ابي حل في خيانتي الزوجية
انا قصتي يمكن اهون من غيري وهي اني اكتشفت ان زوجي على علاقة مع وحدة وكل ما اواجهه ينكر الموضوع ويحلف حلف قوي ان ما له اي شي من هالمواضيع ، وجاني تلفون من وحدة تقول ان لها علاقة في زوجي وسكرت الخط وبعد ما بحثت في الهوية طلعت نفس الاسم اللي كنت شاكة فيها ، وطبعا واجهته ونفس الشي نكر وخل وسطاء في الموضوع خوف من اني اتركه واهد البيت والعيال . لكن الصدمة الكبيرة انها اتصلت فيني وقالت تبي تقابلني ويوم قابلتها عطتني ورقة عقد زواجها من زوجي لمدة 7 شهور وخلعها . يا بنات ما اقدر اعبر لكم شنو كان شعوري حسيت اني ودي اصحى من كابوس والمعروف عنها انها سيئة السمعة جدا جدا جدا . خلاص اني الموقف ما يحتاج الى انكار اعترف وراسه طايح في الارض ، المهم انه اعتذر واعتذر واعتذر وانها نزوة والموقف اجبره على الزواج وطبعا السبب هم اصدقاء السوء لاني اعرف ان زوجي اشرف من الشرف وهذي شهادة الجميع ولكن لا حولا ولا قوة الا بالله منهم . المهههههههههههههههههههم في مشكلتي الحين اني احس في شي كبيييييييييير انكسر في قلبي ومو عارفة اشلون اتعامل معاه لان الوضع دائما في مخيلتي خاصة اني انسانة متحملة كل مسؤليات البيت والعمل والعيال والمشكلة اني مو قادرة اتحمل منه اي انتقاد او اي تعليق والمشكلة اللي اكبر منها احس ان ثقتي في نفسي قلت امامه ، بلين بنات ابي حل يرجع حياتي الزوجية الى وضعها الطبيعي لان الفتور اللي بينا قاتل جدا وانا مو قادرة اغير اي شئ . الرجا ابي حل .