الفتور والبرود في الحياة الزوجية ..احس حايمة كبدي من زوجي ..اللي جاها هالاحساس ولها ا
حياكم **** يااخواتي وصديقاتي...ارجو ان يكون النقاش صريح وبدون زبرقة ..اعتقد فهمتوني:09:وقبل ماابدا بموضوعي احب اتكلم عن شي لاحظتة بالموقع ولا تفهموني غلط..الاحظ كثير من الاخوات الصغيرات مستعجلات على الزواج وبعض الاخوات متازمات بسبب موضوع تاخر الحمل والزواج ..واحب اقول لهؤلاء الاخوات لالالالالالالاتتازمون بهذا الشكل ويصير هذا الموضوع كالعقدة او كالعيب اتمنى من كل بنت تعيش مع اهلها انها تنبسط وتغيش احلى ايامها في حضن امها وابوها لانها و**** ايام ماتتعوض حتى لو كانوا معك قاسين فهم ارحم من ولد الناس ..يازينهم ويازين قسوتهم ونصائحهم وملاحظتهم يااخواتي عيشوا حياتكم واطلعوا وروحوا وصادقوا قبل ماتجيكم المسؤلية والكرف فتصير حياتك ملك غيرك وتنسين نفسك بزحمة الحياة بين الزوج والعيال واهل الزوج...واللي تاخرحملها تتوكل على ربها ولايكون هذا الموضوع نهاية العالم وتعيش احلى فترة بحياتها بدون اطفال تسافر وتتسوق وتزور وتعزم وتعيش احلى ايام الرومانسية مع زوجها قبل مايجيها اللي يخليها تشيل فراشها وتطلع عن زوجها ...نجي عاد للموضوع الرئيسي للمتزوجات من فوق عشر سنوات مادري هل انا بس مليت من رجلي ولا هذة مرحلة يمر فيها الجميع ..احس مليت من الروتين اليومي منذ سنين وتحسين مافية احد حولك ولا حتى زوجك ودك ترجعين حرة اوتجددين في حياتك تسافرين كم يوم انتي وابو العيال وتبعدين عن مسؤلية هالبيوت اللي هدت حيولنا وكبرتنا ونستنا انفسنا هم تربية ومتابعة مراهقين وتدريس وملاهد شغالات ومسؤلية مقاضي ...يقولك اخطر سنين الزواج حسب دراسة اجريت هي السنة الاولى والسابعة والعشرين فهنا تبلغ المشاكل ذروتها ..مادري بعد الرجال يصيبهم برود رهيب احس انهم رجال اليين مبرمجين ..دوام \تقييل\ تقهوي \ تلفزيون مباريات واخبار \ عشاء \نوم\ملللللللللللل وحنا الامهات **** يخلف علينا ياندرس ولا بالمطبخ ولانتقظى للبيت ونرتب في هالبيوت ونتابع هالشغالات الخ ولكن الى متى ماادري ..ارجو اذا كان فية احد عندة اقتراحات وافكار للتجديد تعطينا منها ولاتبخل علينا ورجاء لاتقولي وحدة غيري مكان السرير ولا ولعي شموع لانها صارت قديمة ..