لاحقو علي قبل يوم الاحد

مساكم ورد بنوتات..
الله لايهينكم ابي تردون علي بحكمه وشوي عقلانيه...

صايرت لي سالفه مع زوجي ومرررررررره قهررررررررررني


يوم الاربعاء صار بيني وبين زوجي شوي تتش لاني رفضت اسوي شي وهو من حقي

طبعا بوقتها هو مااجبرني ولاشي بس زعل مني وطلع...

المهم
طنشت الموضوع ومن بكرا ارضيته وصار تمام الوضع الا شوي..
المهم

اليوم رحنا عند اخته وقالت لي وش بينك وبينه قلت ليه
قالت انه مشتكيك عند امي وان اغلاطي كثيره واخطاي اكثر واني مزعجه وطلباتي كثيره...
وان لاصار موجود بالبيت مااتركه بلحاله على طول طول الوقت جنبه واني لازم اطلع معه لاي مكان ومن الاشياء التافهه يعني وصل لاهله اني مقصره بحقه.. امه قالت لاخته اخته هاذي احبها وعادي ارتاح لها لكن خوفي انها تقولها لاخواته الثانيات خواته ماشاالله 7 وانا ماابي تكبر السالفه والكلام وهم من طبعهم عادي مشكلة الواحد يعرفووون عنها كلهم
وبنفس الوقت هو اول ايام زوجنا نبهني بانه اي سالفه تصير بيننا مااتطلع برا ابد ابد..

والقهر الاكبر لاسالته بخاطرك شي علي راضي علي يقول ايه واوقات يقولي انتي اخطك كثيره ولاسالته وش سكت وقالي انتي اعرفيها واهم شي عنده اذاايه يعني ايه واذا لا يعني لا.. وللعلم انا توني عروس لي 4شهور معه وتعتبر هاذي اول سالفه بيني وبينه وابي يكون قراري ووضعي معه شوي جازم عشان ماتتكرر
وبنفس الوقت نبهتني اني اهتم شوي بوضعي معه ووبعد قالت اسالي امي الي هي ام زوجي يعني خالتي اساليه ومن هالكلام ..

انا مااحب مشاكل ولاشي حتى يوم قلت لها لا ماابي مشاكل ولاشي حتى ماراح اقوله

هاوشتني >>بس باسلوب
قالت لي لا ياغبيه ليه تسكتين عن حقك لازم تتكلمين موب كل شي يصير فوق راسك
انا الى الان ساكته وقالي يوم الاحد بيعزم امه واخته عالغداء
وخايفه ينفتح الموضوع وانا من النوع الي مااحب اهاجم ولاشي بعكسهم تماما وش اسوي الله يرضى عليكم..
للعلم زوجي عصبي جدا
بس طيب وكلمه توديه وكلمه تجيبه..

الله يوفقكم

ردو لي والله انا خايفه وبنفس الوقت احس الموضوع ماايستاهل

وودي افتح الموضوع بكرا..معه وانهي السالفه وبس..
ابي رايكم

46 تعليق 4,887 مشاهدة

شاركي في النقاش

سجلي الدخول لإضافة تعليق.

التعليقات

45
  1. @hyaty_aaalmy

    مادام انك انتي ما اخطأت في شئ ليه القلق تصرفي معهم عادي ولا كأن شئ صار وخليك واثقه من نفسك وأن فتحوا الموضوع قولي هذا شئ بيني وبين زوجي ومااحب احد يتدخل في حياتنا لانك لو اخذتي وجبتي معهم في الموضوع راح يتعودون يتدخلون في صغيره والكبيره الله يساعدك
  2. الله يعينك بس المشاكل لايطلع بره وانتي توك عروس 4 شهور لازم مشاكل اول سنه لان الواحد مايعرف طبع الثاني الله يوفقكم
  3. @naanaaah_2011

    استغفرالله العظيم (بس لو انه انا مااسكت اكلمه وافتح معه الموضوع بكل هدوء قبل يوم الاحد)ان شاء الله البنات يفيدونك
  4. @alarshyf

    انا رايي تتكلمي معه وتراضيه وتقولي له بسلوب حلو انا مابغا مشكلنا تطلع بعد اليوم قدام حتى لو كانت امك اوامي ونصيحه لك هذي اول سنه من زواجكم ان عدت عدت وانتي خليك قريبه منه وحاولي تفهميه علشان ماتخسريه ومهما كبرت بينكم المشاكل لا تطلع من بينكم والله اني اعرف لك وحده تحب زوجها وتموت فيه بس اول سنه من زواجهم واول مشكله صادفتها قالته لامها وكبرت المشكله وجلست عند اهلها حوالي سته اشهر ووصلت الى الطلاق بس بعد ها ماصارت تقول لاحد جات لها فصله ولهم الحين 5 سنوات وماشاء الله حياتهم تمام
    نصيحه مشاكلكم مهما كبرت خليه بينكم وابغا دعواتك

تابعي تجارب أخرى من هذا القسم.