اول شي بالنسبة لتكرار الرد عادي مو مشكلة .. ثاني شي نجي للغرفة اول نقطة حابة اقولها لج وانا احس انها نقطة مهمة جدا وهي لما تجين تختارين الوان الصبغ لا تحطين في بالج موضة لا الموضة بتروح لازم تختارين شيء مريح ويعجبج وماتملين منه انا جمعت لج مجموعة صور من النت راح احطها واعلق على كل صورة وبالنسبة للسرير الطابقين انا ما افضله في افكار ثانية احلى وتكون بطريقة متميزة وراح اعرضها لج
يلا نبدأ :
شوفي هالصورة الالوان متناسقة بطريقة رووعة شوفي السرير شلون صاير كأنه كرسي واااو
نجي للالوان مسوين جدار ازرق غامق وجدار ثاني اخضر فاقع شوي وبقية الجدارن ابيض بس بدون لمعة أو حتى لو بيج فاتح جدا جدا ( سكري ) يكون معقول
صراحة الغرفة عجبتني كثييييييييييييير بالنسبة للالوان و طريقة السرير وفيه ادراج تخزين تحت الاسرة
هنا الوان متناسقة و اسرة متميزة بالنسبة للجدران تلاحظين انه صايرة بيضة انا من رايي لازم يكون جدار السرير ابيض لان الوان الاثاث فاقعة والجدار المقابل يكون مقلم اخضر و برتقالي وتحطين فيه رفوف بيضا وترتيبن عليها الالعاب
وعندنا بعد فكرة السرير اللي ينسحب بعد فكرة حلوة .. ولون جدار السرير رووووعة تعملينه في جدار واحد وبقية الجدارن بألوان فاتحة
شوفي في هالصورة دخلوا اللون الرمادي بطريقة ذكية مع اللون الازرق بس لو كان بدال البرتقالي والاخضر رمادي وازرق يطلع واااااااااااو .. شوفي طريقة الدرج اللي تحت الكرسي ممكن يكون هالكرسي سرير في نفس الوقت والرفوف اللي معلفة صراحة استغلال للمساحات بطريقة متميزة
شوفي هنا اللونين الاصفر والبرتقالي خطييير .. طالعي طريقة السرير صاير طابقين بس بطريقة مبتكرة وطالعي حتى عتبات الدرج ادراج يعني تستغلين المساحات كلها عشان بما انه غرفة للصغار لازم يبي لهم مساحة فاضية للعب وبالنسبة للجدارن تكون اصفر فاتح وجدار واحد تكون فيه دوائر برتقالية
أخر اقتراح هو الجدار المربعات وهاذي صورة له بطريقتين
هاذي الطريقة الاولى تكون بدون مسافات
الطريقة الثانية تكون فيه مسافات بين كل مربع ومربع
و في النهاية اتمنى اكون افدتج .. وبصراحة انا عندي افكار زيادة بس بصراحة تعبت رايحة أنام و***** الله بكرة ارجع واخلص