شاركي في النقاش

سجلي الدخول لإضافة تعليق.

التعليقات

142
  1. السلام عليكم ورحمه الله


    مساء الخير اختي العزيزه



    حنى ما ذبحنا الا الحنان الزايد



    لا الومك فانا مثلك احزن واحن بسرعه


    لكن الحين صار فيه ابداع في عمليه الشحاته



    يمكن الكل يتهجم علي ويقول حرام عليك



    لكن انا موظفه في مستشفى اهلي محاسبه


    واعرف هالنوعيات قسم بالله يجينا ناس على كيفك



    تجيب اغلى اشعه او اغلى دواء ويجينا نحدد له السعر


    وشكله مسكين ومؤلم وتصدقينه انه مسكين



    ويروح للرجال وينقعهم انه مسكين



    ويجي معاه واحد ويقول انا ادفع له ويدفع الرجال لهذا الشحات



    ويجلس الشحات لين يروح الرجال اللي دفع له ويجينا يلغي الفاتوره وياخذ الفلوس ويروح




    يعني نصب عيني عينك



    ومواقف كثير يا بنات وحريم ورجال يعني عالاقل باليوم 1500 ريال



    وافكار وحيل ماتصدقون لو احكي لكم



    انا صرت اش اسوي


    اذا جاني الضحيه بيدفع للمسكين اخذ بياناته رقم تلفون واسم



    واقوله احيان يلغون الفاتوره وياخذون المبلغ لو الغاها تحب نرجع المبلغ لك والا له



    وبكذا اكون اخليت مسوليتي امام الله



    والله يعين ويفكنا من هالنوعيات النصابه



    ويشفي كل مريض يارب
  2. @ytol_alsbr

    أم هتيف الاموره
    اه ياقلبي وجعتيني عليها الفقر يموت وادا قلنا شي قالوا احنا بخير طيب وين الدوله عنهم حسبنى الله ونعم الوكيل والي تقول الحكوميه هههه متى يجي دورها ....؟؟
    وليه ماتروح حلال عليكم وحرام على غيركم أنا زوجي عسكري وظروفنا جدا سيئه ولكن في المستشفى الحكومي ما يسون تحاليل ولا أشعه وننتظر بالساعات نروح ودرجة حرارة عيالي مرتفعه يعطونا مناديل ومويه ونكمدهم على الارض وتمر 4و5 ساعات لين ندخل وكل المراجعين نفس العلاج ولدي عنده التهاب في المثانه وشخصه التهاب في الحلق عيا لايكشف عليه لان ابوه عسكري جندي عرفتي ليه نطلع برا وما عندنا حق العلاج آآآه بس الله يعافي بنتها والله ما يحس بالنار الا واطيها وبس......

تابعي تجارب أخرى من هذا القسم.