•·.·°¯`·.·• يوميات تجمع رجيم أسامه حمدي •·.·°¯`·.·•

السلام عليكم ورحمة الله
الي كم يوم ما فتت لهون بسبب ظروف خاصة ولس عم اقرا الصفحات اللي قبل
اضطريت عيد الاسبوع الاول من جديد هالاسبوع ولهلا الحمد لله كل شي تمام
مشان شوي اللحمة
انا بجيب ورق المنيوم بحط طبقة شرائح بطاطا وفوقها ستيك لحمة وفوق الستيك شرايح بصل
وبكون متبلة الستيك بخل وليمون واي بهارات بحبها
وبحطها بالفرق شي ساعة تقريبا
وطعمها جيد بس طبعا ما باكل البطاطا بتكون حصة ابني الله يحميه
وبس
الله يقدرنا نكمل يا رب
كل ما اجي بدي قيس وزني ما بتشجع خايفة انصدم
بس هالمرة الحمد لله متشجعة كتير عالريجيم وان شاء الله بوصل لوزني المثالي 58
انا هلا بجدود ال 85
على فكرة في برنامج رياضة لمدة 3 اشهر بس المدرب بيوعد انه الجسم بيرجع تحفة بكون مشدود ونحيف
اسم البرنامج power 90
اهوي مقسم لكل يوم مجموعة تمارين وبتتكرر بنمط معين


اليوم انا فطرت بيضة وبرتقالة ما فيني اتحمل اكتر من بيضة واحدة
الغدا كان دجاج مشوي بالفرن مع برتقالة وطماطم
العشا اكلت بيضة وحدة وبرتقالة وخيار
الله ينحفنا جميعا على خير يا رب

عندي سؤال
هلا لو جعت كتير بين الغدا والعشا مثلا وما اكلت بتصير مشكلة ولا عادي.؟
يعني لازم لما اجوع اكل خيار وا خس او ممكن اتحمل ويمشي الحال عادي
خايفة يكون اله تاثير على حرق الدهون
شو رايكم

السلام عليكم

توني افطرت بيضتين عيون ونص برتقااله وجالسه اشرب كووفي

وبعدين اوافيكم بيومي بالصور