..

    لاتبطين علينا
  2. @ndaaa_alskon

    صح لسااانك يا غاليه واسال الله انه يستجيب لدعوتك ....قصيده رااااائعه وتستحق ان تكون قصيده الأسبوع
  3. @athl_abtsm

    صح لسانك يالغاليه

    مشكوووره ع القصيده الرائعه أمتعتينا بجمالها ربي يسعدك

    يعطيك العافيه
  4. @tbaay_kthaamp

    صاحبة الموضوع
    الدخيله لو ماجاني من حوا الا معرفه انسانه بحجمتس يكفيني تعليقتس وسام ومشكوره ع اختيارك لاخلا ولا عدم
    السكون هذا بالضبط اللي ابيه ولديك للجنه ابي دعوه حلوه مثل دعوتك
    اظل ابتسم زيارتك شرفتني لاهنتي
  5. @smt_alhb_1

    لا أدري لماذا الاقلام المميزة تؤثر البعد والغياب الطويل..

    طبعي كذا..قلم مبدع..

    سررت بعودتك وبقصيدتك الرائعة..

    بارك الله بك وحقق لك ماتتمنين من خير..

تابعي تجارب أخرى من هذا القسم.