سلسلة العناية ..3.. تفتيح المنطقة الحساسة, الهالات السوداء و مناطق الجسم المختلفة

دكتوووره ســــؤالي بصفحه 59 رديتي على بنات بعدي وأنا لااا:44: بليــــــــــــــز أنتظرك :26:

تقريبا خلطة الدكتور جابر هي

كريم أفالون + كريم ريتين A + كريم إلوكوم

الخلطة دي للكلف ممتازة وبتتخلط وقت الإستخدام فقط يعني نقطة من كل كريم وتنخلط

وتتحط مره ليلا لأن الكريمات دي ليها حساسية ضد الضوء فلازم تتحط ليلا

والصبح تغسليها وتحطي واقي من أشعة الشمس

أما لو للتفتيح فقط فمافيش داعي للتقشير اللي هو كريم ريتين A لأنه قاسي شويه على البشرة

وإلوكوم كمان مهدئ للإلتهاب ومالوش داعي مادام هانحذف الكريم المقشر اللي كان ممكن يسبب إلتهاب وحكة

أما لو للبقع فبتحطي الخليط 3 كريمات على البقع فقط بطرف إصبعك

معلش عزيزتي ماخدتش بالي إلا حالا ..أخذت بالي إني نسيت أسئلة بالصفحة السابقة فمعذرة مانتبهتش

عدم وجود شعر بالمنطقة الحساسة عادي مافيش منه ضرر سواء بالليزر أو بكريم

بس كريم ايه اللي بيمنع نمو الشعر نهائي؟؟ لأن للآن لم يعتمد كريم من قبل منظمة الصحة والدواء إنه بيمنع نمو الشعر

فلاتنخدعي بالدعايات

والليزر بيأخر نمو الشعر لكن مش بيمنعه نهائيا

بتحتاجي في أول كورس جلسات من 6 إلى 8 جلسات على حسب المكان

ثم كل سنة بتاخدي جلسة توكيدية لإستمرار إضعاف بصيلات الشعر

الليزر نتيجته بتكون ممتازة في المناطق اللي الشعر فيها سميك وأسود وغامق يعني زي شعر المنطقة الحساسة وشعر الإبطين

وكل ماكانت البشرة أفتح وأبيض كل ماكانت نتيجة الليزر أحسن وكل ماكانت الأضرار الجانبية أقل زي حروق الليزر

بس المشكلة تكشف العورات.. فإنتبهي لتكشف العورات عزيزتي

ومافيش مشكلة لو الشعر ماطلعش بالمنطقة تاني لأن فكرة عمل الليزر هي إضعاف عمل البصيلة فالبصيلة مش هاتشتغل ومش هاتطلع الشعره

عزيزتي أعتقد الحبوب سببها استخدام الموس

واستمرار الإسمرار أعتقد سببها زيت الجلسرين

لأن زيت الجلسرين حامي وقاسي شويه على البشره ولازم يستخدم بعد تخفيفه بماء ورد أو بماء

لكن لايستخدم مركز قاسي جدا على البشرة

وممكن يكون هو سبب إستمرار الإسمرار

وكمان استخدام الموس والحكه اللي بيسببها بتسبب حدوث إسمرار

استخدمي أفالون مره يوميا ليلا

ويوم استخدام الموس ادهني بعده بيوم كريم فيوسيكورت مرتين باليوم

علشان مايطلعش حبوب وعلشان يهدئ الحكة والحبوب

يعني تستخدمي الكريم حوالي 4 أيام أول لما تحسي بالحبوب والحكة بدت تظهر

وماتستخدميش الجليسرين إلا بعد تخفيف بماء أو ماء ورد

وبالنسبة للعناية أنا شايفه إنها كويسه جدا ومافيش أزيد من كدا

إلا لو متزوجة بيفضل إستخدام غسول للمنطقة الحساسة مره أسبوعيا أو مرتين بالأسبوع فقط

زي غسول كير فري مثلا أو زي ماتنصحك طبيبتك النسائية

لكن لو مش متزوجة فمافيش داعي تستخدمي شئ فقط تنشفي الماء بعد كل حمام أول أول

وسنن الفطرة وتغيري ملابسك الداخلية كل يوم وتلبسي ملابس قطنية ويفضل شورت

وشوفي الناصيح اللي ببداية الموضوع

جزانا وإياك عزيزتي

بالنسبة لكريمات التفتيح انتي بتحطي فقط على المنطقة اللي فيها إسمرار

وبتدلكيها كويس لحد ماتتشرب لازم كريمات التفتيح تدلكيها لحد مايتشربها الجلد

فمش هايكون فيه زيادة تخافي إنها تدخل بداخل فتحة المهبل

بعدين فيه نقطة هحاول أوضحهالك انتي لما بتحطي الكريم بتحطيه على الجلد وأي منطقة بتكون عباره عن جلد

لكن فيه مناطق بتكون مش زي الجلد وبتكون أقرب للأغشية فدي ماينفعش تحطي عليها الكريم وكمان تلتهب

فبالتالي مافيش كريم هايقرب من فتحة المهبل

فماتخافيش عزيزتي