قاعدة تأثيثي .. عندك غرفة في بيتك محتارة فيها .. ادخلي وانا اساعدك

****لله بس اصور صالتي احطها عندك تعطيني افكار

السلام عليكم
اختي انا طالعه هاليومين ان شاء الله افصل مطبخ ممكن تفديني بنصايح في اللون والموديل ووش افضل في الرخام طبيعي ولاصناعي والمطبخ المونيوم ولاخشب اي نصيحة ممكن تفديني
وياليت تردي بسرعه الله يجزاك خير لاني مضطرة اطلع هاليومين مااقدر اتأخر
وفقك الله لمايحبه ويرضاه في الدنيا والاخرة

السلام عليكم ورحمة الله
الله يجزاك خير ويسعدك دنيا واخر على جهودك ووقفتك مع اخواتك
حبيبتي ودي اغير تغير جذري بالصاله وخاطري في اسود رمادي احمر ينفع تكون مع بعض بيكون البويه رمادي وجدار التلفزيون مقلم بنفس الالون
الكنب راح يكون رمادي اغمق من من درجة البويه والخداديات احمر اسود ومشجر بالالون الثلاثه السراميك ايش يكون؟ اعطيني رايك
كمان غرفتنا يالبنات خاطري في رمادي فوشي تفاحي جدار مقلم والباقي تكون تفاحي والاثاث فوشي والستاره تكون فوشي فيها نقش تفاحي ورمادي ايش رايك ؟
:26:

صبــاح / مساء الخير..
1- عزيزتي ترنيمه فديتك عندي صاله بلدور الثاني وبتكون هي جلستنا ودي اسويها وش تقترحين علي وانا بنفسي اسوي صاله متصله مودرن وبسيط مو مكلف وع شكل L وش رايك بالموديل اذا عندك صور لجلسات عضوات وتقترحين زيها علي والالوان وقياسات الجلسه وستاير خاش براسي الرمادي الغامق وش رايك وش ادخل عليه واذا عندك خيار ثاني قوليه ..
2- بسوي مقلطي تحت( مساند) وخاطري بالبنفسجي الغامق ع الفاتح قلت بخلي المساند بنفسجي مشجر مع الغامق والفاتح وخليه المراكي مقلم وسويت الثلاث خداديات مرميه بالمقلط (ع وجهين بنفسجي ساده وجه الي ورى مقلم) وبخلي الستار بتكون على جهتين الجهه الي يسار بنفسجي شمواه ساده والجهه اليمين بخليها من قماش المساند مشجر ودخلت عليه خلفيه ذهبي باهت لان الجلسه فيها ذهبي شوي بس
وش رايك وش اخلي الموكيت الارضيه لو نه بسويه{ فرش} والستاره رايك حلوه ولا وش اسويها
*** علما ان بيتي بويته اف وايت
وترى للحين ماسويت شي يعني اذا بتقترحين اي شي عادي

ودمتي بكل حب ..