قاعدة تأثيثي .. عندك غرفة في بيتك محتارة فيها .. ادخلي وانا اساعدك

الله يسعدك وين ماكنتي جيتي بوقتك انا صبغت غرفة نومي بلون موف فاتح جدا افتح لون ثلاث جدران اما جدار جهة السرير

سويت تقليم بلون موف غامق جدا مايل للباذنجاني مع تفاحي واحس اني اتورطت ماادري كيف اثاثها ولون السرير اسود ام ابيض

والاكسسورات تكفين افيديني بكل شي ومشكوووووووره

تقريبا الوان التقليم مثل كذا

ممكن تحطي فيها ورق جدران فخم أو حجر أو ممكن تجليد فخم أو حتى تاخذين مقاساتها وتفصلين مرايا بنفس حجمها وتحطينها فيها

اتمنى اكون افدتج ..

انا من رايي اثثيها بنفس لون هالاثاث حلو واحسه مناسب .. ترا اللون حلو بس الموديل لا خذي لج شي انعم





بعدين نجي للاكسسوارت خل مفرش السرير باذنجاني مثل هالصورة و وزعي خداديات تفاحي وبنفسجي فاتح مثل بقية الجدران



في الجدران اللي لونها فاتح حطي لج رفوف و وزعي عليها تحف باذنجاني و حطي لج نباتات عشان تبرزي سوي اللون الاخضر اللي في التفاحي

الستارة سويها مثل هالموديل عاد انتي غيري في الالوا لو كانت الستارة في الجدار الفاتح خليها باذنجاني وفيها ورود بنفسجي تكون اغصانها تفاحي أما لو كانت في الجدار المقم خليها بنفسجي فاتح سادة



هالتصميم لو مانت الستارة في الجدار الغامق



وهالتصميم لو كانت في الجدار المقلم بس انتي راح تسوينها كلها سادة عشان تبر المكان


اتمنى تكون افكاري عجبتج ..

ياقلبي عندي غرفه مقاسها 6 ونص في خمسه وثمانيه الشكل وباسويها غرفة نوم ومحتاره في الدهان مادري اخليه كله لون

واحد هااادي

او جدار واحد الا هو خلف السرير والباقي بيج او سكري

وابغى الوان الخداديات حق الصوفا و البطانيه الوان مبهجه وفرايحيه مثل اصفر فوشي تفاحي برتقالي احمر يعني زي كذا

مادري ايش رايك انتي ؟

ساعديني في كل شي من والى حتى الاثاث وين احطه ؟

الله يجزاك خير ويجعله في موازين حسناتك