سلسلة العناية ..3.. تفتيح المنطقة الحساسة, الهالات السوداء و مناطق الجسم المختلفة

عزيزتي وصلتني رسالتك على الخاص من غير صورة ..منتظرة الصورة

عزيزتي شبابيه

أي شئ بيدخل الجسم حتى لو قرص مسكن له ضرر وله فايدة

وبتتفاوت درجة الفايدة والضرر بين كل منتج والآخر

يعني قرص المسكن بنستخدمه للضرورة لرفع ضرر وهو الألم

هل أضراره ممكن تحملها علشان نسكن الألم الشديد دا؟ اه ممكن

وهكذا

فالأدوية بتستخدم وقت الضرورة لدفع ضرر

فمثلا المنطقة الحساسة طبيعتها بتكون أسمر من الجسم دا طبيعي

لكن..

لو الإسمرار زاد عن الطبيعي لطريقة غير مقبولة؟؟ يبقى لازم نساعد بعلاج علشان نوصل اللون للطبيعي تاني

والعلاج بيكون لفتره محدده يعني مثلا شهرين مافيش ضرر منهم

عموما كريمات التفتيح أقصي وقت استخدام ليها مسموح هو 6 شهور

لكن كل الدكاتره بيكتفوا بشهرين إلى 3 شهور ومافيش ضرر من الفتره دي

تاني شئ وهو إمتصاص الجلد لمادة الكريم دي وهل بتوصل للدم وبالتالي للكبد؟؟

ممكن دا يحصل في كريمات معينة وخصوصا إذا كانت على مساحة كبيره من الجسم أو لو هو عنده مرض بيسهل وصول الكريم من على الجلد للدم

فمادام الكريم على مساحة صغيره فبإذن الله مافيش منه مشاكل

والتجربة خير برهان

يعني مافيش حد استخدم العلاجات دي بنفس الطريقة اللي قلتهالك وحصلله ضرر

بالنسبة للعناية بالمنطقة الحساسة

عنايتك صحيحة جدا لأني مش بحب العناية المبالغ فيها

يعني زي مانتي بتعملي صح كبنت التغيير اليومي للملابس الداخلية وتنشيف الماء بإستمرار وطبعا ماننساش سنن الفطرة ونزع الشعر

فعنايتك ممتازة كبنت وكفايه جدا جدا ماتزوديش شئ عليها

عزيزتي دلوعه

شوفي بالنسبة للشامبو

تقريبا تركيب أنواع الشامبو المختلفة كله واحد وقريب جدا من بعض

مافيش فرق بينهم

وكلهم لازم يجففوا الشعر

فاختاري اي نوع شامبو ترتاحيله للشعر الجاف أو حتى شامبو أطفال

بس شوفي طريقة الإستخدام

تجيبي كمية شامبو حجم حبة البندقة الكبيره لو شعرك لحد كتفك مثلا

وتخلطي معاهم قليل من الماء يعني تخففيه وتحطيها على فروة راسك وتغسليها يعني تركزي على فروة الراس أكثر من تركيزك على الشعر نفسه

وبعدها تشطفيه كويس

وإما تكتفي بكدا

أو تعملي حمام كريم زي فاشكول مثلا دا ممتاز

وحمام الكريم بيتحط على الشعر فقط وليس فروة الرأس

وتشطفي شعرك بالماء

ثم تنشفي شعرك بفوطة وتتركيه يجف شويه ولازم لازم ترطبيه بحاجه زي >> تونيك فازلين الشفاف

أو نقطتين زيت لوز حلو تدلكيهم بين أصابعك وتمرري أصابعك بين شعرك

أو نوع سيروم بترتاحيله مثلا

كمية بسيطة والشعر رطب من أي حاجه بترتاحيلها كترطيب للشعر

لو حايه تعملي شعرك دوامة أو تلفيه طاقيه كنوع من الفرد ممكن وهو رطب

وبرنامج عناية للبشرة

شوفي الموضوع دا فيه نصايح بإذن الله تفيدك

http://forum.hawaaworld.com/showthread.php?t=2929185

مرطب حول العين

إما زيت لوز حلو وكبسولة فيتامين E تثقبيها وتاخدي الزيت اللي فيها وتخلطيه مع زيت اللوز الحلو وتدلكي بيه حول العين أو وجهك كله قبل النوم

وطول اليوم ممكن ترطبي بكريم بانثينول ممتاز مرتين باليوم

أولاي ماركة حلوه لكن مش بتناسب كل البشرات مادام ماناسبتكيش وقفيها

ماركة روك مش لسنك الآن لكن هي ممتازة للتجاعيد بس لما يكون فيه تجاعيد بالبشرة فسنك الآن مش محتاج الماركة دي

ماركة لوريال حلوه لكن ماجربتش أي حاجه منها للعناية بالبشرة مع أي مريضة فماشوفتش نتايجها على أي حد هل حلوه ولا لاء فماقدرش أفيدك

دكتوره شووو رايك بخلطه الدكتور جابر