(وعزتي وجلالي لأنصرنك ولو بعد حين)امنت بك ياربي فرأيت نصري بعيني

سبحان الله اقرا قصتك ومشابهه كثير من قصتي
وطريقة كلامك وسردك للموضوع قريب للقلب ؟؟الله يسخر لك زووجك ويبعد عنكم بنات الحرام
ويرزقكم بالذريه الصالحه الي تنسيك كل همومك:26:

سبحان الله وبحمده
لا أله الا الله
بجد ربنا كريم وقادر على كل شي أمنت بالله
أنا كانت ليه قصه برضو بس مش قصة خيانه مع زوجي لا سمح الله
قصه مع وحده من قريباتي بعطيكي بس بعض من أحداث القصه
بنت خالي الله يسلمك متزوجه واحد جدا جميل بس أخلاق زباله
وكنا كولنا في العيله نتعاطف معاها وسخ وحق حريم وكان مانعها من الناس
طبعا أنا الوحيده بالعيله الي كنت متزوجه واحد مش قبيلي وهما كولههوم ما خذين من نفس القبيله ولا من قرايبنا ولا من قبيله تانيه أنا لأ
شذيت عنهوم طيب
وبحكوم البيئه الي زوجي منها وطبايعهوم تختلف كوليا عننا
كانو قريباتي بيشوفو زوجي كيف بيدلعني وبيحترمني وما بيعمل حاجه حتى يستشيرني فيها وأغلبيتهوم كانو بيغارو أختي وهيا أختي كانت دايما تقول لزوجها شوف أختي كيف زوجها بيدلعها ويطلعو سوا السوق وبيروحو مطاعم كثيره مع بعض ولازم كل سنه نسافر خارج المملكه
طبعا أختي وضعها المادي أحسنا بكثير من وضعي المادي زوجها منصبو وراتبو أفضل بكثير من وضع زوجي
الحمدالله أنا بمعنى واضح مرتاحه ولله الحمد والشكر
أعوذ بالله من شر حاسد أذا حسد
طبعا وحده من بنات خالي الي زوجها دا الوسخ
كانت دايما تتناقر معاه وكانو بعض الاحيان بيجيبو في سيرتي
زي مثلا هوا بيقولها شوفي بنت عمتك كيف تعامل زوجها وكيف تطبخلو وشفتي سفرتها لمن روحنا عندها كيف نفسي تتعلمي زيها
طبعا الاخ عندو أخواتو أكبر منو 5بنات وتحتو 3بنات وهوا الوحيد وبيحب هرج الحريم ونسونجي مره
كان ساعات بيسأل أخواتو وبيقولهوم أصوفولي شكل الادميه دي ألي هيا أنا
طبعا العبيطات كانو بيوصفوني عندو
ومره من المرات أشتد الخلاف بينو هوا وزوجتو ألي هيا بنت خالي
وبعدين راح رماها في بيت أهلها جلست تقريبا 6أشهر عندهوم طبعا ومش عارف كيف يرقع ويرجعها ويلم الموضوع ألي أصلا أنا مش عارفه أيش هوا
وكان بيكرهني مره على بالو أنا بحرش بنت خالي بحكوم أنها كانت مره تحبني وتحب نتواصل كثير
طبعا أنا الوحيده الي كنت بواصلها من أخواتي
وهوا كان يحاول يمنعها كثير من أنها تزور قرايبها وحتى عند أهلها لمن يعرف أي أحد عندأهلها بغض النضر مين الي عندهوم كان مابيرضى يوديها بس كول يبغى يعزلها على الناس
طبعا بعد الفتره الي جلست فيها عند أهلها خلى أخواتو يكلموها وبيناصحوها دا أمر طبيعي ولاكن كانو بيقولولها أنو وحده من قريباتك لها علاقه بأخونا الي هوا زوجها وكانت توصلو أخبارك أول بأول
والوحده دي متزوجه وعندها أطفال ومن بنات عمتك
طبعا في البدايه ما أخذت الموضوع بجديه تعرف هيا تفكير زوجها الوسخ
لمن رجعتلو وتصالحت هيا وياه قلها هوا بنفسو أنو أنتي تصدقي قريباتك وتثقي فيهوم وتحبيهوم وهما ما بيحبوكي ولايتمنولك الخير ولاتسمعي لكلامهوم
يعلم الله أني حتى لمن كنت بتواصل معاها في الشهر مره أتصل على بيتها ولمن بعرف أنو في البيت جالس بعتذر منها وأقفل
وأذا قابلتها فقط في مناسبات أو عند أهلها طبعا مش شهرينا كل بعد 3شهور أو أكثر علشان عارفه أنو هوا مابيجيبها كثير عند أهلها
وعند أهلي وعندي ما كان بيخليها تجي حتى بيت خالتي الثانيه وعندي برضو خالي الثاني مابيخليها تروح عندهوم
زواجات قرايبنا يمنعاها تحضر فقط لقرايبو
المهم قبل ما ترجعلو بشهر تقريبا كان فيه مناسبة زواج أخوانها اليةهما أولاد خالي وحضرو أهل زوجها الزواج وكانو كتير بيشوفونا مع بعض في الحفله
طبعا راحو وصلول المعلومه دي أخواتو
بعد ما رجعت نفس الموال قلها أنو وحده من قريباتك متزوجه وكانت تدق عليه وتعطيني أخبارك أول بأول
واليوم الفلاني فين روحتي وفين خرجتي وأيش كونتي لابسه ومن ذا الكلام طبعا فتره مهيا كانت جالسه عند أهلها وحده من أخواتو كانت شبه يومي تدوق على بيت أهلها وتسأل عنها بيقولولها خرجت هنا راحت هنا
علشان كذا الوسخ كان بيعرف هيا غين كانت بتروح
طبعا هوا بس حابب يشككها فيه وتخرب علاقتنا
ووصلت أنها راحت تقول لأهلها أنو زوجها قلها في وحده من قرايبك كانت توصلي أخبارك وهيا متزوجه وتصير بنت عمتك ومعاها أولاد
طبعا بعد جلسه عائليه وتفكير في الشخصية الادميه دي مين تطلع ؟؟؟؟؟؟؟؟؟؟؟؟؟؟؟؟؟؟؟؟؟؟
خالي الحبيب وزوجتو المعفنه خرابة البيوت أصلا جدتي ما كانت تطيقها الله يرحمها وكانت دايما تدعي عليها بالشتات ويشتت شمل أولادها ويفرق ما بينها وبينهوم من نجاستها
طبعا خالي زي الخروف وراها
طبعا أستنتجو أنو دي الشخصيه هيا أنا!!!!!!!!!!!!!!!!!!!!
طبعا وبدأت الطامه الكبرى
أتصلو على أمي يقولولها بنتك فيها وفيها وقوليلها عيب تعمل كذا
طبعا مين ألي قلها أخوها العزيز سندها وذوخرها مالت عليه الامعه
المهم معليش بنات بس من كوثر الي بقلبي والقهر الي فيه والظلم شين
طبعا ما متي مسكينه عندها أمراض الدنيا والاخره أتصلت عليه معصبه ومتنرفزه المشكله مش بس دي الي أتهمتني ووحده من أخواتها سبحان الله ما بحبها خير شر وهيا نفس الشي ماتحبني وهاذي دوبها متزوجه جديد من ولد خالها
وقامت تأيد كلام أختها وتقول أيوه صح حتى أنا شفت في الاميل حق زوجي رساله منها يعني من البريد حقي شوف أوم الوقاحه والوساخه
المهم صار والوالده أتناقشت معايه وتفاهمت معاها وقالتلي كلمي خالك وأتفاهمي معاه ودافعي عن نفسك ولا تسمحيلهوم يهرجو فيكي أذا انتي واثقه من حالك
طبعا أنا جلست أكلم خالي يجي حول الثلاث ساعات علشان أيش الي صاير وليه زوج بنتو أتهمني كذا وليه الثانيه تقول أني أراسل زوجها بالاميل
المهم حاول يتهرب من الموضوع وقال أمك ليه تقول أنا بس حبيت أستفسر طبعا خالي نصحني ما أكبر الموضوع علشان أحنا قبايل ومعروف عندنا العادات القبليه لو ما ثبتو عليه ذا الكلام يجلس مجلس رجال وتجي فيها العوائل يجتمعو شيخ القريه الفلانيه وشيخ قريتهوم ويحكومو بالعدل بينهوم أذا أنا خلط كفيه الفضيحه حقتي غير ياخوذو الحق مني وأذا هما العكس نفس الشيء يصير أو ممنك أرفعها للقضاء ويتجلد
طبعا خالي خاف أنو يتدخلو أخواني بالموضوع أو زوجي
فساير يقولي وأنا بسمع زوجتو جنبو تحرشو المحرشه
قولها لا تروح تهرج تفضح نفسها وهوا رجال ما بيعيبو شي
وهيا لو أتكلمت راح تخلي العيون عليها والناس تشوك فيها_للأسف صح كلامها لو بالبنت تبغى تعمل كذا الناس ماتوقف معاها بيشككو فيها
ولا ممكن يزيدو على الكلام بعد
ألعن أوم الحاله الي أحنا فيها مجتمع وسخ
المهم زوجي عرف وأخواني عرفو طبعا كبرت السالفه وصارو أخواني تصلو على خالي ويقولولو نبخى زوج بنتك هذا أعطينا عنوانو ولا أعطينا رقمو نبغى نروح نتفاهم معاه
طبعا زوجي أتصل على الراجل الي هوا زوج بنت خالي
وكلمو طبعا الرجال أنكر كول الكلام وحلف أنو ما أتكلم فيه بأي شيء بطال طبعا زوجي بيكلمو أسبيكر بالجوال وأنا مره كنت بكلم برضو خالي علشان أتصل عليه وقلي ليشتقولي لأخوانك أتصلو عليه ومن الكلام دا
علشان كدا زوجي أتفرس وأتصل على زوج بنتو وخلال أنا جالسه بكلم خالي تلفون زوجي بيكلم زوج بنت خالي بالجوال وفاتح الاسبيكر
طبعا سمعت خالي كلام زوج بنتو وأنكر بشده أنو جاب سيرتي أو نطق بأسمي وسار بيدافع فوقها عليه وبيقول لزوجي أنتى متزوج أختي دي الي عندك علشان أنا وهوا من نفس القبيله وزوجي طبعا مش قبيلي
وسار يبين لزوجي أنو هوا حريص على سمعتي
وطبعا خالي سامع الكلام كلو
قولتلو ها أيش رايك ياخالي زوج بنتك فشلكوم وحاطط الغلط دحين منكوم بس المفروض بناتك عندهوم سواليف كان أتصلو عليه وأتناقشو معايه بدل ما وصلوها ليك وأنت تقهر أومي وتزعلها وفي الاخر جاي تغلطني وتقول ليش أخوانك بيقول كذا وكذا وفي الاخر الغلط ركبكوم
لكن ربي قادر على كول شيء أذا أنا غلط في حق بناتك ربي ينصوركوم عليه وأذا أنتو ظلمتوني وأتهمتوني في شرفي
فأسأل الي عينو ماتنام والي قال دعوة المظلوم ماتورد أنا راح أدعي على بناتك بأن ربي مايوفقهوم في حياتهوم الزوجه مع رجالهوم وعندهوم بنات وأولاد ربي يجعلني أسمع في بناتهوم بالي أتهموني بيه

والله العظيم يابنات ماكملت ال6 شهور بنت خالي مع زوجها
ألا وتطلقت بالثلاث الله هما لاشماته وأنا مانفسي أتشمت بس يوم سمعت الخبر فرحت فرح مش طبيعي ليه وليها في نفس الوقت
فرحت ليه علشان ربي نصرني عليهوم وأخذ بحقي منهوم
وفرحت ليها علشان زوجها كان جدا وسخ وماتستاهل تضحي وتكمل حياتها معاه
بس بنت خالي حست أنها ظلمتني وجات أعتذرتلي على ألي صدر منها والطامه الكبرى
لمن قولتلها ليش تصدقيه
قالتلي والله العظيم ما جاب أسمك بس سار يلمحلي أنو وحده من قرايبك ولمن أمي جلست معاها أنا وأخواتي نهرج رجحت أنو أنتي وبعدين قالتي لـبويه
يعني العيب من زوجة خالي الله لايسامحها لادونيا ولا أخره
والبنت الثانيه الي قالت أنو أنا براسل زوجها طبعا رجعت تقول أنا يمكن شفت الاميل بالغلط واحد من أصحابو أسم الاميل قريب من أسم أيميلك سارت ترقع في الاخر بس بعد أيه
بعد ما علمو نص قرايبي أنو أنا فعلتي وتركتي حتى هيا ماسلمت من دعاويه
وراح أدعي عليها لأا خر يوم في حياتي
علشان هيا ما جات وأعتذرتلي زي أختها شايفه نفسها صح
لمن قربت تولد بشهر سار الي فيبطنها ممهدد أنو بيطيح وأنا أدعي عليها أنو ربي ما يخليها تفرح في حياتها لا بزوج ولا بذوريه
معليش كولكوم راح تكرهوني بس من حرقة قلبي ماتعرفو قد أيش غدرو بيه وهذا شرف وسمعه
ولمن جات بتولد ما قدرت تولد طبيعي مع العلم ما كان عندها مشاكل أبدا بس قالولها مانقدر نولدك طبيعي وجلست قبل الولاده أسبوع بالمستشفى من كوثر مهيا مهدد حملها وبعد ولادتها بشهر وشويه لسى العمليه ما ألتأمت وعندها صديد بيطلع من محل العمليه ونزيف جلست حدود الشهرين عند أهلها حلتها مزفته
من جد دعوة المظلوم سبحان الله مجابه
سبحانك ربي ما أعدلك
معليش طولت عليكوم بس ذي قصه من القصص الكوثر الي موجوده بمجتمعنا
وبحب برضو من الاخوات ما أبغى وحده تنشرها نهائي
بس الحمد الله علاقتتي زاد بزوجي والدلع زاد أكثر والاهتمام برضو زادالله يخليلي زوجي ويحفظلي أولادي
ويستر علينا في الدنيا والاخره ولا يجعلنا من الظالمين
أستغفر الله وأتوب أليه

الله يجزاك خير الحمدلله ان ربي اخذ حقك والله لايحرمك ماتتنمي يارب ويعطيك حتى ترضين يارب


ياقلبي عليك ماالومك وربي كله الا الشرف والسمعه بس يااختي كنت اتمنى تدعي عليهم مااقولك لا بس بانصاف ادعي ان الله يذوقهم حر ماذقتي منهم من غير زياده ولا نقصان حتى مانكون تعدينا حدودنا بالدعاء ونكون ظالمات بدال مانكون مظلومات ادعي عليهم ان كانك مظلموه يذوقو ماذقتي منهم والحمد لله ان ربي نصرك عليهم

الله يجزاك خير ع قصتك فعلا روعه انك تشوفي نصرك الحمدلله والله لايجعلنا من الشامتين يارب ..:44:

حسبي الله ونعم الوكيل