. . . . . . . . . . . . . . . . . ( آلصبرُ آلجميلْ ) !

....................
البارت االثاني
...............
غيداء – بإستغراب -: أي تفضل ؟
فزاع : تعرفين أحد يقرب لك أسسمه فهد
غيداء : مدري
فزاع – بحيره - : كيف ماتدرين ؟
غيداء – مالها خلق - : أقولك ما أعرف وبس
فزاع – على اصراره - : طيب أمممم اللي جابك أبوك
غيداء : ايه
فزاع : طيب أمك اللي جت قبل شوي ؟
غيداء : ايه
فزاع : متأكدة ؟
غيداء : هيه أنت ليــش
بس تسأل ؟
فزاع : هاه لا خلاص كنت أحسبك تقربين لواحد وبس
غيداء – بضيق - : هفففف أصلا واضح أنك دكتور فاشل (باين أنه صغير ) ولا شدخلك فيني !

فزاع بينُه وبين نفسُه ..
خييرِ وين تقولي فاشل ؟ إيييه أستاهل أصلاً أنا كثرت أسئله وهي صادقه وش دخلي فيها هي مجرد مريضه عندي لا أكثر ولا أقل
.....

وِستظلُ غيداء كمآ عرفتمُوها تلكَ آلفتآة آلقوّيه
صآحبةةَ . . . . . ( آللسآنَ آلطوِيل ) بشهآدة آلجميْع :p

.....
فهد كان جالس بمكتبه
فاضي وقال بنفسه : خلني أدق على فزاع
يمكن يكون فاضي واشوفه

فهد : أهليين فزاع وينك ؟
فزاع : وين يعني بالمستشفى
فزاع : آها , خلاص تراي بعد شوي بجي
لك اذا فاضي
فزاع: وأنا أنتظرك
بس اللحين بروح لمريض شوي وأجي لك
فهد : طيب
......................

في بيت آخر

بدرية : يالله يسمومتيّ
مورايحة معنا ؟؟
ياسمين – مستغربة -: لوين ؟
بدرية : خالك خالد اليوم بيرجعون
للشرقية مو مودعتهم !!
ياسمين : أيه صح نسسيت
بدرية : لا زين تذكرتي
ياسمين – مستعجلة : يالله ماما ترا الوقت من ذهب
بوودع بيداء فديتها
بدرية : ماقلت شيء يالله
...................
( بدرية )
عيالها
ياسمين : عمرها 18 صديقة بيداء دايم مقالب و خطط خبلة مثل مثلها
وليد : عمره 8 سنوات
.................
فهد : لوسمحت ؟
موظف الرسيبشن ( آلإستقبآل ) : هلا
فهد : أممم وين دكتور فزاع ؟
موظف الرسيبشن : دكتور فزاع عند أحد المرضى
فهد : طيب تعرف أي وحده هو فيها
موظف الرسبشن : أعتقد عندَ غُرفة 153 .. (يأشر على غرفة غيداء )
فهد : أي مشكوور
موظف الرسيبشن : العفوو
..............

فهد فتح الباب بكل قوته
يبغي يسوي سبرايز لفزاع
>> ليتنا بدون مفاجئاتك خخخ
فهد - يحرك راسه يمين ويسار يدور فزاع -:....................
غيداء : هيه أنت
فهد – برسمية - : نعم
غيداء – بعصبيّه - : هيه إنت خيير ! ليه مآ طقيت آلبآب ؟
فهد : لو سمحتي إحترمي نفسسك أنا دكتور
غيداء : إرحمني يا فيثاغورس , طيّب دكتور وبعدين ؟ آلظآهر إنك من قوم هذا الفاشل (تقصد دكتُورهآ فزاع )
فهد : أقول بسَ إسكتي وإقصري آلشر ! قبل شوي ماجاء هينا الدكتور فزاع ؟
غيداء – بملل- : الفاشل قبل شوي طلع
فهد : أقول أحترمي نفسسك فاشل بعينك ! يكفيك إسمُه قبل يكتبُونه يحطّون قبله د !!
غيداء – ملل - : لو سمحت أدِّب نفسك لا أأدبك أنا
فهد : مابقا الا بنت كبر أختي الصغيرة تأدبني
غيداء – تبغى تفتك - : أحترم نفسسك خلاص روح فزاعوه الفاشل
قبل شوي طلع إنت وش تبغى ؟!

فهد طلع وسّكر الباب بقوة من دون مايرد عليهها
...............
في بيت الجدة " عائشة
بيداء –بضيقة- : ياسمين بشتااق لك كثير
ياسمين : يوه ليش تروحون باقي الأجازة ما خلصّت
بيداء : مدري أبوي وشغله
ياسمين – طلع عند راسها المصباح - : اقول عندي فكرره
بيداء – بحمآس - : وشش هي ؟
ياسمين : وش رايك تجلسين عندنا
بيداء – بيأس - : ومن يرجعني , فهد ومو فاضي
ياسمين : ماقلت فهد , حنا ان شاء الله
بنروح نغير جو بالشرقية قريب وش رايك ترجعين معنا واللحين تجلسين
بيداء : صدق فكره موب شينة خلاص أقول لأبوي وأشوف وش يقول
ياسمين –بحمّآس - : بسسرعه طيب


............

في المستشفى

فهد : أهليين مابغيت ألقاك
فزاع – بتعب من الشغل - : هههههههههههههههههههههه ليش وين رحت ؟
فهد- يأشر على غرفة غيداء وهو مكّشر – : رحت هنا بغيت أمووت أعوذ بالله
فزاع – بضحكه - : هههههههههههههههههههههه صادق والله لسانها ما في أطول منه
فهد : أنا سألتها وين الدكتور فزاع قالت – ينعّم صوته يقلّدهآ - الفاشل قبل شوي طلع
فزاع : ياخي هذي البنت غريبة الله يعيني عليها بس !!
فهد : آمين أنا أشهد أنها قلق
فزاع – بتفكير - : عاد أنها فيها منك شوي
فهد : ههههههههههههه فال الله ولا فالك ياخي , فيها منّي كيف يعني ؟
فزاع : نفس العايلة
فهد – مستغرب – : نفس عايلة مين ؟
فزاع – بضحكه - : شفيك إنت فهيّت , عآيلتك إنت يآ أبوي !
فهد : طيب وش أسم أبوها وأسمها ؟
فزاع : أسمهها غيداء وأبوها عبدالرحمن
فهد – إستغرب - : طيب هو حي ؟
فزاع : مدري عنّه بعد ! لكني أشوف حرمة ورجل دايم يزورونها
اتوقع انهم امها وابوها , ليش وش جاء ببالك ؟
فهد : لا بس لأنه عمي الله يرحمه – تنهد - نفس
الأسم وكان عنده بنت أسمها غيداء
فزاع – مستغرب - : طيب مو أنت تقول أنها مايته ؟ هي وأبوها وأمها؟
فهد : الا
فزاع : خلاص , كيف يعني تصير السالفه إشآعه مثلا ؟
على كلامك إنها مايته أجل أكيد تشآبٌه أسمآء
وبعدين أبوهآ هو آلليَ جآبها –بضحكه - طلع من قبرُه وجآبهآ مثلاُ ؟
فهد – بضحكه - : مآدري عنُه , وحنا وش دخلنا فيهآ بعد !
فزاع : صادق والله بس أنا أقول أسئل جدك وأبوك يمكن تلقى أجوبه
تفسسر ولا أسأل أبو غيداء , لأني أحس إسم غيداء غريب شوي معقوله بيصير تشابُه نفس الإسم والأب والعآيله
فهد : ان شاء الله بعدين , أصلا أنا أخذت رقمه تعرف اللقافة وش تسوي , الا وش أخبارك أنت وأخبار أهلك ؟
فزاع : هههههههههههههههههه أهم شيء التصريفه ابشرك الحمدلله كلنا بخير , أنت وش أخبار أهلك سافروا ؟
فهد : بخير الحمدلله , ايه أمس راحوا
فزاع : راحو أمسس ؟
فهد – بملل - : ايه , ماخلو الا بيداء النششبة
فزاع : ليش ماراحت معهم ؟
فهد : الأسبوع اللي راح جاء أبوي
وقال رجل عمتي بدرية أنهم هم بيرحون للشرقية
وبيرجعونها معهم , واللحين بالبيت وياسمين معها
الله يعينني عليهُم إذا إجتمعوا
فزاع : آها
..........

جوال فهد يدق
فهد أخذ جواله وشاف الشاشة وابتسم – بملل - : ابن الحلال عند طاريه
فزاع – مات ضحك علىا شكله - : ههههههههههههههههههه شكل أذنها حكتها عرفت أنه في أحد يتكلم عنها
فهد : هههههههههههههههههه
فهد : يالله هي الظاهر بس جاية عشان تقلقني !
فزاع : هع وراه ؟
فهد – يقلد صوت بيداء - : حبييبي فهيييدان أنا جوعآآآنه ترضى على إختتتتك تمموت من الججوع ؟ حرااام علييك ! بعععد ماترجع من الدوااام بليييز جب لييي ثلاااث وجبآت من مآكك ويسمُونتي تبغغغى وحدة
فزاع – مات من الضحك على إسلُوبه :هههههههههههههههههههههههههههههه يا هذي البنت نفسي أشوفها أحسّها برميل من كثر ما تكلمّك تبغى وجبات !
فهد – بضحكه - : ههههههههههههههههههه برميل مرّه وحده لالا وين
هي صح ماشاء الله تاكل كثير بس أنها نحيفة مادري وين يروح أكلها
فزاع : يمكن تسسوي رياضة ؟
فهد – بضحكه - : أما بيدآء ورياضه !! لا وين أنا أعرفها زيين تكره شيء أسمه رياضة
فزاع : صح مير وش أخبار جدك ماجاء من السفر ؟
فهد : لا , لو تشوف جدتي مرره فاقدته
فزاع – بضحكه - : ما يمديني على العاشقه الولهآنه
فهد : لا هو دايم يجلسس معها واللحين مو موجود , وبعدين حدّك تراها جدتيي
فزاع : الله يعين , إنت أجلس معها ووسع صدرها
فهد : ايه هذاني أغلب وقتي معها
فزاع : ايه أعرفك ماتقصر
...................
بتكلم لكم عن فزاع :
فزاع إنسان طيّب ويحب آلخير ل آلنآس
دآيم مٌبتسم رغم حيآتُه آلصعبة آلليْ يعيّشهآ !
من آلمستشفى ل آلبيت ومن آلبيتَ ل آلمستشفى ,
أبُوه مآت ب آلسرطآن آلله يكفينآ شرُّه من قبل كم سنة ,
فهٌو آلحيَن مسؤُول عن عآيلتُه ,
ومعتمديَن عليه بكلَ شيْ ,

...........
رجع فهد للبيت جدّتُه عائشة بصوتها المعروف : أنور البيت
بيداء – تركض لفهد - : أهلييييين مابغيت تجي أنا وياسمين جوعانين مرره -تناظر ايديه - فههههههوودي وين طلبي ؟
فهد –يضرب براسه- : يوه صح نسيت
بيداء : طيب بسسرعه روح خلاص موقادرة أتحمل جوعانه
عائشة – بأمر - : بيداء خلاص يمه الولد تعبآن و المطبخ مليان مو لازم من برا
بيداء –بملل - : بس ألذ اللي من برا
عائشة – بأمر - : أقول فهد ماعليك منها إرتآح لا تروح تراه البنت ماتعطا وجه
بيداء – بإحبآط - : يـــــــــــــمّه
فهد – بضحكه - : لآ آسف يُمه هذي إختي آلغآليه لو تزعل عليْنآ توّرطنآ , مارآح أخليْ بنفسك شي دآمك عندي
بيداء – بحيآ - : تسلم , فهييدآن ليش وجهك كذا ؟
فهد – يضحك كأنه دعآيه معجُون خخخخ - : بسم الله علي شوفي كأني آلقمر , وش فيني ؟
بيدآء : مآدري آللي تحت عيونك أسود ووجهك أصفر ومآدري فيك شي غريب
فهد : إييه أمس ما نمت بآلليل , وآليوم كلُّه كرف عآدي تعوّدنآ ,
بيداء – برحمه - : خلاص فهودي مو لازم تجيب لي شيء روح لغرفتك ونام
فهد - قام - : لا مخالف شكلك نفسسك فيها بس 10 دقايق وأنا عندك
ياسمين – قآطّه - : أما عشر دقايق مع زحمه الرياض وماك بععد أتحححدآكك !
بيداء – تمسك أيد فهد- : لا فههودي خلاص قلت لك ما أبغى
فهد : مو تقولين قبل شوي مشتهيته
بيداء – بضحكه - : لالا خلاص تراجعت عن كلمتي رووح لغرفتك ونام
فهد : لايكون مسويه أنت وياسمينتك مقلب ومخليته بغرفتي
بيداء : ههههههههههههههههههههه وش دعوىأ
فهد : أنتي وياسمينتك أي شيء يتوقع منكم !
ياسمين – ترفع كمُومها - : بيدآء ما تلاحظين أنُه يسبّنا من اليوووم ؟ , أقول روح بس رووووح !
.......................
عند غيداء
هند : هاقلبي أخبارك اليوم ؟
غيداء – بإبتسآمه - : بخيير مآمي
هند : كنت بجيب غلاوي بس قلت أخاف تزعجك وأنتي تعبانة
غيداء : لا الحمدلله أنا بخيــر أبشرك , وخخخ إشتقت لههها بلييز ماما بُكرا لآزم تجيبينها مععك
ابراهيم – بضحكه - : أفآآآ وحنا مانكفي ؟
غيداء : الا أكييد بس غلاوي غيير
هند : ان شاء الله بكرى بتطلعين وبجيبها بعد
ابراهيم : يالله هند مشينا
هند : يالله
غيداء – باستغراب - : بتروحون ؟
هند: ايه حبيبتي
غيداء : تكفون أجلسوا عندي والله مليت لحالي
ابراهيم : لا حبيبتي الدكتور يقول تحتاج للراحة أرتاحي
غيداء : هفففف طيّب طلعوني متى أطلع من هآلمستشفى بس مقابله وجيه هـ آلدكآتره آلفآشلين !
إبرآهيم – بضحكه - : لآ يا بنيّتي لا تفشليننآ مُعهم شكلهُم عيآل حلآل
هند – تبُوسها - : يآلله يآ مآمآ إنتبهي على نفسك
غيداء : الله يخليكم لي ولا يحرمني منكم
هند وابراهيم : امين ولا يحرمنا منّك
........................
ياسمين : أقول بيود !
بيداء – بملل - : هلا
ياسمين : طفششانة !
بيداء : لآآآ آلصراحه جبتي شي جديد , روحي إجلسي مع يممه عائشه
ياسمين : توني جاية منها
بيداء : وش أسوي لك طيب ؟
ياسمين – بضحكه شريره - : نفسي أسوي بأحد مقلب
بيداء : سّوي الله يقويك
ياسمين – بيأس - : أقول بيود بلا استهبال أبغى مقلب حلوو وأنتي بتسوينه معي
بيداء – بحمآس - : طيب يالله يالمفكرة مين اللي نسوي فيه مقلب ؟
ياسمين – بضحكه - : يمه عائشه
بيداء : لآآآآآآآآآآآ
ياسمين : ليه ؟
بيداء : تدرين أنها قبل كم سسنة بغت تموت أرتفع ضغطها وسكرها
ياسمين : طيب بسم الله عليها
بيداء : طيب فكري أحد ثاني
ياسمين : أممممم ماعندي
خالاتي وخوافات شيء ماتتوقعينه !
مايحتاج أبغى أحد ثاني
بيداء – بضحكه - : لقييييييته فهههههد
ياسمين : لا أنتي تدرين أنا أتغطى من فهد ما يمدينا ناخذ راحتنا
بيداء : لا أنتي تساعديني وتناظرين من بعيد
ياسمين : أتفقناااااااااا
بيداء : طيب اللحين وشو المقلب ؟.
ياسمين – طلعت فيها قطرة (ماعندها جواب ) - : هاه مآدري !
بيداء : مالت على وجهك يالله شغلي مخخك
ياسمين : شرآيك نوّصي كونو يجيب لنا شريحة وندق نستهبل عليه كأننا بنات مغزجليات
بيداء : وآلله فكره بس ما أتوّقع يعطينآ وجه
ياسمين : ما عليكك بس نجرب
............................
فزاع : جوني مرضى الله يعيني بس يالله فهوود بروح وأشوفك بكرى ان شاء الله
فهد : ان شاء الله أنا دوامي خلاص إنتهى برجع البيت
فزاع : يالله أجل مع السسلامة أشوفك على خير ان شاء الله
فهد – ينعم صُوته كأنُه بنت خخخخ - :ان شاء الله بآيي فوفتيييي
فزاع – بضحكه - : بآييآت حبيبتيَ
فهد : بشتآقلكك فوفتي مآ أقدر أتحمل بُعدك دقيقه
فزآع : أقول بس سقههههآ
............
بعد وقت
بيداء : فهووووووووود فديتك أخيرا جيت !
فهد – مستغرب- :أول شيء السلام عليكم ورحمة الله وبركاته عليك
حرارة أجل تنتظريني ؟
بيداء – بملل - : وعليكم السلام ورحمة الله وبركاته , يا أخوي الجميييل أنا جوعآنه
فهد – بضحكه - : بسم الله عليك متى ما عمرك جعتي إنتي
بيداء – كأنها زعلانه - : هفففف بس تجرح مشاعري إنتَ رُووح بسَ -_- ! مالت عليك وع اللي يجلس عشانك ,
فهد – بتعب - : خلآص بيدونه أجيب لك إذآ قمت بعد المغرب إن شآءالله
بيداء : وهه فديييتك مشكور

................................
إنتهى ~
أتمنىَ أنّ يكُون حآزِ علىآ رضِآكُم !
صلوا على من يكون وآقـفاً في نهآية آلصراط عند باب الجنّة
يراك تضع قدمك على أول الصراط , يدعوا لكم قائلا :
" يآ رب سلّم , يآ رب سلّم "
اللهم صل على محمد وعلى آل محمد كما صليت على
ابراهيم وعلى آل ابراهيم انك حميد مجيد~