السلام عليكم ورحمة الله وبركاته
اتمني انكم جميعا بصحه وعافيه و وغربه معطره بالورد خالية من الحزن والضيقه,,
انا جايتكم اليوم ابي رايكم بالمشكله الي عندي ابي اشوف حد مثلي ولا انا كائن غريب يمكن انا ماعرف اتصرف ويمكن انتو مثلي ويمكن حد مننا عنده حل ,,
ساعدوني نخيتكم بجن صار لي بغربتي فوق 4 سنين وللحين ماخذيت الي ابي ,,
بقول لكم الي بخاطري اولا انا مبتعثه وزوجي باقي له سمستر ويخلص ماستر وماله نيه يكمل وانا بكمل الين الدكتواره مااراح اوقف ***** الله يعني بالعربي انا مطوله هنا ,,
الكلام الي طعمه فيه هو ,,انا ماشتري اي شي ابيه تنزل المكافئه اسدد الكريديت 500 دولار هالعله الي اخذ الي وراي والي قدامي واروح كروقر اخلص مقضي البيت؟؟ ساعات اطق 700 وساعات 200 من الطفره طبعا و امر الدي كير انزل الشيك مبلغ وقدره 700 دولار وساعات اذا تاخرت عليهم ماخذيت الاولاد بدري يزودوني عالدقيقه 5 دولار:44: واطلع امر الكهرباء وانزل الشيك 250 دولار وامر مكتب الاجار انزل اجار البيت 999 دولار وارجع البيت وانا معصبه وراسي منزلته للارض ومالي خلق احد ولا ابي اسوي لا هوم وركات ولا شغل بيت ولا طبيخ كرهت عمري ..
ابي اوفر ماعرفت وربي اني ابخل وحده علي وجه الارض ادورللدولار تدوير بس اوفر ولا نفع حلفت علي نفسي العام اني اجمع لي كم قرش عشان اذا رجعت البلاد وجمعت تقريبا 2000 دولار وخلال اسبوعين سويت حادث وماكنت مسدد التامين كنت مسويه تامين للغير انا لا وحطيت الي جمعته كله عالسياره لانها كانت حيل معدومه ,,
تدورون وش استري من كروقر اشتري المهممممممممممممممم نفسي مره اشتري فواحه شمعه غاليه عصير غالي نفسي اجيب لعيالي كل الشبسات الي اشوفها نفسي تنزل المكافئه واروح صالون اضبط حالي امر اسوي بديكير ومنكير خوياتي دايم يالله معنا بديكير ومنكير اقول لا عندي بحث عندي اجتماع وانا نصابه اكذب علي نفسي مافيه فالصرافه شي اتحدي يمر اليوم الرابع بعد نزول المكافئه والصرافه فيها شي ,,
الي خلاني اكتب لكم الموضوع انكم مثلي مغتربات اولا ثانيا امس كان عندي اختبار ودورت مكان اقعد فيه فالمكتبه كان فل لان الطلاب الجدد جو يعرفونهم عالجامعه المهم مالقيت كرسي ورحت ادور في كافتيريا ولقيت في ستار بكس قلت يالله خليني اشم هالريحه الطيبه وانا قاعده الا وقروب بنات يردون الروح دخلوا وكلهم واقفين طابور يبون يطلبون بنات تدرون وش سويت قلت يارب انك ترزقني الرزق الحلال الي اهني نفسي فيه قبل ماموت ولا قبل مانحرم من هالامريكا ,, فتحت بوكي لقيت فيه 5 دولار وسنتات ,, واتذكر الصرافه فيها 8 دولار بس ,, قلت لا بخلي هالقرشين لاحد يطلبني من العيال شي ,, وانزل راسي بالكتاب واجلس اذاكر وشوي ارفع راسي الا اطالع فيهم <<اقصد البنات
كل ابوهم طلبوا شغلات ترد الروح قلت وربي ماقعد ولا اخربها مايصير خل ابوهم الي جابهم يقوم فيهم <<اقصد عيالي..
واروح واطلب وربي وانا اشرب ان شوي وتتنزل دمعتي اقول وعيالي ياليتهم معي <<بنت فقر
شساوي كل هذا شي سهل ويمكن اغلبكم مر فيه لكن الطامه امس بعد العشاء كان زوجي يذاكر بالمكتب قلت بروح البس بجامه واجي اكمل قرائه قال اوكي,,
رجعت وانا بالصاله وجاء بعد ماشم العطر قال ماعندك غير هالبجامه :(
انتهي كلامي بهالقصه الي ابكتني اخر الليل دلوني وش اسوي...
شعري صار له 6 شهور مازيته ماعندي زيت وابوي غني بس مستحيل اطلب منه استحي استحي تبلعني الارض ولا اطلب منه من وانا بنت ماعمري طلبته ...
ابي اقراء ردو توسايني وتخفف عني فديتكم
الموضوع مغلق