عندي مشكله

خواتي انا لي اكثر من 15 سنه متزوجه وكانت بداية زواجي قاسيه لدرجه ماحد يتخيلها
كان زوجي جاف جدا وحريص على المال ويأذيني نفسياً
وانا كنت بعمر 16 سنه ومتغربه عن اهلي
اللحين زوجي تعدل كثير وصار كريم على
لكن
وهذه شي المشكله اللى بكلمكم عنها
ان قلبي شايل
وشايل بقوه
لدرجة اني صرت اغصب نفسي على شكره ومجاملته اذا سوا شي كويس معي
بس شويه وانا اجرحه باي شي
والشي الثاني اذكره بين فتره والثانيه باللى سواه
وكمان ما اطيق اسمع كلامه وحديثه اتضايق احس كلامه ثقيل على قلبي بدرجه لاتحتمل حتى لو في السياسه في اي شي
والله ما ابغى اقول اكرهه
لكن مجروحه مجروحه
وبيني وبينكم احس اني ابيه يطبطب على يضمني
احس انه لازم يسوي شي ينسيني اللى سواه فيني واحيانا اخبره بكذا ولاحياة لمن تنادي
كل يوم والثاني اذكر
كيف كان يقولي ما احب انام جنب احد (وانا عروس في اول شهر )وينام بعيد
كيف اني ما اذكر يوم هو بدا يتقرب مني (وانا هبلاكنت انا دايم اللى اقرب منه )
كيف عيشني بدون تلفزيون
كيف شال الصفر عشان ما اكلم اهلي هم بس اللى يتصلون
اذكر كيف يوم يقولي مو كل عيون كبيره حلوه (لان عيوني كبيره بس حلوه بشهاده الجميع )
كيف خلاني ثلاث سنيين استعمل مانع غصب عني
كيف كان يرفض نتعالج عشان الحمل
كبف كان مايخليني اروح عند اهلي الا بطلوع الروح
كيف كنت ابكي يوميا قبل النوم واول ما اصحى وبعد كل صلاه وبعد مايخرج الى الشغل وفي كل مره اتزين فيها ومتأكده اني لو عند جبل كان التفت لي وهو ولا يعبرني بنظره
اذكر لما حملت بعد سنيين مافرحلي وبالعكس جاته ردت فعل غريبه نفور زايد واكتئاب وزعل متواصل
كيف وانا حامل في السادس لما بكيت وبكيت من صده وجتني تشنجات في بطني وضيق نفس صرخ على وقال ايش اسويلك
وطلب سياره اسعاف وخلاهم يدخلون على وهو مو معاهم مايبغى يشوفني
والممرضه تقول للممرضيين الثانيين فين الزوج يقولها ايش تبغين انا برى
وانا ابكي تسأله ايش فيها يقول ما ادري اسأليها الين ما طردتهم كلهم وبكيت بكيت لين نمت
اتذكر كثيير اشياء
واشوفه اللحين طيب معاي بس طبعا مايقربني احيانا لمدة اربعه شهور بس يسولف وماهو صاد ويضحك معي ويقول انتي غاليه على
انا طبعا تغييرت كثيير
جامده معاه ولا اقدر انام معاه في غرفه وحده
صح متصالحين ونسولف ونخرج لكن في قلبي كثير
وهو بدا يعاتب على الحقد اللى احاول اخفيه وماني قادره الا مايطلع
اشوف الحزن في وجهه واتضايق من داخلي
لكن في شي داخلي يقول ذوق من المر اللى ذوقتني اياه
لاتقولولي انسي والله سويت المستحيل عشان انسى حتى دكتوره نفسيه رحت
خايفه اقول اكرهه
استحي اقول اكرهه
وهو اللحين مغرقني بخيره (ماديا فقط )
ما اكذب عليه وعاطفيا نوعا ما احسن من اول
يعني يمدحني احيانا ويقول صبرتي على
لكن احس ماعرف يكفر حتى عن بعض اللى سواه
والله فشله باين شكلي حاقده او شريره
امس بنتي سوت لعبه عائليه كل واحد يكتب للثاني شي في ورقه
كتبلي لاتظلين تحكميين على نفس الشخص بنفس الحكم يمكن يكون تغير
والله حزنت على حالنا
وقلت بفتح قلبي لخواتي اللى متابعتهم بشكل يومي لدرجه بنتي تقولي برسل لعالم حواء يطردونك عشان ما تقعدين على النت
المشكله بنتي 13 سنه دايم عتبانه على ابوها وانه كسول وما يطلع معنا وهو يقول ان مشاعرك انتقلت للبنت
اش رايكم ممكن ينفع معي اليوجا او الريكي او حتى التنويم المغناطيسي مع اني ما ادري وين يسوونه
واعتذر عن الاطاله
بس والله محتاجه اي كلمه

25 تعليق 3,298 مشاهدة

شاركي في النقاش

سجلي الدخول لإضافة تعليق.

التعليقات

24
  1. @shmsuns

    حاولي تنسين الماضي وطالعي في نص الكاس المليان مو الفاضي...............الحمد لله دامه حس بغلطه معك هذي اكبر نعمه........احسن من بعض الرجال الجدار يحس وهم لا...
  2. احمدي ربك إنه بدأ يتغير وعارف نفسه كيف كان غيره قاعد على قساوته ونشوفة طبعه وعمره مافكر يجامل حرمته أو يعتذر لها عن إساءاته ...لاويشوف نفسه إلى الان إنه محد مقدره..
  3. @am_alkhyr123

    صاحبة الموضوع
    مشكوره شمس
    ودي اقوله انتظر 15 سنه يعدين بنسى

    صرخة الحريه
    وانت صادقه المفروض احمد ربي وانا بالفعل احمده واشكره بس تتوقعين متى برجع طبيعيه او فيه شي اسويه عشان ارجع طبيعيه معاه واقدر انام في غرفة نومي
  4. @goryh_mnsyh

    مو انتي بس يالغلا اكثر الحريم كذا تصير لهم صدمات في اول زواجهم




    واذا تبين اوضحلك قصدي راسليني خاص باذن الله باساعدك

تابعي تجارب أخرى من هذا القسم.