عباة كتف يعني قلة ادب .....من الآخر[استوفى حقه من الردود]

اول شي اعتذر اني ما رديت من البارح وذلك بسبب انه عدد المشاركات محدود 3 مشاركات فقط.
الشي الثاني بالنسبه للاخوات اللي قالو ليه تعلمين على المرأه ام عباة راس اللي كانت تكلم الشباب لانها كانت حرمه قليله ادب بمعنى الكلمه كانت تروح للرجال وهم واقفين عند المطاعم في المجمع وتسأل بصوت عالي تبون بنات ؟؟؟؟؟؟؟؟؟ تبون بناااات ؟ وواحد قالها ايه واتصلت قدامي على بنت وقالت تعالي بسرعه ستاربكس لا تتأخرين ....تبوني اسكت على هذا ؟؟؟؟ بصراحه ما ادري ليه تاخذون الموضوع من جهه وحده بس...أسالو ليه علمتي ليه وش قالت الحرمه .....اجل وحده تقولي شفتي كيف لانك علمتي عن ام عباه راس ربي ردها لك وخلا الناس تناظرك؟؟؟؟
وش هالرد العقلاني ماشالله ....والفله الثانيه اللي تسأل كيف نظرة الرجال لك ؟؟؟؟؟ اقولك المشكله في الحرييييييييييم ....يعني لو فيه رجل بيناظر اكيد احد محارمي اللي معي بيتصرف معه لاننا ما نطلع لحالنا ...
الشي الثالث :
انا قلت الحريم اللي يخزون لا يردون ....لانها بتبرر موقف الخز مهما كان ...وذكرت في بدايه موضوعي رجااااااااااااء لا تخلين نفسك تقيمين البشر....مافيه احد منزه من الخطأ....
وذكرت بعد في اول الموضوع في حريم يجيبون العافيه وهم بعبي راس وفيه بنات لابسات عباة كتف شكلهم مقزز ...
يعني انا ماجيت ابرأ نفسي لاني البس عباة كتف واذم ام عباة راس ....هذي قناعه ....واشكر الاخت اللي قالت فيه بنات يلبسون عبي راس موب قناعه بس عشان الاهل قالو البسي عباة راس....
وبالنسبه للاخت اللي قالت عباة كتف يعني قلة ادب وحرام وذنب وتحملني ذنب من اتبعني....سلامات يالاخت احد قالك اني مصممه عبي كتف .؟؟؟؟؟؟؟ والا مندوبه مبيعات لعبي كتف؟؟؟؟؟
ارتقي بحديثك اختي.....انتقي الفاظك....بإمكاني انا اقول كل وحده قالت قليله ادب من تلبس عباة كتف وتحملني ذنبها انها مهي محلله ليوم الدين ....واوقفكم يوم القيامه على الصراط ولا اسامحكم ....تبون كذا ؟؟؟؟؟؟؟؟؟؟؟؟
لا تقولون الكل قليل ادب لانه ياما حريم كبار مساكين ما يقدرون يلبسون عبي راس وممكن تطيح فيها ...
ياما حرمه مسكينه بعكازها لابسها عباة كتف تبينها تلبس راس وتطيح .....
يا قلبي افهموا قبل لا تردوووووووووووووووووون.....انا قلت ابعدو عن الخز ما قلت عباة الراس عيب او موضه قديمه ....فكرتي من الموضوع ابعدو عن الخز ودعو الخلق للخالق( الا اذا شفتو قلة ادب ما ينسكت عنها) بس لا تمشون وتخزون وهذي للكل عباة راس عباه كتف عباة اذن اي عباه المهم بدون خز ترا عيب من جد....
ورجااااااااااااء ولا وحده ترد وتفتي على كيفها .....قولي وجهة نظرك بأدب وان ما عجبك الكلام اطلعي وانتي ساكته (قل خيرا او اصمت).
اعتذر عن الاطاله ....

اذا كان الخز بينفع فيهم بنخزهم ^_^ عشان نغير المنكر
البنت المحترمه تنعرف من طريقة مشيتها ولبسها
وليه شايله على البنات اللي لابسين راس؟؟ الحمدلله مفروض توجهي كلامك للصنف الاخر

بصراحة غيه عبايات عن عبايات



احيانا والله تصير الكتف استر من الراس


يعني لو بتجي وحدة حاطة في راسها ان الكتف عيب ومايصلح


وتشوف بنتين وحدة راس ومخصرة والثانية كتف وواسعة


تبي تظل على رايها ؟؟؟


اهم شي الستر موب الاسم :)