شاركي في النقاش

سجلي الدخول لإضافة تعليق.

التعليقات

2,689
  1. @am_zoma

    مهاااااااااااااااااااا
    شيش طاووق ومحشى وبيتزا يجننوا
    تحفففففففففففففففففففففة
    جوعتينى والله
    تسلم ايديكى وعينيكى وماتبخليش علينا بالحاجات الجميلة دى
  2. ام العلاء جزاكى الله خير على الدعاء ومليسيا وكهرمانة ماتحرمنش منكم ابدا ومن كل اللى دعو لسارة بنتى
    ابلة دينا انا مستنية تلاقيلى حاجة اعملها فى الملف الجديد ومانتحرمش منك ابدا
    سماح فين التواقة للخير وحشتنى اوى يارب يكون المانع خير وترجع بسرعة
    ام حازم ماشاء الله عليكى بتفيدى الكل والله ومابتتاخرى على حد جزاكى الله خير الجزاء احبكم فى الله
  3. @am_zoma

    بسكوت الينسون
    انا عملته فى الخلاط
    الاول حطيت 4 بيضات ضربتهم شوية ومعاهم الفانيليا
    وبعدين كوباية سكر وضربت شوية وبعدين ربع كوباية زيت ومعلقتين ينسون ونضرب
    نخلت كوبايتين ونصف دقيق ومعلقة كبيرة بيكنج بودر ونزلت عليهم بخليط البيض وقلبت بمعلقة بيكون قوامه تقيل
    ودهنت صينية كبيرة بالزبدة ورشيت دقيق ونزلت بالخليط وساويته بايدى بقيت ابلها مياه واساوى
    وبعدين دخلتها فرن سخن ولما استوى سيبته يهدا شوية وقطعته صوابع بالطول والعرض ودخلته الفرن تانى شوية

    بسكوت البرتقال
    تقريبا نفس المقادير مع اختلافات بسيطة
    برتقالة نبشرها او ممكن بمقشرة البطاطس نقشر طبقة خفيفة والطريقة دى احسن
    وبعدين نقشر البرتقالة ونقطعها ونحطها فى الخلاط مع البشر اوالقشر اللى عملناه بالمقشرة ونضربها كويس
    وبعدين حطيت 3 بيضات والفانيليا وضربت شوية وبعدين السكر كوباية ونضرب وبعدين تلت كوباية زيت
    ونخلت كوبايتين ونص دقيق وعليهم معلقة بودر وكملت بنفس طريقة بسكوت الينسون

    واى استفسار انا تحت امرك

    واسفة على التاخير النت تقيل اوى ومش مظبوط خالص

تابعي تجارب أخرى من هذا القسم.